Lookilera’n 7:16 - Nouveau Testament en Gulay 2004

¹⁶ Dé nè nga, ɓo se kunde mann à teli rai de gugu ndan lé a, kàde à tel kɔse de gugu ndan lé a, loo à tel nunge de gugu ndan lé a tɔ.

Lookilera’n 7:16 ပူးပေါင်းရင်းမြစ်များ

Matthieu 13:21

Nè tà nè nga ule ngire’n nang rann’t lé, è doo ke nda dè njann’t njáng lé. Loo ke nyantosowurge gai-gai éké nyankumndoo undei loo teei tede tà nè nga ɓaa, ke loon’t nè kuwe, nyan tuge’n ade oso ɓá ta.

Matthieu 13:6

Nè loo ke kàde ɔse ramam ɓaa, ko ke ube nga ndolè ade tutu ngarr a tɔ, tede ngire’n aw nang ngain lé.

Matthieu 5:6

Njé ke ngur nyanra ke se dè naje’n ra de pênn-pênn asenan se kunde mann éké ɓo ke ra de nga, ra de à nel de tede kêm de à ndann ɓai!

Marc 4:17

Nè Tà ke Maje nè nga ule ngire’n nang dè ɓengre de’t lé, tede ei njé kêm mɔrége. Loo ke nyan ke tur éké nyankumndoo undei loo teei pitring ɔje dè Tà ke Maje ɓaa, ke loon’t nè kuwe ei surei Tà ke Maje nè nga inyei.

Marc 4:6

Loo ke kàde ose ramam ɓaa, ndolèi sabak tede ngire de aw nang ngain lé ade tuti parr.

Tà ke Maje ke Luc ndang 1:53

Njé ke ɓo ra de nga, è uwe se de noje se nyange ndàj-ndàj, nè è rɔ njényan kingege ji de karè ɗáng-ɗáng.

Tà ke Maje ke Luc ndang 6:21

Sei ke ɓo tɔl sei ɗarinè nga, ali ra si tede ndɔ ke rang d’a d’ade a i ndanni gɔj-gɔj ɓai! Sei ke i noin se mann non kum si’t ɗarinè nga, ndɔ ke rang a ali ra si ɓai!

Jean 4:14

Nè doo ke an-in mann ke m’a m’ade’n nga ɓaa, kunde a tel ra’n gugu ndan lé sár. Mann ke m’a m’ade’n nga à tel ngire mann ndikumgajer ke an-in kutch-kutch kêmn’t.

Jacques 1:11

Loo ke kàde ube, in ɔse ramam ade kam kage ndolè a, putu’n ur nang a, kin mande le’n ɔse ngei ngai a tɔ. Baw nga géa, le’n à è titeke bè tɔ. Ndɔ karé à goto njêl dann nyanbawge’t le’n.

Lookilera’n 21:4

Nube à tise mann non kum de’t ndát-ndát. Yo se kumndoo yo se kem̂kon à gotoi njing se non. Non se wuwi à ɓar gugu bè lé njing ta. Nyange ke mari gotoi njêl karè.»