Lookilera’n 7:1 - Nouveau Testament en Gulay 2004

¹ Go’t gugu, m’an dooge ke danrán sɔ ndai se nja de dɔ dè kum nang ke sɔ’t. Dooge ke danrán nè nga on-in nelge ke sɔ ke dè nang nè njanm-njanm tede kade nel karé bè géa ule dè nang nè éké dè ba-bò’t éké dè kage karé bè lé a tɔ.

Lookilera’n 7:1 ပူးပေါင်းရင်းမြစ်များ

Matthieu 24:31

M’a m’ule dooge le’m ke danrán se burunju ke à ɓar kase loo nák-nák le kade ɔsi nja dooge le’m ke m’tɔr de m’unde de se ninn’n gai dè nang bere mbak, loo tee’t se loo kur’t le kàde, dè jikon se dè jigel a tɔ.

Marc 13:27

Kerɔte kuwe, m’a mule dooge le’m ke danrán kade awi se loo malang dè nang nè ɔsi nja njé ke m’tɔr de dè nan’t neĵ-neĵ.

Lookilera’n 20:8

Njèkɔse tà se dooge à unde loo tee le libe kum girkoje dooge se dè ɓee-ɓee dè kum nang ke sɔ’t. E ɔse nja Gog se Magog nan’t tede kaw rɔ’n. Dooge le’n ke ɔse nja de nan’t le kaw kile’n rɔ nga, kɔr de bule asenan se nyeenger ke tà ba-bò kate’t.

Lookilera’n 6:6

M’oo ká nyan ɓar asenan se ndu doo dann nyankundege ke sɔ’t tam ede nè: «Ko têl kem̂ ngonn nyan-mbɔje nyan karé bere kuwe à è kum nar kule ke ndɔ karé. Ko gɔje kem̂ ngonn nyan-mbɔje nyan mute bere kuwe à è kum nar kule ke ndɔ karé tɔ. Nè wubu se yibe ndu ɓaa, i tuji de kɔke lé.

Lookilera’n 7:3

«An-in! tá nè a kin-in tuji nang se ba-bò a, se kagege a tɔ. I nginei sár adi jè tɔse nyankorji nat-non ɓerge’t le Nube le jéi pa ɓita.»

Lookilera’n 8:7

Doo ke danrán ke desêin dann njé ke ji sejimute’t nè nga kɔl burunju ɓaa, ke loon’t nè kuwe, ndi kɔtche ede se por a, se mese a tɔ, nan’t dè nang nè. Debe nang ke karé dann madege ke mute’t nga, por ró rák-rák. Walè ke tebe bere mbak géa por ró’n rák-rák a tɔ. Debe kagege karé dann madege ke mute nga géa, por ró de rák-rák a tɔ.

Lookilera’n 9:14

Ndu doo ke m’oo nga tam se doo ke danrán ke njèkon madennge’t mute-mute ke uwe burunju jinn’t ede nè: «I tutu dooge ke danrán ke sɔ ke dé tɔ de dè ba ke bò ke ri’n nè Euphrate inye de dɔ.»

Lookilera’n 9:4

D’unn ndu de d’ade de le kade on-in walè se nyan ke tebe karé éké kage karé bè géa dè nang nè lé. Nè d’inye loo d’ade de le kade rai kum dooge ke nyankorji le Nube goto nat-non de’t ndoo.