Lookilera’n 6:8 - Nouveau Testament en Gulay 2004

⁸ An! loo ke m’an loo gerer ɓaa, m’an sinde-mɔse. Doo ke njèkal’n nga ri’n nè yo-kos. Ɓee le njé ke koo ndolè goo’n. Dè kum nang ke tɔ sɔ nga, d’ade yo-kos se ɓee le njé koo gang ɔje dè è ke karé. Yo-kos se se ɓee le njé ke koo à tɔli dooge se kuye kaskar ke bòi bember se ɓo a, se yo-kos a, se dan-tonge ke dè nang nè a tɔ.

Lookilera’n 6:8 ပူးပေါင်းရင်းမြစ်များ

Matthieu 11:23

Sei dooge ke kêm ɓee-bò ke Capernaum, ké sei i giri kêm si’t edi nè Nube à kunn sei kunde sei dɔ ɗáng wa? Ḿ-m̀ è bè lé. Nè Nube à tel kaw se si sár ɓee le njé ke koo. Kerɔte kuwe, nyankɔbege ke Nube ra dann si’t nga, ke nè á ndɔ ke ra titeke bè ade njé ke Sodome an-in ɓaa, bainléa ɓee-bò ke Sodome à tò tutu sár tee ɓila ɓai.

Matthieu 24:7

Girkoje dooge ke karé à in-in le rɔi se girkoje dooge karé ke rang a, ngar ke kêm ɓeekon karé à in le rɔ se ngar made’n ke kêm ɓeekon karé ke rang a tɔ. Ɓo-bò à oso se loo-loo a, kêl loo ke nange nang à yei ɓuk-ɓuk a tɔ.

1 Nje Ke Corinthe 15:55

Yo, ké ndubra lei nga è ra wa? Yo, ké nyankate lei nga è ra wa?»

Lookilera’n 1:18

Man nga m’ee njèndi kumgajer. Man nga ndɔ ke wei ɓá. An! ɗarinè, m’ndi kumgajer sár se non. Man nga m’aw se tɔgmong dè yo’t a, dè ɓee le njé ke koo’t a tɔ.

Lookilera’n 12:4

Ɓong’n uwe debe kɔnyonge karé dann è ke mute’t jɔrè’n nang nè. Dan-kɔbe nè nda non dinye ke ayé koje ngonn; è nda um tà’n le kade loo ke à oje ngonn ɓaa, è à unn kuse kɔke.

Lookilera’n 9:15

Dooge ke danrán ke sɔ ke dé tutu de d’inye de dɔ nga ndii dè nja de’t tchên nginei kàde’n, ndɔ’n, nan’n se ɓal’n a tɔ, le kin-in kawi tɔli debe dooge ke karé dann ke mute’t.

Lookilera’n 9:18

Nyange ke gir mute ke teei tà sindege’t nga tɔli debe dooge ke karé dann ke mute’t kɔke.