Lookilera’n 6:4 - Nouveau Testament en Gulay 2004

⁴ Sinde-ndai unde loo tee pitring. Doo ke njèkal’n nga d’ade’n kuye kaskar ke bòi bember jinn’t a, d’ade’n tɔgmong le kade uwe’n kem̂lom wont ɔr kɔke dè nang nè. E ra titeke bè tede kade dooge tɔli nan.

Lookilera’n 6:4 ပူးပေါင်းရင်းမြစ်များ

Matthieu 10:34

Ké sei giri kêm si’t edi nè: man m’ ree le kade dooge ke dè nang nè ndii se kêmlom wa? Ḿ-m̀ è bè lé. Nè man m’ree se kuye kaskar le kile’n tà tin nan dann dooge’t dè nang nè.

Matthieu 24:6

Sei a kooi ká rɔ se ser rɔ ke dooge à rɔi nan. Nè adii kàde si gete get-get lé. Gar-gar nyange nè nga à teei kété ɓita, nè à è ngei ndɔ kade dè nang nè bere mbak tuju’n lé ɓai.

Jean 19:11

Jésu tel ilé dè’t ede nè: – Ke nè á ndɔ ke Nube adi tɔgmong lé ɓaa, ayé ra se’m nyan karé bè lé. Gir’n ke nè á, è ke njè kade d’uwe’m d’ule’m jii’t nga, tà uwe dè’n dum lei ɓai.

Lookilera’n 12:3

Nyantɔje karé ke rang unde loo tee kàde danrán’t ɓai. An! nyantɔje nè nga è dan-kɔbe ke ker siw, dè’n è ji sejimute a, gaje’n è dɔg a tɔ. E tule jɔkɔ ke ndoin asenan se kɔnyon gajenn’t ke ji sejimute’t nga karé-karé malang.

Lookilera’n 13:10

Doo ke d’uwe dè nja dangai d’ɔje’n dè’n ɓaa, à aw dangai’t kuwe. Doo ke d’ɔje kade wei yo kuye kaskar ɓaa, à kwei yo kuye kaskar kuwe gar-gar. Gir’n ke nè á, maje kade dooge le Nube ke tooi se ninn de oréi tà njak dè kundekem̂ dè Nube’t le de.

Lookilera’n 17:3

Doo ke danrán nè nga unn ndil’m seen aw se’n kem̂ dile’t. Ke loon’t nè kuwe, m’an dinye karé ndi dè dan ke ker mbon. Ri ke ɔje dè taje Nube taa ra dan nè nga pel-pel. Dan ke dinye ndi dènn’t nga, dènnge ei ji sejimute a, gajennge ei dɔg a tɔ.

Lookilera’n 17:6

Mese dooge le Nube ke tooi se ninn de se mese njé ke dé tɔl de tede kem̂ de ke undei dè Jésu’t ra dinye nè nga tite yibe bè. Loo ke m’an’n bè ɓaa, ndil’m tee an-in soin-soin.