Lookilera’n 6:2 - Nouveau Testament en Gulay 2004

² Go’t gugu, m’an sinde-gaglam. Doo ke al dè sinde’t nè nga uwe ngɔndong jinn’t. Doo nè nga d’ade’n jɔkɔ gon rɔ. E gon rɔ ke aw tede le tête rɔ.

Lookilera’n 6:2 ပူးပေါင်းရင်းမြစ်များ

Matthieu 28:18

Jésu aw ngɔr ke ra de’t ede de tàge titeke bè ede nè: – Man nga, d’ade’m tɔgmong dè nyange malang ke danrán se ke dè nang nè.

1 Nje Ke Corinthe 15:25

Gar-gar Krist à on ɓee kêm ndɔn’t nè sár kade Nube ule’n njébange le’n malang gir njann’t.

Lookilera’n 11:15

Taɓai doo ke danrán ke njèkon madennge’t ji sejimute kɔl burunju. Ke loon’t nè kuwe, ndu dooge ɓar danrán beng-beng edi nè: «Tɔgmong konɓee ke dè nang nè oso ji Kuwe-ɓee Nube’t le jéi se Krist le’n a tɔ. Kuwe-ɓee à on ɓee sár se non.»

Lookilera’n 11:18

Girkoje dooge ke se dè ɓee-dè ɓee adi wong ra de, nè ɗarinè wong ke lei in sei tɔ ta. Ɓila è ndɔ gangtà dè njé ke koo’t. Ndɔ kuge dè ji ɓer kulege lei ke ei njéribe-dè-tàge lei nga ase ɓila ta. Dooge ke bòi se njé ke ngannge ke ei leige a, ke ilei koje dèi’t a tɔ nga, ndɔ kuge dè ji de ase ɓila ɓá ta. Dooge ke njé nuju dè nang nè nga géa, ndɔ kade i tuju de ase deĵ ɓá a tɔ.»

Lookilera’n 14:14

Loo ke m’unn kum’m ke dɔ ɓaa, m’an kil ndi ke nda káng-káng. Doo karé ke tanan se Ngonn doo ndi dann kil’t le ndi nè nga. E ule jɔkɔ ke ra se nar-ɔr dènn’t, uwe ngɔrong ke ate pem̂ jinn’t a tɔ.

Lookilera’n 15:2

Taɓai, m’an mann ba-bò ke unju nyang-nyang a, por ndɔbe danné batat-batat a tɔ. M’an njé ke ndɔ ke têti rɔ dan, se nyan ke dooge tɔli ndajii nin a, se kɔr nyan ke ɔje dè ri dan nè nga a tɔ. Dooge nè ndai dè ba-bò ke unju nyang-nyang’t nè nga. Ei uwei kundu-jêng ke Nube ade de ji de’t ndai.

Lookilera’n 17:14

D’a d’um nan’t bɔk le rɔ se Ngonn bate, nè è à tête de rɔ; tede Ngonn bate nga è Kuwe-ɓee ke on kuwe-ɓeege a, è Ngar ke on ngarge a tɔ. Ngonn bate se njé ke le’n ke è ɓar de, tɔr de a, ke undei kem̂ de dènn’t a tɔ nga, à têti de rɔ.»

Lookilera’n 19:14

Njérɔge ke danrán ali sinde-gaglam ndolèi goo’n. Njérɔge nè nga tulei kubu ke nda káng-káng, ke unju nyang-nyang ra de’t.

Lookilera’n 3:21

Doo ke tête rɔ ɓaa, m’a m’ade à ndi se’m kutu-ngar’t le’m, titeke man géa m’tête’n rɔ ɓita m’aw m’ndi’n se Bɔ’m dè kutu-ngar’t le’n ɓai.

Lookilera’n 9:7

Bêteĝe nè nga taai nan se sinde rɔge ke d’uwe dè nja le kaw’n rɔ’t bè. Dé tule jɔkɔ tête rɔ ke tò tite ɔr bè dè de’t a, tàkum de tanan se tàkum dooge bè a tɔ.