Lookilera’n 6:16 - Nouveau Testament en Gulay 2004

¹⁶ D’ede mbalge se herge nè nga d’ede nè: «I jɔréi dè jé’t adi kum è ke ndi kutu-ngar’t nga oso dè jé’t lé. I jɔréi dè jé’t tede kade wong ra Ngonn bate nga dè jé’t lé a tɔ.

Lookilera’n 6:16 ပူးပေါင်းရင်းမြစ်များ

Matthieu 26:64

Jésu tel ilé dè’t ede nè: – E nga kuwe i tam non ɓá. Nè man m’ede sei ndàt, unn gir ɗarinè, sei a an-in man ke m’ee Ngonn doo m’a m’ndi dè jikon Nube ke Njètɔgmong’t. Sei a kan-in man loo ree’t le’m dann bum’t dɔ danrán.

Marc 3:5

Jésu an de ɗêrêr-ɗêrêr ɓaa, wur’n ndir’n njàk-njàk tede kêm majelé le de. Go’t gugu è ede dingem ke ji’n wei tonrin nè nga ede nè: – I ndaje jii. Dingem nè nga ndaje ji’n ɓaa, tel tò karé titeke kété.

Tà ke Maje ke Luc ndang 23:30

Kêm ndɔn’t nè nga dooge à unni gir kedi mbalge kedi nè: «I ɓungei osoi dè jé’t», à kedi ɗinger looge kedi nè: «I jɔréi uti dè jé.»

Lookilera’n 10:6

E mann ra’n se ri ke njèndi kumgajer se non, ke njèkunde danran se nang, se ba-bò kate a, se nyange malang ke tooi tutu a tɔ. Doo ke danrán nè nga tam ndàt ede nè: «Ase nan’t lé ta.

Lookilera’n 19:15

Kuye kaskar ke bòi bember ke tà’n ate njêt unde loo tee tà doo’t nè nga, tede jeng girkoje dooge ke se dè ɓee-ɓee dè nang nè. E è kuwe á ul de a, ɔr non de se kage-tɔse ke nar a tɔ. E à raje de ráj-ráj ndɔ wong bò’t le Nube ke njè tɔgmong, titeke doo raje’n kul nduu kem̂ nyan mboré mann nduu’t bè tɔ.

Lookilera’n 20:11

Go’t gugu, m’an doo karé bè ndi dè kutu-ngar ke nda ke bòi’t. Nang se danran ɔti an-in nan tà kum’n ta.

Lookilera’n 4:2

Ke loon’t nè kuwe, Ndil lá’m mêtch uwe’m ɓaa, m’an kutu-ngar karé ke d’unde kem̂ danran’t. Doo karé ndi dè kutu-ngar’t nè nga.

Lookilera’n 4:5

Ndu doo ɓar beng-beng a, ndi têl a, ndang a tɔ, tu kutu-ngar ke karé ke madege an-in dè’n ulei nan’t nga. Lampege ji sejimute ndogói kotong non kutu-ngar’t nè nga. Lampege ke ji sejimute nga ei Ndilge ke ji sejimute le Nube.

Lookilera’n 4:9

E ke njè ndi dè kutu-ngar’t se lo’n-lo’n sár se non nga, dange ke sɔ nè ulei ndubra se riɓar dènn’t a, rai nin oiyo a tɔ.

Lookilera’n 5:1

E ke ndi kutu-ngar’t nga, m’an magtub ke dé ndang nyan gidé a, kem̂é a tɔ, jikonn’t. Magtub nè nga, dé tinye tà se nyankorji ji sejimute.

Lookilera’n 6:10

Dooge nè nga tami tà se ndu de ke bòi beng edi nè: «Kuwe-ɓee, i i doo ke get ke i tò se ninni gai. Dooge ke ndii dè nang nè nga, ké a i tile mbɔr sár ndɔ ke ra a i gangtà dè de’t wa? Ké ndɔ ke ra a i deje tà dè tɔl ke ndɔ ke ei tɔli jè nga wa?»

Lookilera’n 9:6

Kem̂ nange ke mi nè nga, dooge à sangi yo nè à ingei nin ndan lé. Dooge à ndingei yo, nè à an-in de le nda heb.