Lookilera’n 6:12 - Nouveau Testament en Gulay 2004

¹² Loo ke Ngonn bate teen tà nyankorji ke njèkon’t mute mute nga, m’an loo gerer ɓaa, nang unn gir yei ɓuk-ɓuk. Ke loon’t nè kuwe kàde tel ndul ndang-ndang tite kubu ndoo bè. Ra nan bere mbak tel ker tite mese bè.

Lookilera’n 6:12 ပူးပေါင်းရင်းမြစ်များ

Matthieu 11:21

– Sei dooge ke kêm ɓee-bò ke Chorazin se Bethsaida a an-in ɓai! Nyankɔbege malang ke ndɔ ke Nube ra kêm ɓee-bòge’t le si nè nga, ke nè á ndɔ ke è ra titeke bè kêm ɓee-bò ke Tyr se Sidon ɓaa, bainléa dooge à tulei kubu ndoo ndii dann bu’t le turi hal de mari.

Matthieu 24:29

Go ndɔ nyantosowurge’t nè nga ɓaa, ke loon’t nè kuwe kàde à tel ndul a, nan à nda lé a, kɔnyonge à unni gir tosoi nang a, tɔgmong-ge ke uwei nyange ke danrán nan’t sêm-sêm nga, à yeyi ɓuk-ɓuk a tɔ.

Matthieu 24:7

Girkoje dooge ke karé à in-in le rɔi se girkoje dooge karé ke rang a, ngar ke kêm ɓeekon karé à in le rɔ se ngar made’n ke kêm ɓeekon karé ke rang a tɔ. Ɓo-bò à oso se loo-loo a, kêl loo ke nange nang à yei ɓuk-ɓuk a tɔ.

Matthieu 27:45

Kàde nda dann ɓee bɔp. Tilkus sebe rip dè nang nè bere mbak sár ade kàde ke mute ke loo sɔlé ase’n.

Matthieu 27:54

Loo ke njèkan dè njérɔge ke aru karé se njérɔge ke ngonmi Jésu se’n, ei an-in nang ke yei ɓuk-ɓuk se nyange ke teei nè nga ɓaa, ɓel unde ndàt gang dè ade tami edi nè: – Loo naje’n goto, doo nè nga è Ngonn Nube kerɔte kuwe.

Matthieu 28:2

An! ke loon’t nè kuwe nang yei ɓuk-ɓuk. Kuwe-ɓee ule doo le’n ade in danrán ree ndubri her ke bòi ke d’utu’n tà be ɓade nè nga ile rang al ndi dè’t.

Marc 15:33

Kàde nda dann ɓee bɔp, loo unn gir tuge ndul bigm sár kàde mute ke tà loo sɔl’t.

Lookilera’n 11:13

Ke loon’t nè kuwe, nang yei ɓuk-ɓuk. Debe ɓee-bò ke karé dann ke dɔg’t ɔr oso. Loo ke nang yei ɓuk-ɓuk nga, dooge aru dɔg loo ji sejimute weii kabak. Ɓel unde gute dooge ne nan-in ndàt gang de ade teli ulei ndubra dè Nube’t ke ndi danrán.

Lookilera’n 16:18

Ke loon’t nè kuwe, ndi têl a, ndu doo ɓar beng-beng a, nang unn gir yei ɓuk-ɓuk a tɔ. Unn gir mari ke doo ndii’n dè nang nè nga, nang yei ɓuk-ɓuk tite è ke nè nja karé lé ɓai!

Lookilera’n 16:8

Doo ke danrán ke njèkon’t sɔ unn nyantosowur ke kem̂ bai wong’t le’n ɓêngle dè kàde’t gangang. D’inye loo d’ade’n le kade ró dooge se por rák-rák.

Lookilera’n 8:12

Loo ke doo ke danrán ke njèkon’t sɔ kɔl burunju ɓaa, debe kàde se nan se kɔnyonge ke karé dann madege ke mute’t ingei dò ade ndogó le de ke debe karé dann ke mute’t tel tuge ndul bigm. Ndogó le lookar se dann ndɔ ke karé dann madege ke mute’t teli tugei ndul bigm.

Lookilera’n 8:5

Doo ke danrán nè nga uge yal por ke dè ɗinger loo nyankuje-mese’t kem̂ bai ró katchatchage’t ade rusu neĵ ɓaa, è lɔke ile piring dè nang nè. Ke loon’t nè kuwe, ndi ndang a, têl a, ndu dooge ɓar wuu-wuu a, nang unn gir yei ɓuk-ɓuk a tɔ.