Lookilera’n 6:11 - Nouveau Testament en Gulay 2004

¹¹ Dooge karé-karé malang ke ndɔ ke dé tɔl de nga, d’ade de kubu ke nda ke bòi ɔr gide nja de nang ndêt-ndêt. Taɓai d’ede de kade taai kebe ndêin ɓai a, le kade kɔr njémade kulege le de se ngakon dege ke d’ade tɔl de ase deĵ ɓita.

Lookilera’n 6:11 ပူးပေါင်းရင်းမြစ်များ

Matthieu 10:21

Ngakon nange à unni dè nan le kade dé tɔl è ke karé a, bɔ ngannge à unni dè ngann dege. Ngannge à kin-in se njékoje dege a, à adi d’ade tɔl de a tɔ.

Tà ke Maje ke Luc ndang 15:22

Nè loo ke dé ree tee kêm kei ɓaa, bɔ’n ede ngann njéndige le’n ede nè: «Awi law-law unni kubu ke maje ke bòi yul i reei ulei ra ngonnm’t. I reei se ninge-bise ulei jinn’t a, i reei se sa ulei njann’t a tɔ.

Jean 16:2

D’ade rɔ sei kêm kei kebe nange’t. Kàde ke ndɔn’t nè, dooge malang à in-in tami kedi nè: «sei njé mbate Nubege» à ree non. Gir’n ke nè á, ndɔn’t d’a tɔl’n sei ke nyankuje-mese kede nè n’ilei riɓar dè Nube’t.

Nyanra Njekawkulege 20:24

Ndikumgajer le’m dè nang nè nga, m’an ke nyan ke ngain le tɔse kum dè’t lé. Nè kɔr son ngɔde le’m se kule ke Kuwe-ɓee Jésu-Krist um jim’t á ke nyan ke uwe kêm’m. Kule ke Kuwe-ɓee um jim’t nga, è kule kile mber Tà ke Maje ke ɔje dè kêmnoje le Nube.

2 Nje Ke Thessalonique 1:7

Sei ke dé ra se si nyantosowurge nè nga, ndɔ ke kuwe jéi Jésu à in danrán le kunde loo tee pan se dooge le’n ke njé tɔgmong-ge ɓaa, Nube à ade a i taai kebe se jé nan’t tɔ.

2 Timothee 4:7

Man nga, m’ra rɔ maje a, m’ɔr son ngɔde le’m a, m’an dè kundekem̂ le’m sêw-sêw a tɔ.

Hebreuge 11:40

Ndɔ ke Nube ɔje rebe nyan karé ke maje ngain dum tede le jéi, nè è ndige le kade d’inge nyan nè nga anje jèi ndan lé.

Hebreuge 12:23

Sei reei ra njékebe nange le Nube ke ei ngann dernge ke d’unde ri de kem̂ Konɓee ke danrán’t. Sei reei ra Nube ke njègangtà dè dooge’t malang a, se dè njé ra nyan se dè najennge ke ɔri son kule le de njêt ɓita weii ɓai a tɔ.

Hebreuge 4:10

Oiyo, nanan ke aw loo taa kebe’t le Nube ɓaa, è géa à taa kebe dè kulege’t ke è ra titeke ndɔ ke Nube taa’n kebe dè kulege’t ke kinge’n bè tɔ.

Lookilera’n 10:6

E mann ra’n se ri ke njèndi kumgajer se non, ke njèkunde danran se nang, se ba-bò kate a, se nyange malang ke tooi tutu a tɔ. Doo ke danrán nè nga tam ndàt ede nè: «Ase nan’t lé ta.

Lookilera’n 13:15

Dan ke unde loo tee dè nang nè nga ule kebe kem̂ nyan ke dé tɔl ke dé ndaje’n dan ke kété d’ade’n dò nga. Nyan ke dé tɔl dé ndaje’n dan nè nga unn gir tam tà. Dooge malang ke mbati kulei dè de nang nonn’t nga, è ade dé tɔl de kɔke.

Lookilera’n 14:13

Go’t gugu ɓaa, m’oo ndu doo ɓar danrán ede nè: «I ndang tà nè: njé ke umi nan’t bɔk se Kuwe-ɓee á weii nga, ɗarinè ndii dann ranel’t ta.» Ndil tam ede nè: «Oiyo, maje kade dé taa kebe dè kule ra ndibe loo kulege’t le de kerɔte kuwe, tede kule nyanra de ke maje nga à utu go de.»

Lookilera’n 17:6

Mese dooge le Nube ke tooi se ninn de se mese njé ke dé tɔl de tede kem̂ de ke undei dè Jésu’t ra dinye nè nga tite yibe bè. Loo ke m’an’n bè ɓaa, ndil’m tee an-in soin-soin.

Lookilera’n 7:14

M’tel m’ile ngatɔge nè nga dè’t m’ede nè: «Kuwe’m, i i ger de mbak.» Ngatɔge nè nga ede’m ede nè: «Dé nè nga d’in dann nyantosowur ke bò’t. Dé togo kubuge le de ke bòi yul se mese Ngonn bate d’ade nda káng-káng.

Lookilera’n 7:9

Go nyange nè nga, m’an loo gerer ɓaa, m’an kosdooge ke se dè ɓee-ɓee bulei ɗik-ɗik ade doo asekum mbɔje de lé ndai girm. Dooge nè nga in-in dann girkoje dooge ke se dè ɓee-ɓee a, se dann girkoje le dooge malang ke dè dè nang nè ke tà tam de è gai-gai a, se kosdooge malang a tɔ. Dooge nè nga tulei kubuge ke nda ke bòi ɔr gide nja de nang ndêt-ndêt. Taɓai uwei mbi mar ji de’t ndai se nja de dɔ non kutu-ngar’t se non Ngonn bate’t.