Lookilera’n 6:10 - Nouveau Testament en Gulay 2004

¹⁰ Dooge nè nga tami tà se ndu de ke bòi beng edi nè: «Kuwe-ɓee, i i doo ke get ke i tò se ninni gai. Dooge ke ndii dè nang nè nga, ké a i tile mbɔr sár ndɔ ke ra a i gangtà dè de’t wa? Ké ndɔ ke ra a i deje tà dè tɔl ke ndɔ ke ei tɔli jè nga wa?»

Lookilera’n 6:10 ပူးပေါင်းရင်းမြစ်များ

Tà ke Maje ke Luc ndang 2:29

– Kuwe’m, inye’m man ngonn njèndi lei ade m’aw se kêmlom ɗarinè ta se go tà ke tee tài’t kété.

Tà ke Maje ke Luc ndang 21:22

Kêm ndɔn’t nè nga, Nube à gangtà dè kosdooge’t le’n tede kade tà ke dé ndang kêm magtub’t kété mari aw’n loon’t deĵ.

Nje Ke Rome 12:19

Ngakonmge ke m’tár sei, i dali ban le si sei kuwe se dè ra si lé. Nè inyei loo adi Nube kuwe gangtà dè njé ra sei majelége, tede Kuwe-ɓee Nube kuwe tam kêm Magtub ke tò se ninn’n ede nè: «Dalban nga ɔje dè’m, è man kuwe á m’a kade kure nyanra nanan géa à ɔde kum’n.»

Hebreuge 12:24

Sei reei ra Jésu ke njè nda dann mann-ra ke kige’t le Nube se kosdooge le’n. Mese Jésu ɔr tà dè jéi’t dum le Abel ke ndɔ ke an-in nang nga ɓai.

2 Pierre 2:1

Njé tête tà kunde tà Nube’t nga, ndɔ ke kété undei loo teei dann kosdooge’t ɓá. Ɓila géa njéndó dooge nyan ke lanmge à undei loo teei pan dann si’t titeke bè tɔ. Dé nè nga, d’a d’unn nyan-ndóge ke gai pat kule dann si’t le tuju’n sei. D’ade mbate Ngar Jésu ke njèkuge dè de. Gir’n ke nè á d’a dé ɓar’n tuju kalang d’ile’n dè de’t.

Lookilera’n 11:18

Girkoje dooge ke se dè ɓee-dè ɓee adi wong ra de, nè ɗarinè wong ke lei in sei tɔ ta. Ɓila è ndɔ gangtà dè njé ke koo’t. Ndɔ kuge dè ji ɓer kulege lei ke ei njéribe-dè-tàge lei nga ase ɓila ta. Dooge ke bòi se njé ke ngannge ke ei leige a, ke ilei koje dèi’t a tɔ nga, ndɔ kuge dè ji de ase ɓila ɓá ta. Dooge ke njé nuju dè nang nè nga géa, ndɔ kade i tuju de ase deĵ ɓá a tɔ.»

Lookilera’n 18:20

Sei ke i ndii danran, i rai ranel! Sei kosdooge le Nube ke i tooi se ninn si, njékawkulege a, se njéribe-dè-tàge ke tà Nube’t a tɔ nga, ali ra si ɔje dè tuju ke Nube tuju ɓee-bò nè nga! E è Nube kuwe á gangtà se dè naje’n dè ɓee-bò’t nè ɔje’n dè majelége ke ndɔ ke ra se si.

Lookilera’n 18:24

I Ɓee-bò ke Babylone nga, tà mese njéribe-dè-tàge ke tà Nube’t se dooge le’n se njé ke ndɔ ke dé tɔl de nga, tà’n uwe dèi ɗarinè ɓá ta.

Lookilera’n 19:2

Gangtàge le’n è se dè naje’n kerɔte kuwe! Nube gangtà dè ɓee-bò’t nè ke ndɔ ke dooge ke kem̂é ei njé tooi se nan ke kaiya’t nga. Nube gangtà dè ɓee-bò’t nè nga tede tɔl ke ndɔ tɔli ɓer kulege le’n ade mese de an-in nang.»

Lookilera’n 3:10

Ndɔ ke m’unn ndu’m m’adi kade oré tài njak dè kundekem̂’t. Ɗarinè i an dè ndukunn le’m nga sêw-sêw; ɓaa, man géa, man m’ee der giri ndɔ nyantosowur’t. Kerɔte kuwe, nyantosowur à ree le nan dooge malang ke ndii dè nang nè.

Lookilera’n 3:7

Doo ke m’an’n nga tam ede nè: «I ndang magtub ade doo ke danrán ke njèkan dè njékebe nange ke kem̂ ɓee-bò ke Philadelphie. E ke njè tò se ninn’n a, njè tam ngarankum tà a tɔ. E uwe lakêlé le ngar David jinn’t. Ke nè á teen tà rebe ɓaa, doo karé géa asekum kutu gugu lé a, ke nè á utu tà rebe ɓaa, doo karé géa asekum teen gugu lé a tɔ. E tam ede nè: