Lookilera’n 5:8 - Nouveau Testament en Gulay 2004

⁸ Loo ke è taa magtub nè nga pat ɓaa, nyankunde ke sɔ se ngatɔgege ke kɔr-joo-gidé-sɔ ɔsi keje de nang non Ngonn bate’t ɗɔyi nin. Ei karé-karé malang ei se kundu-jêng se baige ke dé ra se nar-ɔr. Wubu ke dé ra se katchatcha rusu kem̂ baige nè neĵ-neĵ. Wubu ke ra se katchatcha nga è kɔje tà se Nube le njé ke tooi se ninn de.

Lookilera’n 5:8 ပူးပေါင်းရင်းမြစ်များ

Jean 1:29

Barè lookar’n, loo ke Jean an Jesu à ree ke rann’t ɓaa, è tam ede nè: – An-in! Ngonn Bate le Nube ke njèkɔr kaiya dè dooge’t dè nang nè nga.

Jean 5:23

Titeke bè á dooge malang à ilei koje dè Ngonnenn’t titeke ilei koje dè Bɔn’t nga tɔ. Doo ke rara ke ile koje dè Ngonn’t nga lé ɓaa, è ile koje dè Bɔ’n ke njèkulenn’t nga lé tɔ.

Hebreuge 1:6

Taɓai loo ke ade Nube ule Ngonn der’n ke è dagi ade ree dè nang nè ɓá ɓaa, è tam titeke bè ede nè: «Maje kade dooge le Nube ke danrán malang ɔsi keje de nang non Ngonn Kem̂n’t nè nga le ɗɔyi nin.»

Lookilera’n 13:8

Dooge malang ke ndii dè nang nè nga à ulei dè de nang non dan’t nè ɗɔyi nin. Njé ke ulei dè de nang non dan’t ɗɔyi nin nè nga, ei dooge ke mari loo kunde gir nang’t kuwe, dé ndang ri de kem̂ magtub ndikumgajer le Ngonn bate ke ndɔ ke dé tɔl’n nga lé.

Lookilera’n 15:2

Taɓai, m’an mann ba-bò ke unju nyang-nyang a, por ndɔbe danné batat-batat a tɔ. M’an njé ke ndɔ ke têti rɔ dan, se nyan ke dooge tɔli ndajii nin a, se kɔr nyan ke ɔje dè ri dan nè nga a tɔ. Dooge nè ndai dè ba-bò ke unju nyang-nyang’t nè nga. Ei uwei kundu-jêng ke Nube ade de ji de’t ndai.

Lookilera’n 15:7

Nyankundege ke sɔ nè nga, è ke karé dann de’t ade dooge ke danrán ke ji sejimute bai nyankuje-mesege ji sejimute ke ra se nar-ɔr. Wong le Nube ke Njèndi kumgajer sár se non nga rusu kem̂ baige nè nga neĵ-neĵ.

Lookilera’n 19:4

Ngatɔgege ke kɔr-joo-gidé-sɔ se nyankundege ke sɔ nga ɔsi keje de nang non Nube ke ndi dè kutu-ngar’t ɗɔyi nin edi nè: «Amen! Maje kade è titeke bè kuwe! I piti Kuwe-ɓee!»

Lookilera’n 4:10

Ngatɔgege ke kɔr-joo-gidé-sɔ nè nga ɔsi keje de nang non è ke ndi dè kutu-ngar’t. Ngatɔgege nè nga ulei dè de nang ɗɔyi njèndi kumgajer sár se non nga. Dé tɔr jɔkɔ tête rɔ le de d’um nang non kutu-ngar’t d’ede nè:

Lookilera’n 4:4

Dé tunde kutu-ngarge ke rang kɔr-joo-gidé-sɔ d’an-in’n dè kutu-ngar ke karé nè nga d’ule nan’t wàk. Ngatɔgege kɔr-joo-gidé-sɔ tulei kubuge ke nda káng-káng a, tulei jɔkɔ tête rɔ ke dé ra se nar-ɔr dè de’t ndii dè kutu-ngarge’t nè nga tɔ.

Lookilera’n 4:6

Ba-bò kate karé ke unju njai-njai tite nyan karé ke ri’n nè Cristal bè tò non kutu-ngar’t nè nga tɔ. Nyankundege sɔ ndai dann kutu-ngar’t danné bɔp a, ndai ngangé-ngangé a tɔ. Nyankundege ke sɔ nè nga kum de bule nan ndari-ndari non de’t a, go de’t a tɔ.

Lookilera’n 4:8

Nyankundege ke sɔ nè nga awi se bage de mute-mute karé-karé malang, kum de bule ndari-ndari dè bage de’t se gir bage de’t a tɔ. Loo taa kebe le de goto sár. Ndɔɔ a, kada a, ɔsi pa ilei riɓar dè è ke ndi dè kutu-ngar’t edi nè: «Njè tò se ninn’n, njè tò se ninn’n, njè tò se ninn’n nga è Kuwe-ɓee Nube ke Njètɔgmong ke dum dè loo, è ke njè ndi tutu kété mari sár ɗarinè a, ndi à ree sei non a tɔ.»

Lookilera’n 5:11

Taɓai m’an loo gerer ɓaa, m’oo ndu dooge ke danrán an-in dè kutu-ngar a, dè nyankunde ke sɔ a, dè ngatɔgege a tɔ, ulei nan’t wàk. Kosdooge ke danrán nè nga kɔr de dum mbɔje.

Lookilera’n 5:12

Ei ɔsi pa se ndu de ke bòi beng edi nè: «Ngonn bate ke ndɔ ke dé tɔl’n nga, maje kade inge tɔg se nyanbaw, se kumkunju se tɔgmong se riɓar se ndubra a, se ɗɔi a tɔ, ei le’n.»

Lookilera’n 5:14

Nyankundege ke sɔ nè nga tami edi nè: «Oiyo, maje kade è titeke bè kuwe.» Ngatɔgege ɔsi keje de nang ɗɔyi Ngonn bate.

Lookilera’n 5:6

M’an Ngonn bate nda dɔ dann kutu-ngar’t danné bɔp. Ngonn bate nè nga tò titeke d’uje kɔbe’n bè. Dange sɔ se ngatɔgege an-in dè’n king-king. Ngonn bate nè nga aw se gajennge ji sejimute a, kumnge ji sejimute a tɔ. Kumnge ke ji sejimute nga ei ndilge le Nube ke ji sejimute ke è ule de se loo malang dè nang nè.

Lookilera’n 6:1

Loo ke m’an loo gerer ɓaa, m’an Ngonn bate tutu tà nyankorji karé dann madege ke ji sejimute’t nga. M’oo ndu dan karé dann madege’t ke sɔ tam tà ade ndu’n ɓar tite ndi ke ndang bè, ede nè: «I ree.»