Lookilera’n 5:5 - Nouveau Testament en Gulay 2004

⁵ Nè ngatɔge karé dann madennge’t ede’m ede nè: «I non lé ta. An! toboi ke girkoje’t le Juda, toboi ke in girkà’t le ngar David nga tête rɔ. E asekum tutu tà nyankorjige ke dé tinye’n tà magtub nè nga le teen kem̂ kan.»

Lookilera’n 5:5 ပူးပေါင်းရင်းမြစ်များ

Tà ke Maje ke Luc ndang 23:28

Nè Jésu tel mer de, ede de ede nè: – Mande ɓeege ke Jérusalem, i noin tede le’m man lé. Nè è soo’t kade i noin tede le si sei se ngann sige.

Tà ke Maje ke Luc ndang 7:13

Loo ke Kuwe-ɓee Jésu tête kum’n an kon ngonn nè nga ɓaa, kêm’n aw biriri-biriri ade ede nè: – Ebe’t non.

Tà ke Maje ke Luc ndang 8:52

Dooge malang ke ndai loon’t nè nga noin jik-jik a, undei kàde de dai-dai a tɔ, tede ngonn ke dinye nè nga. Nè Jésu ede de ede nè: – Ebi’t non jik-jik. Ngonn ke dinye nè nga wei lé, nè tò ɓi karè.

Jean 20:13

Dooge ke danrán ke joo nè nga deji Marie edi nè: – Dinye, ké i non tede ri wa? Marie ile de dè’t ede nè: – D’ɔr Kuwe-ɓee le’m Jésu kêm bolè mbal’t kɔke. M’ger loo ke d’aw d’ile’n tutu lé.

Nje Ke Rome 1:3

Tà ke Maje nè nga dé ndang d’ɔje dè Kuwe-ɓee le jéi Jésu-Krist, Ngonn Nube. Krist nga d’oje’n girkà’t le ngar David se go danra.

Nje Ke Rome 15:12

Esaie njèribe-dè-tà ke tà Nube’t géa tam bè tɔ, ede nè: «Ngar karé ke kige à in girkà’t le Jessé le ree. A ree le kon dooge ke ei Juipge lé. Dooge ke ei Juipge lé à undei kêm de dènn’t.»

Hebreuge 7:14

Dooge malang geri njai titeke Kuwe-ɓee le jéi Jésu nga d’oje’n girkà’t le Juda. Ndɔ karé bè géa Moise tam tà ɔje’n dè girkà nè titeke ei njékuje nyan-mesege bè lé.

Lookilera’n 1:1

Nyange ke tooi loo ɓɔyɔn’t ke Nube ribe dè ade Jésu-Krist. Jésu-Krist ribe dè nyange ke tooi loo ɓɔyɔn’t nè nga ade ɓer kulege le’n. Nyange ke Nube ade Jésu-Krist ribe dè ade ɓer kulege le’n nga, gar-gar ei nyange ke à reei ngɔr kuwe. Jésu-Krist ule doo le’n ke danrán karé ade ree tɔje Jean ɓer le’n nyange nè nga.

Lookilera’n 22:16

Man Jésu kuwe á m’ule doo le’m ke danrán kade aw ɔrgo tà nyange nè ade sei njétaakem̂-Kristge malang loo kebe nange’t le si. Man m’ee ngonnkà David a, m’ee mbonron lookar a tɔ.»

Lookilera’n 3:21

Doo ke tête rɔ ɓaa, m’a m’ade à ndi se’m kutu-ngar’t le’m, titeke man géa m’tête’n rɔ ɓita m’aw m’ndi’n se Bɔ’m dè kutu-ngar’t le’n ɓai.

Lookilera’n 4:10

Ngatɔgege ke kɔr-joo-gidé-sɔ nè nga ɔsi keje de nang non è ke ndi dè kutu-ngar’t. Ngatɔgege nè nga ulei dè de nang ɗɔyi njèndi kumgajer sár se non nga. Dé tɔr jɔkɔ tête rɔ le de d’um nang non kutu-ngar’t d’ede nè:

Lookilera’n 4:4

Dé tunde kutu-ngarge ke rang kɔr-joo-gidé-sɔ d’an-in’n dè kutu-ngar ke karé nè nga d’ule nan’t wàk. Ngatɔgege kɔr-joo-gidé-sɔ tulei kubuge ke nda káng-káng a, tulei jɔkɔ tête rɔ ke dé ra se nar-ɔr dè de’t ndii dè kutu-ngarge’t nè nga tɔ.

Lookilera’n 5:4

M’non ngain tede d’inge doo karé bè ke asekum teen tà magtub nga le kan kem̂ goto.

Lookilera’n 6:1

Loo ke m’an loo gerer ɓaa, m’an Ngonn bate tutu tà nyankorji karé dann madege ke ji sejimute’t nga. M’oo ndu dan karé dann madege’t ke sɔ tam tà ade ndu’n ɓar tite ndi ke ndang bè, ede nè: «I ree.»

Lookilera’n 7:13

Ngatɔge karé dann madennge’t deje’m ede nè: «Dooge ke tulei kubu ke nda ke bòi yul-yul nè nga, ké ei nange? Ké in-in ra wa?»