Lookilera’n 5:11 - Nouveau Testament en Gulay 2004

¹¹ Taɓai m’an loo gerer ɓaa, m’oo ndu dooge ke danrán an-in dè kutu-ngar a, dè nyankunde ke sɔ a, dè ngatɔgege a tɔ, ulei nan’t wàk. Kosdooge ke danrán nè nga kɔr de dum mbɔje.

Lookilera’n 5:11 ပူးပေါင်းရင်းမြစ်များ

Hebreuge 12:22

Nè sei ɓaa, i reei ngɔr ke dè mbal ke ri’n nè Sion, ɓee-bò le Nube ke njèndi kumgajer. Ɓee-bò nè nga è Jérusalem. E loo ke dooge ke danrán ke kɔr de dum mbɔje ɔsi nja de nan’t ndai rai ranel.

Jude 1:14

Hénok ,ngonnkà dɔg Adam ke njèkon’t ji sejimute nga, ndɔ ke tam tà kété mari ɔje’n dè de ede nè: «An-in! Kuwe-ɓee à ree se dooge le’n ke danrán aru dɔg loo bule,

Lookilera’n 19:6

M’oo ndu koosdoo-bulege ɓar asenan se ká mann ba-bòge a, ɓar tite ndi ke ndang se tɔg’n bè a tɔ, ede nè: «I piti Kuwe-ɓee! I piti Kuwe-ɓee Nube le jéi ke njè tɔgmong nga tede taa konɓee jinn’t ɗarinè ɓá ta!

Lookilera’n 4:4

Dé tunde kutu-ngarge ke rang kɔr-joo-gidé-sɔ d’an-in’n dè kutu-ngar ke karé nè nga d’ule nan’t wàk. Ngatɔgege kɔr-joo-gidé-sɔ tulei kubuge ke nda káng-káng a, tulei jɔkɔ tête rɔ ke dé ra se nar-ɔr dè de’t ndii dè kutu-ngarge’t nè nga tɔ.

Lookilera’n 4:6

Ba-bò kate karé ke unju njai-njai tite nyan karé ke ri’n nè Cristal bè tò non kutu-ngar’t nè nga tɔ. Nyankundege sɔ ndai dann kutu-ngar’t danné bɔp a, ndai ngangé-ngangé a tɔ. Nyankundege ke sɔ nè nga kum de bule nan ndari-ndari non de’t a, go de’t a tɔ.

Lookilera’n 5:14

Nyankundege ke sɔ nè nga tami edi nè: «Oiyo, maje kade è titeke bè kuwe.» Ngatɔgege ɔsi keje de nang ɗɔyi Ngonn bate.

Lookilera’n 5:6

M’an Ngonn bate nda dɔ dann kutu-ngar’t danné bɔp. Ngonn bate nè nga tò titeke d’uje kɔbe’n bè. Dange sɔ se ngatɔgege an-in dè’n king-king. Ngonn bate nè nga aw se gajennge ji sejimute a, kumnge ji sejimute a tɔ. Kumnge ke ji sejimute nga ei ndilge le Nube ke ji sejimute ke è ule de se loo malang dè nang nè.

Lookilera’n 5:8

Loo ke è taa magtub nè nga pat ɓaa, nyankunde ke sɔ se ngatɔgege ke kɔr-joo-gidé-sɔ ɔsi keje de nang non Ngonn bate’t ɗɔyi nin. Ei karé-karé malang ei se kundu-jêng se baige ke dé ra se nar-ɔr. Wubu ke dé ra se katchatcha rusu kem̂ baige nè neĵ-neĵ. Wubu ke ra se katchatcha nga è kɔje tà se Nube le njé ke tooi se ninn de.

Lookilera’n 7:11

Dooge ke danrán malang ndai se nja de dɔ an-in dè kutu-ngar se ngatɔgege a, se nyankundege ke sɔ ulei nan’t wàk. Dooge ke danrán undei ke burmba nang non kutu-ngar’t ɗɔyi Nube edi nè:

Lookilera’n 9:16

Kɔr njérɔge ke awi se sindege nga d’ede’m d’ade m’oo. Kɔr de malang nga dum mbɔje.