Lookilera’n 4:8 - Nouveau Testament en Gulay 2004

⁸ Nyankundege ke sɔ nè nga awi se bage de mute-mute karé-karé malang, kum de bule ndari-ndari dè bage de’t se gir bage de’t a tɔ. Loo taa kebe le de goto sár. Ndɔɔ a, kada a, ɔsi pa ilei riɓar dè è ke ndi dè kutu-ngar’t edi nè: «Njè tò se ninn’n, njè tò se ninn’n, njè tò se ninn’n nga è Kuwe-ɓee Nube ke Njètɔgmong ke dum dè loo, è ke njè ndi tutu kété mari sár ɗarinè a, ndi à ree sei non a tɔ.»

Lookilera’n 4:8 ပူးပေါင်းရင်းမြစ်များ

Nyanra Njekawkulege 20:31

Gir’n ke nè á m’ede’n sei kade i ndii kum adi kêm si olé titeke m’ndeje sei karé-karé malang kada a, ndɔɔ a, se mann non kum’t m m’ebe ra’m lé a tɔ.

2 Nje Ke Corinthe 6:18

M’a m’ee Bɔ si a, sei à k’eei ngann’m ke dingem se njé ke dinye, Kuwe-ɓee njètɔgmong kuwe á tam bè.»

1 Nje Ke Thessalonique 2:9

Ngakon jége, loo ke ndɔ ke j’ile mber Tà ke Maje le Nube j’ade sei nga, j’ule ra jé ndibe jè ra kule j’ɔr yàl-yàl ndɔ a, kada a tɔ. Jè ra titeke bè tede le tel kɔii’n dè doo karé bè dann si’t lé. Ké kem̂ si olé dè’t ɓila lé sár wa?

1 Timothee 4:16

An go rai sêw-sêw a, unde kumkunju dè rai’t ɔje dè nyan ke i ndi a i ndó dooge. Ke nè á i nda njáng dè nyange’t nè ɓaa, i kuwe a aje’n rai a, a aje’n njé ke i ndi a i ndó de nyan nga a tɔ.

2 Timothee 4:2

Né loo maje éké majelé géa, uwe rai mong ile mber Tà ke Maje. In se de dè majelé’t i ndáng de, ule dingem kem̂ de’t, i ndó de nyan se kem̂kile ke deri.

Hebreuge 13:8

Jésu-Krist nga tel ra’n rang lé. E ndi titeke tagela a, titeke ɓila a tɔ. A ndi titeke bè sár se non.

Lookilera’n 1:4

Man Jean, m’ndang magtub m’ade njékebe nange le Nube ke gir ji sejimute ke ndii kem̂ ɓeekon ke Asie. Maje kade Nube ade sei kem̂noje se kem̂lom. E nga ndi tutu kété mari sár ɗarinè. E ndi à ree sei non a tɔ. Maje kade ndilge ke ji sejimute ke ndai non kutu-ngar’t le Nube adi sei kem̂noje se kem̂lom.

Lookilera’n 1:8

Kuwe Nube tam ndàt ede nè: «Man nga m’ee ke desêin a, ke ngeinn’t a tɔ. Man m’ndi tutu kété ke mari sár tee ɓila. M’ndi m’aw sei non.»

Lookilera’n 11:17

ei ɗɔyi nin edi nè: «I Kuwe-ɓee Nube ke njè tɔgmong ke i ndi tutu kété mari sár tee ɗarinè. Jè rai oiyo ngain tede i kuwe uwe tɔgi ba a, tede kunn ke i unn gir konɓee a tɔ.

Lookilera’n 14:11

Dooge malang ke ulei dè de nang ɗɔyi dan nè nga éké nyan ke dé tɔl dé ndaje’n dan nè, éké nanan ke d’ɔse nyankorji se ri dan nè nga rann’t ɓaa, loo taa kebe le de à goto. Sà nyantosowur ke ra de nga ube ngɔk-ngɔk se ɓal-ɓal ndɔɔ a, kada a tɔ.»

Lookilera’n 14:3

Dooge ke aru dɔg loo aru se kɔr-sɔ-gidé-sɔ nga ɔsi pa ke kige non kutu-ngar’t tàkum nyankundege ke sɔ se tàkum ngatɔgege. Doo karé bè ke asekum ndó pa ke kige nè nga goto. Nè njé ke aru dɔg loo aru se kɔr-sɔ-gidé-sɔ ke in-in dè nang nè kuwe karé á asi ndói pa ke kige nè geri. Ei dooge ke ndɔ ke Ngonn bate gang dè de dè nang nè.

Lookilera’n 15:3

Ei ɔsi pa le Moise ɓer kule le Nube a, le Ngonn bate a tɔ, edi nè: «Kuwe-ɓee Nube ke njètɔgmong, nyange malang ke i ra nga ei nyange ke bò-bò ke dum kum! Ngar le girkoje dooge malang, rebe nyange lei ke ɔje nga ei se dè naje’n a, se go rebe’n kuwe a tɔ.

Lookilera’n 15:7

Nyankundege ke sɔ nè nga, è ke karé dann de’t ade dooge ke danrán ke ji sejimute bai nyankuje-mesege ji sejimute ke ra se nar-ɔr. Wong le Nube ke Njèndi kumgajer sár se non nga rusu kem̂ baige nè nga neĵ-neĵ.

Lookilera’n 16:14

Ndilge ke majelé nè nga ei ngann njékulege le ndilge ke yêr ke njé ra nyankɔbege gai-gai. Taɓai ei awi ra ngar-ɓeege ke dè nang nè bere mbak, ɔsi nja de nan’t tede ngine’n ndɔ rɔ ke bò le Nube ke njètɔgmong.

Lookilera’n 16:7

Taɓai, m’oo ndu doo in se ke dè ɗinger loo nyankuje-mese’t ede nè: «Oiyo, Kuwe-ɓee Nube ke njètɔgmong, tàge ke i gang nga è se dè naje’n kerɔte kuwe, loo naje’n goto.»

Lookilera’n 19:15

Kuye kaskar ke bòi bember ke tà’n ate njêt unde loo tee tà doo’t nè nga, tede jeng girkoje dooge ke se dè ɓee-ɓee dè nang nè. E è kuwe á ul de a, ɔr non de se kage-tɔse ke nar a tɔ. E à raje de ráj-ráj ndɔ wong bò’t le Nube ke njè tɔgmong, titeke doo raje’n kul nduu kem̂ nyan mboré mann nduu’t bè tɔ.

Lookilera’n 19:4

Ngatɔgege ke kɔr-joo-gidé-sɔ se nyankundege ke sɔ nga ɔsi keje de nang non Nube ke ndi dè kutu-ngar’t ɗɔyi nin edi nè: «Amen! Maje kade è titeke bè kuwe! I piti Kuwe-ɓee!»

Lookilera’n 21:22

M’an kei ke tò se ninn’n le Nube kem̂ ɓee-bò’t nè nga lé, tede Nube ke njè tɔgmong a, Ngonn Bate a tɔ nga kuwe á ei kei ke tò se ninn’n le Nube.

Lookilera’n 3:7

Doo ke m’an’n nga tam ede nè: «I ndang magtub ade doo ke danrán ke njèkan dè njékebe nange ke kem̂ ɓee-bò ke Philadelphie. E ke njè tò se ninn’n a, njè tam ngarankum tà a tɔ. E uwe lakêlé le ngar David jinn’t. Ke nè á teen tà rebe ɓaa, doo karé géa asekum kutu gugu lé a, ke nè á utu tà rebe ɓaa, doo karé géa asekum teen gugu lé a tɔ. E tam ede nè:

Lookilera’n 4:4

Dé tunde kutu-ngarge ke rang kɔr-joo-gidé-sɔ d’an-in’n dè kutu-ngar ke karé nè nga d’ule nan’t wàk. Ngatɔgege kɔr-joo-gidé-sɔ tulei kubuge ke nda káng-káng a, tulei jɔkɔ tête rɔ ke dé ra se nar-ɔr dè de’t ndii dè kutu-ngarge’t nè nga tɔ.

Lookilera’n 4:6

Ba-bò kate karé ke unju njai-njai tite nyan karé ke ri’n nè Cristal bè tò non kutu-ngar’t nè nga tɔ. Nyankundege sɔ ndai dann kutu-ngar’t danné bɔp a, ndai ngangé-ngangé a tɔ. Nyankundege ke sɔ nè nga kum de bule nan ndari-ndari non de’t a, go de’t a tɔ.

Lookilera’n 4:9

E ke njè ndi dè kutu-ngar’t se lo’n-lo’n sár se non nga, dange ke sɔ nè ulei ndubra se riɓar dènn’t a, rai nin oiyo a tɔ.

Lookilera’n 5:6

M’an Ngonn bate nda dɔ dann kutu-ngar’t danné bɔp. Ngonn bate nè nga tò titeke d’uje kɔbe’n bè. Dange sɔ se ngatɔgege an-in dè’n king-king. Ngonn bate nè nga aw se gajennge ji sejimute a, kumnge ji sejimute a tɔ. Kumnge ke ji sejimute nga ei ndilge le Nube ke ji sejimute ke è ule de se loo malang dè nang nè.

Lookilera’n 6:1

Loo ke m’an loo gerer ɓaa, m’an Ngonn bate tutu tà nyankorji karé dann madege ke ji sejimute’t nga. M’oo ndu dan karé dann madege’t ke sɔ tam tà ade ndu’n ɓar tite ndi ke ndang bè, ede nè: «I ree.»

Lookilera’n 6:6

M’oo ká nyan ɓar asenan se ndu doo dann nyankundege ke sɔ’t tam ede nè: «Ko têl kem̂ ngonn nyan-mbɔje nyan karé bere kuwe à è kum nar kule ke ndɔ karé. Ko gɔje kem̂ ngonn nyan-mbɔje nyan mute bere kuwe à è kum nar kule ke ndɔ karé tɔ. Nè wubu se yibe ndu ɓaa, i tuji de kɔke lé.

Lookilera’n 7:11

Dooge ke danrán malang ndai se nja de dɔ an-in dè kutu-ngar se ngatɔgege a, se nyankundege ke sɔ ulei nan’t wàk. Dooge ke danrán undei ke burmba nang non kutu-ngar’t ɗɔyi Nube edi nè:

Lookilera’n 7:15

Gir’n ke nè á dé nda’n non kutu-ngar’t le Nube, dé ɗɔi’n kada a, ndɔ a, gile kei’t le’n ke tò se ninn’n gai. E ke ndi kutu-ngar’t à ra kei kubu dè de’t.