Lookilera’n 4:4 - Nouveau Testament en Gulay 2004

⁴ Dé tunde kutu-ngarge ke rang kɔr-joo-gidé-sɔ d’an-in’n dè kutu-ngar ke karé nè nga d’ule nan’t wàk. Ngatɔgege kɔr-joo-gidé-sɔ tulei kubuge ke nda káng-káng a, tulei jɔkɔ tête rɔ ke dé ra se nar-ɔr dè de’t ndii dè kutu-ngarge’t nè nga tɔ.

Lookilera’n 4:4 ပူးပေါင်းရင်းမြစ်များ

Matthieu 19:28

Jésu tel ede de ede nè: – Kerɔte kuwe, man m’ede sei ndàt, ndɔ ke d’a tel gɔl nyange malang kade tel tò loon’t gugu nga, man ke m’ee Ngonn doo m’a m’al ɗáng ndi dè kutu-ngar ndubra’t le’m ɓaa, sei ke unni dè nja’m têr-têr nga géa a i ndii dè kutu-ngarge’t ke dɔg-gidé-joo le gangtà dè girkà’t le kosdooge ke Israel.

Tà ke Maje ke Luc ndang 22:30

Titeke bè á sei a usei a, a an-in nyan a tɔ dè table’t kêm Konɓee’t le’m. Sei a ndii dè kutu-ngar’t le gangi tà dè girkà kosdooge ke dɔg-gidé-joo ke ei girkoje le Israel.

2 Timothee 4:8

Unn gir’n ɗarinè, jɔkɔ kunn banga le nyanra ke se dè naje’n tò ngine’m. Kuwe-ɓee ke njègangtà se dè naje’n à ade’m kem̂ ndɔn’t nè nga. Kuwe-ɓee à ade’m man á se kar’m lé. Nè dooge malang ke undei kem̂ de tchên dè ndɔ tel kunde loo tee pan’t le’n nga, è à ade jɔkɔ kunn banga nè nga tɔ.

Lookilera’n 11:16

Ngatɔgege ke kɔr-joo-gidé-sɔ ke ndii kutu-ngar’t le de non Nube’t nga ɔsi keje de nang nonn’t,

Lookilera’n 14:3

Dooge ke aru dɔg loo aru se kɔr-sɔ-gidé-sɔ nga ɔsi pa ke kige non kutu-ngar’t tàkum nyankundege ke sɔ se tàkum ngatɔgege. Doo karé bè ke asekum ndó pa ke kige nè nga goto. Nè njé ke aru dɔg loo aru se kɔr-sɔ-gidé-sɔ ke in-in dè nang nè kuwe karé á asi ndói pa ke kige nè geri. Ei dooge ke ndɔ ke Ngonn bate gang dè de dè nang nè.

Lookilera’n 19:14

Njérɔge ke danrán ali sinde-gaglam ndolèi goo’n. Njérɔge nè nga tulei kubu ke nda káng-káng, ke unju nyang-nyang ra de’t.

Lookilera’n 19:4

Ngatɔgege ke kɔr-joo-gidé-sɔ se nyankundege ke sɔ nga ɔsi keje de nang non Nube ke ndi dè kutu-ngar’t ɗɔyi nin edi nè: «Amen! Maje kade è titeke bè kuwe! I piti Kuwe-ɓee!»

Lookilera’n 2:10

I ɓel nyankumndoo ke à rai nga lé. An! njè kem̂ majelé à tile dooge ke nange dann si’t dangai’t tede nan’n sei. Nyantosowur à ra sei ndɔ dɔg. Um kem̂i dèm’t i nda njang sár ndɔ kwei’t ɓaa, m’a m’adi jɔkɔ kunn banga ke ndikumgajer nga tɔ.

Lookilera’n 20:4

M’an dooge ndii dè kutu-ngar’t. D’inye loo d’ade de le kade gangi tà dè dooge’t; taɓai, m’an dooge ke ndɔ ke dé jeng kɔbe de se kunge dé tɔl de tede kem̂ de ke ndɔ ke undei dè tà’t le Krist a, dè tà’t le Nube a tɔ. Taɓai, m’an dooge ke ndɔ ke ulei dè de nang non dan’t ɗɔyi nin lé éké ke non nyan ke dé ra dé ndaje’n dan nè nga lé a tɔ. Dé nè nga, dé dooge ke ndɔ d’unde nyankorji le dan nat-non de’t éké da ji de’t lé a tɔ. Dé tel dé ndikumgajer a, d’on ɓee nan’t se Krist loge aru dɔg.

Lookilera’n 3:18

M’a m’ra ndoo rai’t, tài tò njak kuwe, i ndogo se’m nar-ɔr ke dé leen poro d’ade yede’n tee ɓaa, a i baw nyankinge. I ndogo se’m kubuge ke nda i tule rai’t utu’n dè rasɔl mburi ke tò suturu. M’ra ndoo rai’t, tài tò njak kuwe, i ndogo se’m kuge i rii’n kumi ɓaa, a i tel kan loo njai-njai.

Lookilera’n 4:10

Ngatɔgege ke kɔr-joo-gidé-sɔ nè nga ɔsi keje de nang non è ke ndi dè kutu-ngar’t. Ngatɔgege nè nga ulei dè de nang ɗɔyi njèndi kumgajer sár se non nga. Dé tɔr jɔkɔ tête rɔ le de d’um nang non kutu-ngar’t d’ede nè:

Lookilera’n 4:6

Ba-bò kate karé ke unju njai-njai tite nyan karé ke ri’n nè Cristal bè tò non kutu-ngar’t nè nga tɔ. Nyankundege sɔ ndai dann kutu-ngar’t danné bɔp a, ndai ngangé-ngangé a tɔ. Nyankundege ke sɔ nè nga kum de bule nan ndari-ndari non de’t a, go de’t a tɔ.

Lookilera’n 5:11

Taɓai m’an loo gerer ɓaa, m’oo ndu dooge ke danrán an-in dè kutu-ngar a, dè nyankunde ke sɔ a, dè ngatɔgege a tɔ, ulei nan’t wàk. Kosdooge ke danrán nè nga kɔr de dum mbɔje.

Lookilera’n 5:14

Nyankundege ke sɔ nè nga tami edi nè: «Oiyo, maje kade è titeke bè kuwe.» Ngatɔgege ɔsi keje de nang ɗɔyi Ngonn bate.

Lookilera’n 5:6

M’an Ngonn bate nda dɔ dann kutu-ngar’t danné bɔp. Ngonn bate nè nga tò titeke d’uje kɔbe’n bè. Dange sɔ se ngatɔgege an-in dè’n king-king. Ngonn bate nè nga aw se gajennge ji sejimute a, kumnge ji sejimute a tɔ. Kumnge ke ji sejimute nga ei ndilge le Nube ke ji sejimute ke è ule de se loo malang dè nang nè.

Lookilera’n 5:8

Loo ke è taa magtub nè nga pat ɓaa, nyankunde ke sɔ se ngatɔgege ke kɔr-joo-gidé-sɔ ɔsi keje de nang non Ngonn bate’t ɗɔyi nin. Ei karé-karé malang ei se kundu-jêng se baige ke dé ra se nar-ɔr. Wubu ke dé ra se katchatcha rusu kem̂ baige nè neĵ-neĵ. Wubu ke ra se katchatcha nga è kɔje tà se Nube le njé ke tooi se ninn de.

Lookilera’n 6:11

Dooge karé-karé malang ke ndɔ ke dé tɔl de nga, d’ade de kubu ke nda ke bòi ɔr gide nja de nang ndêt-ndêt. Taɓai d’ede de kade taai kebe ndêin ɓai a, le kade kɔr njémade kulege le de se ngakon dege ke d’ade tɔl de ase deĵ ɓita.

Lookilera’n 7:11

Dooge ke danrán malang ndai se nja de dɔ an-in dè kutu-ngar se ngatɔgege a, se nyankundege ke sɔ ulei nan’t wàk. Dooge ke danrán undei ke burmba nang non kutu-ngar’t ɗɔyi Nube edi nè:

Lookilera’n 7:9

Go nyange nè nga, m’an loo gerer ɓaa, m’an kosdooge ke se dè ɓee-ɓee bulei ɗik-ɗik ade doo asekum mbɔje de lé ndai girm. Dooge nè nga in-in dann girkoje dooge ke se dè ɓee-ɓee a, se dann girkoje le dooge malang ke dè dè nang nè ke tà tam de è gai-gai a, se kosdooge malang a tɔ. Dooge nè nga tulei kubuge ke nda ke bòi ɔr gide nja de nang ndêt-ndêt. Taɓai uwei mbi mar ji de’t ndai se nja de dɔ non kutu-ngar’t se non Ngonn bate’t.

Lookilera’n 9:7

Bêteĝe nè nga taai nan se sinde rɔge ke d’uwe dè nja le kaw’n rɔ’t bè. Dé tule jɔkɔ tête rɔ ke tò tite ɔr bè dè de’t a, tàkum de tanan se tàkum dooge bè a tɔ.