Lookilera’n 4:2 - Nouveau Testament en Gulay 2004

² Ke loon’t nè kuwe, Ndil lá’m mêtch uwe’m ɓaa, m’an kutu-ngar karé ke d’unde kem̂ danran’t. Doo karé ndi dè kutu-ngar’t nè nga.

Lookilera’n 4:2 ပူးပေါင်းရင်းမြစ်များ

Matthieu 22:43

Jésu tel deje de ede nè: – A ɓaa ké bain Ndil-Kêmnda ɔse David ade ɓar’n Kuwe-ɓee le’n wa? Tede David nga ndɔ ke Ndil-Kêmnda ule tà tànn’t ade tam ndàt ede nè:

Hebreuge 8:1

Maw tàge malang ke jè ndige le kede sei nga á nè: J’awi se maw njèkuje nyan-mese ke bò. E ndi danrán kɔte kutu-ngar’t le Nube ke njè dum dè nyange malang.

Lookilera’n 1:10

Ndɔ karé bè è ndɔ le Kuwe-ɓee. Ndil ade m’oo ndu doo ɓar goom’t beng tite ká burunju ke ɓar bè.

Lookilera’n 12:5

Dinye nga oje ngonn ke dingem. Ngonn nè nga à è njèkɔr non girkoje dooge malang se kage-tɔse ke nar. Nè gar-gar, d’uwe ngonn le dinye nè nga wont d’ɔr’n d’aw se’n ra Nube’t a, kɔte kutu-ngar’t le Nube a tɔ.

Lookilera’n 17:3

Doo ke danrán nè nga unn ndil’m seen aw se’n kem̂ dile’t. Ke loon’t nè kuwe, m’an dinye karé ndi dè dan ke ker mbon. Ri ke ɔje dè taje Nube taa ra dan nè nga pel-pel. Dan ke dinye ndi dènn’t nga, dènnge ei ji sejimute a, gajennge ei dɔg a tɔ.

Lookilera’n 19:4

Ngatɔgege ke kɔr-joo-gidé-sɔ se nyankundege ke sɔ nga ɔsi keje de nang non Nube ke ndi dè kutu-ngar’t ɗɔyi nin edi nè: «Amen! Maje kade è titeke bè kuwe! I piti Kuwe-ɓee!»

Lookilera’n 20:11

Go’t gugu, m’an doo karé bè ndi dè kutu-ngar ke nda ke bòi’t. Nang se danran ɔti an-in nan tà kum’n ta.

Lookilera’n 21:10

Doo ke danrán nè nga unn ndil’m seen aw se’m dè mbal ke bòi ke ngal lêng-lêng. E tɔje’m ɓee-bò ke tò se ninn’n gai. Ɓee-bò nè nga è Jérusalem ke in ra Nube’t danrán á ree.

Lookilera’n 21:5

E ke ndi kɔte kutu-ngar’t nga tam ndàt ede nè: «An! nyange malang nga, m’tel m’ra de gugu kige.» Taɓai, è ede’m ede nè: «I ndang tàge nè nga tede ei ngarankum tàge ke get ke le taa kum kem̂ dè’t kuwe.»

Lookilera’n 3:21

Doo ke tête rɔ ɓaa, m’a m’ade à ndi se’m kutu-ngar’t le’m, titeke man géa m’tête’n rɔ ɓita m’aw m’ndi’n se Bɔ’m dè kutu-ngar’t le’n ɓai.

Lookilera’n 4:10

Ngatɔgege ke kɔr-joo-gidé-sɔ nè nga ɔsi keje de nang non è ke ndi dè kutu-ngar’t. Ngatɔgege nè nga ulei dè de nang ɗɔyi njèndi kumgajer sár se non nga. Dé tɔr jɔkɔ tête rɔ le de d’um nang non kutu-ngar’t d’ede nè:

Lookilera’n 4:5

Ndu doo ɓar beng-beng a, ndi têl a, ndang a tɔ, tu kutu-ngar ke karé ke madege an-in dè’n ulei nan’t nga. Lampege ji sejimute ndogói kotong non kutu-ngar’t nè nga. Lampege ke ji sejimute nga ei Ndilge ke ji sejimute le Nube.

Lookilera’n 4:9

E ke njè ndi dè kutu-ngar’t se lo’n-lo’n sár se non nga, dange ke sɔ nè ulei ndubra se riɓar dènn’t a, rai nin oiyo a tɔ.

Lookilera’n 5:1

E ke ndi kutu-ngar’t nga, m’an magtub ke dé ndang nyan gidé a, kem̂é a tɔ, jikonn’t. Magtub nè nga, dé tinye tà se nyankorji ji sejimute.

Lookilera’n 5:13

Go’t gugu, m’oo ndu nyankundege malang ke danrán se ke dè nang nè, ke gir nang’t se nyankundege ke dè ba-bò’t se nyankundege malang ke Nube unde de ɔsi pa edi nè: «E ke njè ndi kutu-ngar’t a, Ngonn bate a tɔ nga, maje kade ɗɔi se riɓar, ndubra se tɔgmong ei le’n kuwe sár se non.»

Lookilera’n 6:16

D’ede mbalge se herge nè nga d’ede nè: «I jɔréi dè jé’t adi kum è ke ndi kutu-ngar’t nga oso dè jé’t lé. I jɔréi dè jé’t tede kade wong ra Ngonn bate nga dè jé’t lé a tɔ.