Lookilera’n 3:18 - Nouveau Testament en Gulay 2004

¹⁸ M’a m’ra ndoo rai’t, tài tò njak kuwe, i ndogo se’m nar-ɔr ke dé leen poro d’ade yede’n tee ɓaa, a i baw nyankinge. I ndogo se’m kubuge ke nda i tule rai’t utu’n dè rasɔl mburi ke tò suturu. M’ra ndoo rai’t, tài tò njak kuwe, i ndogo se’m kuge i rii’n kumi ɓaa, a i tel kan loo njai-njai.

Lookilera’n 3:18 ပူးပေါင်းရင်းမြစ်များ

Matthieu 13:44

Konɓee ke danrán nga è tite nyanbaw ke dé ɓɔyɔ’n kêm ndɔr’t. Nja doo karé tuge’n dè nyanbaw’t nè nga ɓaa, è unn aw ɓɔyɔ ke kété ke le’n. Ra’n nel’n ngain ade aw ige nyanbawge le’n malang tel ndogo’n loo ndɔr nè nga.

Matthieu 25:9

Ngamandege ke gangi tchat nga teli ilei de dè’t edi nè: «Naje, naje, wubu le jé nga ase kade jè kayai nan lé. Sei kuwe ɔti awi ɓee le njé kigennge i ndogoi le si.»

Tà ke Maje ke Luc ndang 12:21

Jésu tel ede de ɓai ede nè: – Doo ke kebe nyankingege ke dè nang nè ɔje’n dè ra’n è kuwe nal kade è baw tàkum Nube’t nga, le’n à è titeke bè tɔ.

2 Nje Ke Corinthe 5:3

Ke nè á jè ndi kêm kei ke danrán’t nè nga ɓaa, Nube à inge jèi ra jéi karè lé.

2 Nje Ke Corinthe 8:9

Sei geri kêmnoje le Kuwe-ɓee le jéi Jésu-Krist nga mbak. Jésu-Krist nga è baw, nè è tel ra’n ke njèndoo tede tà le si. E ra titeke bè tede kade ndoo le’n tel è nyanbaw le si.

1 Timothee 6:18

I ndeje de le kade dé njé ra majege, éké kade dé baw nyanrage ke maje a, le kade d’uwe noje se go dege, non dege. I ndeje de le kade d’in kalang dé kai nyange le de d’ade dooge ke rang se de se kem̂nda káng.

Jacques 2:5

Ngakonm ke m’tár sei ooi maje. Ké è Nube kuwe á tɔr njé ke d’an de ke njéndooge ke dè nang nè le kade ei baw kundekem̂ge lé wa? Ké è Nube kuwe á tɔr de kade on-in se’n ɓee le’n titeke unn’n ndu’n ade njé ke tári nin nga lé wa?

1 Pierre 1:7

Nyantosowurge nè nga nan-in kundekem̂ le si ke gate’n dum nar-ɔr ɓai nga le kan, ké kundekem̂ le si nga è kundekem̂ ke get kuwe wa? Nar-ɔr è nyan ke à tuju a, à goto ɓai a tɔ. Nè nè bè géa, d’ule poro dé nan’n d’an. Kundekem̂ le si nga géa d’ade nan’n le kan tɔ. Ke nè á è kundekem̂ ke get ɓaa, d’a pite’n sei a, a ingei ndubra se riɓar a tɔ, ndɔ kunde loo tee pan’t le Jésu-Krist.

Lookilera’n 16:15

Kuwe-ɓee tam ede nè: «An! man m’ree titeke njèɓog bè. Doo ke ndi dè njann’t a, ngonm kubuge le’n kɔtenn’t a tɔ ɓaa, ra’n à nel’n. Titeke bè á è à njiye’n mbur’n suturu lé a, ra’n à sɔl’n tàkum dooge’t lé a tɔ.»

Lookilera’n 19:8

Njènong le Ngonn bate nga d’ade’n kubu ke sɔl lom-lom, ke nda káng-káng a, ke unju nyang-nyang a tɔ, d’ade ule rann’t. Kubu ke nda káng-káng nè nga ei nyanrage ke se dè naje’n le dooge le Nube ke tooi se ninn de.»

Lookilera’n 2:9

Nyantosowur ke rai se ndoo ke rai nga, m’ger mbak kuwe. Nè né è bè géa i baw nyankinge. Tà ke majelé ke njé ke ei kuwe edi nè n’ei juipge tami sei nga, m’ger mbak kuwe. Nè dé nè nga, ke get-get ɓaa, dé kei kebe nan le njèkem̂yêr.

Lookilera’n 3:17

I tam ede nè: Man m’ee baw, nyankingege taai ra’m pel-pel, ndoo nyan karé bè géa ra’m ndan lé. Nè i ke njè nonkil, i dangte ke kumi tò ndoo, i ndoo ngain, i njèkumtɔ ke aw mburi suturu karè. Ké i ger bè lé wa?

Lookilera’n 4:4

Dé tunde kutu-ngarge ke rang kɔr-joo-gidé-sɔ d’an-in’n dè kutu-ngar ke karé nè nga d’ule nan’t wàk. Ngatɔgege kɔr-joo-gidé-sɔ tulei kubuge ke nda káng-káng a, tulei jɔkɔ tête rɔ ke dé ra se nar-ɔr dè de’t ndii dè kutu-ngarge’t nè nga tɔ.

Lookilera’n 7:13

Ngatɔge karé dann madennge’t deje’m ede nè: «Dooge ke tulei kubu ke nda ke bòi yul-yul nè nga, ké ei nange? Ké in-in ra wa?»