Lookilera’n 3:17 - Nouveau Testament en Gulay 2004

¹⁷ I tam ede nè: Man m’ee baw, nyankingege taai ra’m pel-pel, ndoo nyan karé bè géa ra’m ndan lé. Nè i ke njè nonkil, i dangte ke kumi tò ndoo, i ndoo ngain, i njèkumtɔ ke aw mburi suturu karè. Ké i ger bè lé wa?

Lookilera’n 3:17 ပူးပေါင်းရင်းမြစ်များ

Matthieu 5:3

– Njé ke geri kêm de’t titeke ei njéndooge nga, ra de à nel de tede konɓee ke danran è le de!

Matthieu 9:12

Nè loo ke Jésu oo tà nè bè ɓaa, è tam ede nè: – Njé ke ra de mong maj-maj nga awi ndoo njèkuge-kaje lé. Nè è njératurge á awi ndoo’n.

Tà ke Maje ke Luc ndang 1:53

Njé ke ɓo ra de nga, è uwe se de noje se nyange ndàj-ndàj, nè è rɔ njényan kingege ji de karè ɗáng-ɗáng.

Tà ke Maje ke Luc ndang 6:24

Nè sei njényan kingege a an-in ɓai, tede sei ingei nyange ase sei nák-nák ɗarinè ɓá!

Nje Ke Rome 11:20

E kum kuwe. Dé jeng de kɔke tede kunn mbi dè tà’t le de. I taa gute de takul kundekêm lei. I ti rai lé, nè unde kumkunju dè rai’t.

Nje Ke Rome 11:25

Ngakonmge, man m’ndige le kade i geri nyan ke tò loo ɓɔyɔn’t nè nga maje, nè bainléa a kin-in kan-in ra si ke njékumkunjuge. Kunn mbi dè tà’t le Juipge ke nange nga à tò bè sár kade dooge malang ke ei Juipge lé ingei kaje pa ɓita.

Nje Ke Rome 12:3

Nube uwe se’m noje ke bò. Gir’n ke nè á m’ede’n sei karé-karé malang le kade undei kumkunju dè ra si’t ɔje dè tàgir le si. Maje kade nanan géa aw se tàgir ke ase dè tɔge kundekêm ke Nube ɔje ɗike’n ade’n nga.

Nje Ke Rome 7:24

Man nga m’ée doo ke dang’t! Ké nan à taa’m ji danra ke ndi aw se’m le kile’m tà yo’t nè nga wa?

2 Pierre 1:9

Doo ke aw se nyange nè nga lé ɓaa, è njè kum libe ke tò asenan se njèkumtɔ ke manm loo mem̂-mem̂ bè. Doo nè nga kem̂’n wei nal sêl dè majelége ke mari ke d’ɔr’n tutu nga.

Lookilera’n 16:15

Kuwe-ɓee tam ede nè: «An! man m’ree titeke njèɓog bè. Doo ke ndi dè njann’t a, ngonm kubuge le’n kɔtenn’t a tɔ ɓaa, ra’n à nel’n. Titeke bè á è à njiye’n mbur’n suturu lé a, ra’n à sɔl’n tàkum dooge’t lé a tɔ.»

Lookilera’n 2:9

Nyantosowur ke rai se ndoo ke rai nga, m’ger mbak kuwe. Nè né è bè géa i baw nyankinge. Tà ke majelé ke njé ke ei kuwe edi nè n’ei juipge tami sei nga, m’ger mbak kuwe. Nè dé nè nga, ke get-get ɓaa, dé kei kebe nan le njèkem̂yêr.

Lookilera’n 3:16

A ɓaa, titeke i ɔbe jɔr karè anje kolé éké sɔl nga, m’a m’tɔmoin tam’t lɔtch kɔke.