Lookilera’n 3:1 - Nouveau Testament en Gulay 2004

¹ «I ndang magtub nè ade doo ke danrán ke njèkan dè njékebe nange ke kem̂ ɓee-bò ke Sardes. E ke ndilge ke ji sejimute le Nube se kɔnyonge ke ji sejimute tooi jinn’t nga, tam ede nè: M’ger pa njiyei mbak. Ri ndikumgajer kuwe ɓar dèi’t karè, nè ke get ɓaa, i tò asenan se doo ke wei ɓá. E tam ede nè:

Lookilera’n 3:1 ပူးပေါင်းရင်းမြစ်များ

Tà ke Maje ke Luc ndang 15:24

An-in! ngonn’m ke nda nè nga, man m’an’n ke doo ke wei ɓá nè tel tɔse ndel. Ma m’an’n ke doo ke ndem oso kɔke nè m’tel m’inge’n ɓai.» Ke loon’t nè kuwe d’unn gir kal ra de.

Tà ke Maje ke Luc ndang 15:32

Gar-gar è tà le jé le kade j’ade dé ra mur tête tà ɓee kade j’ali ra jéi. Tede ngokoin ke nda nè nga man m’an’n ke doo ke wei ɓá, nè è tel tɔse ndel; man m’an’n ke doo ke ndem oso kɔke nè m’tel m’inge’n.»

Jean 1:16

Jèi malang j’ingei nyan-noje ɔse gonan-gonan takul nyanbaw le’n ke dum dè loo.

Jean 1:33

Man m’ger’n kété lé ɓai, nè è ke njèkule’m kade m’ule dooge manné njonm nga ede’m ede nè: «E ke Ndil à in dɔ le ree ndi dènn’t nga á è njèkɔr dooge kunde de se ninn’n gai takul Ndil-Kêmnda.»

Jean 20:22

Loo ke è tam tà nè nga titeke bè ɓá ɓaa, è tó kebe dè de’t puu ede nè: – I taai Ndil-Kêmnda!

Jean 3:34

E ke Nube ule’n nga ɔrgir tàge le Nube, tede Nube ade’n Ndil se girson’n bere mbak.

Nyanra Njekawkulege 2:33

Nube unn ndu’n kété mari ede nè n’a n’ule se Ndil-Kêmnda kade dooge. Loo ke è unn Ngonn’n Krist mbeng ade aw ndi dɔ dè jikon’t ɓá ɓaa, è ade’n Ndil-Kêmnda nga. Taɓai Krist in ke kété ule se Ndil-Kêmnda nga ade yal nan dè jéi’t karé-karé malang. E nè nga, è nyan ke sei an-in se kum si a, ooi tà’n se mbi si ɗarinè ɓá ta.

Nje Ke Ephese 2:1

Sei nga, kété weii yo nyanrage ke se go rebe’n lé a, weii yo kaiyage le si a tɔ.

Nje Ke Ephese 2:5

Jèi nga, kété j’weii yo nyanrage ke se go rebe’n lé le jéi, nè è ade jè teli jè ndii kumgajer se Krist nan’t. Takul kem̂noje á sei ajii.

Nje Ke Colosses 2:13

Kété sei weii yo nyanra sige ke go’t lé a, se yo tà mɔte si ke ujei lé nga a tɔ. Nè ɗarinè, Nube ade i teli i ndii kumgajer se Krist. Nube ade kem̂’n tin mbit dè nyanrage malang ke go’t lé le jéi.

1 Timothee 5:6

Nè njèkei-kinge ke ndi tede ranel le danra nga, né ndi kumgajer ɓai géa, è nain ke doo ke wei ɓá ta.

Jacques 2:26

Kerɔte kuwe, danra ke kebe goto kem̂é nga tel è ninn ta. Kundekem̂ ke anje ra kule dè’t nga géa, tel è ninn titeke bè tɔ.

1 Pierre 1:11

Ndil Krist ndi kem̂ de’t ede tà nyankem̂konge ke ayé ra Krist se ndubra ke ayé kutu go nyankem̂kon nè nga kade ooi. Dé ter loo le ger ké ndɔ ke ra á nyan nè nga à tee wa? Njéribe-dè-tàge ke tà Nube’t teri loo le geri ké nyan nè nga à tee titeke bain wa?

Jude 1:12

Dé nè nga dé d’asenan se her ke à tuge sei kile sei tà nyankuse’t tár nan’t le si nga. D’on mur se si se go dege non dege anje ɓel d’ul’n ra de dé kuwe. Dé tò d’asenan se ndi ke in ngiring-ngiring ke nel ɔr’n aw se’n ade ede lé bè. Dé d’asenan se kagege ke anni lé a, dé tite kagege ke nel dann-ɔr-made tɔr de se ngire’n bere mbak ade weii njanm-njanm.

Lookilera’n 1:11

Ndu doo ke ɓar beng á m’oo nè nga, ede’m ede nè: «Nyan ke i an se kumi ɗarinè nga, i ndang kem̂ magtub’t ule’n ade njékebe nange le gir ji sejimute ke ɓeekon ke Asie: Ephèse, Smyrne, Pergame, Thyatire, Sardes, Philadelphie a, se Laodicée a tɔ.»

Lookilera’n 1:16

Doo nè nga uwe kɔnyonge ji sejimute jikonn’t, kuye kaskar ke ate ngang joo ke tà ate njêt tee tànn’t. Tà kum’n ndoin tite kàde ke ndɔbe ráng-ráng bè.

Lookilera’n 1:20

Nyan ke tò loo ɓɔyɔn’t ɔje dè kɔnyonge ji sejimute ke an jikonm’t a, lampege ji sejimute ke dé ra se nar-ɔr ke an a tɔ nga, gir’n á tò nè: Kɔnyonge ke ji sejimute nga, ei njékan dè njékebe nange le Nube ke ji sejimute. Lampege ji sejimute ke dé ra se nar-ɔr nga, ei njékebe nange ke gir ji sejimute nè nga tɔ.»

Lookilera’n 1:4

Man Jean, m’ndang magtub m’ade njékebe nange le Nube ke gir ji sejimute ke ndii kem̂ ɓeekon ke Asie. Maje kade Nube ade sei kem̂noje se kem̂lom. E nga ndi tutu kété mari sár ɗarinè. E ndi à ree sei non a tɔ. Maje kade ndilge ke ji sejimute ke ndai non kutu-ngar’t le Nube adi sei kem̂noje se kem̂lom.

Lookilera’n 2:13

Loo ke i ndi tutu nga, m’ger mbak, è kutu-ngar le njèkem̂yêr. Kem̂ ndɔn’t ke ndɔ ke dé tɔl’n Antipas, njèkɔrgo tà le’m ke maje kule dann si’t nga géa, ile ri’m nang lé a, i naje se rai dè kem̂i ke unde dèm’t nga lé a tɔ. Loo ke ndɔ ke dé tɔl Antipas tutu nga, njè kem̂ majelé urkei tutu bajaj.

Lookilera’n 2:19

M’ger pa njiyei se tár lei a, se kundekem̂ lei a tɔ. M’ger kile koje lei se nda dè nja’t njáng lei nga mbak kuwe. Kule raige ke i ra gugu laa nga maje ngain dum kule raige ke ndɔ ke kété.

Lookilera’n 2:2

M’ger pa njiyei mbak. M’ger mbak titeke i ra kule ɔr yàl-yàl a, oré tài njak dè nyantosowurge’t a tɔ. M’ger maje titeke ase kile ngire gir njé ra majelége’t lé. Njé ke ei kuwe edi nè n’ei njékawkulege nga, i ger de ke njé lanmge karè.

Lookilera’n 2:9

Nyantosowur ke rai se ndoo ke rai nga, m’ger mbak kuwe. Nè né è bè géa i baw nyankinge. Tà ke majelé ke njé ke ei kuwe edi nè n’ei juipge tami sei nga, m’ger mbak kuwe. Nè dé nè nga, ke get-get ɓaa, dé kei kebe nan le njèkem̂yêr.

Lookilera’n 3:15

M’ger pa njiyei mbak. M’ger titeke i sɔl lé a, olé lé a tɔ. Man ɓaa, m’ndinge kade i sɔl éké olé tá.

Lookilera’n 3:2

Ute rai kalang, ade kundekem̂ lei ɓeɓer le kade gute nyanraige ke nan-in ke maji nga weii kɔke tɔ lé. Man m’an pa njiyei maje ɔr njêt tàkum Nube’t lem̂ lé.

Lookilera’n 3:8

M’ger pa njiyei mbak. An! m’teen tà rebe m’inye wei noin’t. Doo karé bè géa ase kutu tà rebe nè nga lé. Tɔgi è ndêin bè ade m’ger kuwe. Nè né è bè géa ile koje dè tà’t le’m, m i tam ede nè i ger’m lé lé.

Lookilera’n 4:5

Ndu doo ɓar beng-beng a, ndi têl a, ndang a tɔ, tu kutu-ngar ke karé ke madege an-in dè’n ulei nan’t nga. Lampege ji sejimute ndogói kotong non kutu-ngar’t nè nga. Lampege ke ji sejimute nga ei Ndilge ke ji sejimute le Nube.

Lookilera’n 5:6

M’an Ngonn bate nda dɔ dann kutu-ngar’t danné bɔp. Ngonn bate nè nga tò titeke d’uje kɔbe’n bè. Dange sɔ se ngatɔgege an-in dè’n king-king. Ngonn bate nè nga aw se gajennge ji sejimute a, kumnge ji sejimute a tɔ. Kumnge ke ji sejimute nga ei ndilge le Nube ke ji sejimute ke è ule de se loo malang dè nang nè.