Lookilera’n 22:6 - Nouveau Testament en Gulay 2004

⁶ Doo ke danrán ede’m ede nè: «Tàge nè nga ei ngarankum tàge ke get ke le taa kum kem̂ de’t kuwe. Kuwe-ɓee Nube ade Ndil-kem̂nda ule tà tà njéribe-dè-tàge le’n. E ule doo le’n ke danrán le kade tɔje ɓer kulege le’n titeke ngɔr ɓaa, nyange nè nga gar-gar à teei kuwe.»

Lookilera’n 22:6 ပူးပေါင်းရင်းမြစ်များ

Matthieu 13:41

Man ke m’ee Ngonn doo nga m’a m’ule dooge le’m ke danrán kade rein-in njétuge madege jig’t kade osoi dann kaiya’t a, se njékaltà tà ndukunnge’t le Nube malang kum de nata kɔke kêm Konɓee’t le’m.

Tà ke Maje ke Luc ndang 1:70

E tam tà nè nga kété mari se go rebe ke ra njéribe-dè-tàge’t le’n ke tooi se ninn’n ede nè:

Tà ke Maje ke Luc ndang 16:16

Gute-ndu Nube ke Moise ndang se magtubge ke njéribe-dè-tàge ke tà Nube’t ndangi a tɔ nga, dé ndó dooge sár d’ade Jean ke njèkule dooge manné njonm ree’n. Nè unn gir ndɔ ree le Jean sár tee ɓila nga, m’ile mber Tà ke Maje m’ade dooge. Gir’n ke nè á nanan géa uwe’n ra’n mong le kum nan’t bɔk se Nube.

Nyanra Njekawkulege 12:11

Loo ke kum Pierre gang dè rann’t ɓaa è tam ede: – Kerɔte kuwe, ɗarinè m’ger titeke Kuwe-ɓee kuwe ule doo le’n ke danrán ade ree ɔr’m wont ji Hérode’t. E ree ɔr’m dann nyan ke kos Juipge malang ndii nginei tchên nga a tɔ.

Nyanra Njekawkulege 3:18

Nè nyankêmkon ke ayé ra Krist ke Nube ule’n nga, Nube kuwe ade njéribe-dè-tàge le’n tami tà’n kété mari. Tà nè nga aw loon’t deĵ ɗarinè.

Nje Ke Rome 1:2

Tà ke Maje nè nga Nube unn’n ndu’n kété mari ade njéribe-dè-tàge ke tànn’t titeke dé ndang’n tà’n kêm Magtubge ke tooi se ninn de.

1 Nje Ke Corinthe 14:32

Njé ke Nube ade ribei dè tà ke tànn’t nga awi se tɔgmong le kan-in dè nyan-noje nè ke è uwe’n se de noje.

1 Nje Ke Corinthe 7:29

Ngakonmge, m’ede sei ndàt: Kurloo ke nain nga, ngal ngain lé ta. Unn gir ɗarinè, maje kade njé ke taai dinye teli ndii titeke ndɔ ke taai dinye lé bè.

2 Nje Ke Thessalonique 1:7

Sei ke dé ra se si nyantosowurge nè nga, ndɔ ke kuwe jéi Jésu à in danrán le kunde loo tee pan se dooge le’n ke njé tɔgmong-ge ɓaa, Nube à ade a i taai kebe se jé nan’t tɔ.

Hebreuge 12:9

Bɔ jéige ke d’oje jèi nga, loo ke d’ɔje jèi kumkunju tede kade jè ndii maje ɓaa, j’ulei dè jéi j’adi de. Bɔ jéi Nube ke njè kade jèi ndikumgajer nga, ké j’à kulei dè jéi kadi nin dum bɔ jéige ke oji danra jéi nga ɓai lé wa?

2 Pierre 1:21

Oiyo, tà ke in tà Nube’t nga è se go kem̂ndige le doo karé ndan lé. Nè Ndil-Kem̂nda á ɔse dooge balang-balang ade ilei mber tà ke in tà Nube’t.

2 Pierre 3:2

M’ndige le kade kem̂ si olé dè tàge ke njéribe-dè-tàge ke tà Nube’t ke tooi se ninn de tami kété nga. M’ndige le kade kem̂ si olé dè ndukunn’t ke ndɔ ke njékawkulege le Kuwe-ɓee njèkaje jéi ndó sei kété ɓá nga a tɔ.

Lookilera’n 1:1

Nyange ke tooi loo ɓɔyɔn’t ke Nube ribe dè ade Jésu-Krist. Jésu-Krist ribe dè nyange ke tooi loo ɓɔyɔn’t nè nga ade ɓer kulege le’n. Nyange ke Nube ade Jésu-Krist ribe dè ade ɓer kulege le’n nga, gar-gar ei nyange ke à reei ngɔr kuwe. Jésu-Krist ule doo le’n ke danrán karé ade ree tɔje Jean ɓer le’n nyange nè nga.

Lookilera’n 18:20

Sei ke i ndii danran, i rai ranel! Sei kosdooge le Nube ke i tooi se ninn si, njékawkulege a, se njéribe-dè-tàge ke tà Nube’t a tɔ nga, ali ra si ɔje dè tuju ke Nube tuju ɓee-bò nè nga! E è Nube kuwe á gangtà se dè naje’n dè ɓee-bò’t nè ɔje’n dè majelége ke ndɔ ke ra se si.

Lookilera’n 19:9

Doo ke danrán ede’m ede nè: «I ndang tà nè nga: Njé ke dé ɓar de loo mur dann ɓee’t le Ngonn bate nga, ra de à nel de.» Taɓai, è ede’m ede nè: «Tàge nè nga ei ngarankum tàge le Nube kuwe.»

Lookilera’n 21:5

E ke ndi kɔte kutu-ngar’t nga tam ndàt ede nè: «An! nyange malang nga, m’tel m’ra de gugu kige.» Taɓai, è ede’m ede nè: «I ndang tàge nè nga tede ei ngarankum tàge ke get ke le taa kum kem̂ dè’t kuwe.»

Lookilera’n 21:9

Dooge ke danrán ji sejimute uwei baige ji sejimute ji de’t ndai. Bai wong nè nga, nyantosowurge ji sejimute rusi kem̂ neĵ-neĵ. E karé dann de’t ree tam se’m ede nè: «I ree laa ade m’tɔji njènong ke è dinye le Ngonn bate ke taa’n ke kige nga.»

Lookilera’n 22:1

Doo ke danrán tɔje’m ba karé ke an-in mann’n ɓaa, a i ndi kumgajer; mann ba nè nga unju njai-njai tite nyan karé ke dé ɓar’n Cristal bè. Ba nè nga in gir kutu-ngar’t le Nube se le Ngonn bate.

Lookilera’n 22:16

Man Jésu kuwe á m’ule doo le’m ke danrán kade aw ɔrgo tà nyange nè ade sei njétaakem̂-Kristge malang loo kebe nange’t le si. Man m’ee ngonnkà David a, m’ee mbonron lookar a tɔ.»

Lookilera’n 22:7

Jésu ede nè: «Ooi maje, m’a m’tel ree ngɔr. Doo ke ngonm tà ke tà Nube’t ke dé ndang kem̂ magtub’t nè nga sêw-sêw ɓaa, ra’n à nel’n kuwe!»

Lookilera’n 4:1

Go nyange’t nè nga ɓaa, m’an tàbit kei karé ke danrán teen. M’oo ndu doo ke ndɔ ke tam se’m tà nga ɓar tite burunju bè. Doo nè nga tam se’m ede nè: «Al ke ram’t nè ade’m tɔji nyange ke à reei kuti go nyange nè nga gar-gar.»