Lookilera’n 22:4 - Nouveau Testament en Gulay 2004

⁴ Ɓer kulege le Nube à an-in nin se kum de a, ri’n à tò nat-non de’t a tɔ.

Lookilera’n 22:4 ပူးပေါင်းရင်းမြစ်များ

Matthieu 5:8

Njé ke nganrankêm de unju nyang-nyang nga, ra de à nel de tede d’a d’an Nube se kum de ndan-ndan!

Jean 12:26

Ke nè á doo karé ndige ra nyan kade’m ɓaa, gar-gar à unn rebe goom’t. Loo ke m’ndi tutu nga, ngonn njèndi le’m géa à ndi se’m tutu tɔ. Ke nè á doo karé ra nyan ade’m ɓaa, Bɔ’m à uge dè ji’n.

Jean 17:24

Bɔ’m, njé ke um de jim’t nga, loo ke m’a m’ndi tutu ɓaa, m’ndige kade ndii se’m nan’t tutu tɔ. Titeke bè á d’a d’an’n ndubra ke i ule dèm’t nga se kum de. I tár’m kété mari ɓita unde nang nè ɓai.

1 Nje Ke Corinthe 13:12

Nyange ke j’an-in ɗarinè nga è til nyange titeke doo an’n nyan kêm kuturam’t bè, nè ndɔn’t j’à j’an-in nyange nè nga se kum jéi ngangang ɓai. Nyanger le’m ke ɗarinè nga, è tàpitem gos nyanger karè, nè ndɔn’t m’a m’ger Nube njai-njai titeke è ger’m bè.

Hebreuge 12:14

Uwei ra si mong le ndii se kem̂lom se dooge malang. Awi kum si ke kété-kété le k’eei dooge ke tooi se ninn de gai. Ke nè á è bè lé ɓaa, doo karé bè géa à an Kuwe-ɓee se kum’n ndan lé.

Lookilera’n 14:1

M’an loo gerer ɓaa, m’an Ngonn bate nda dè mbal ke ɓee-bò ke Sion. Dooge le’n ke aru dɔg loo aru se kɔr-sɔ-gidé-sɔ ei se’n nan’t. Dé ndang ri Ngonn bate se ri Bɔ’n nat-non de’t.

Lookilera’n 3:12

Doo ke tête rɔ ɓaa, m’a m’ade à è kage ngaw gile kei ke tò se ninn’n le Nube le’m. M’a m’ade à tel kunde loo tee nata gile kei’t nè nga ndan lé. M’a m’ndang ri Nube le’m se ri ɓee-bò le Nube le’m dènn’t a tɔ. Ɓee-bò nè nga è Jérusalem ke kige ke in danrán ra Nube’t le’m. Doo ke tête rɔ ɓaa, m’a m’ndang ri’m ke kige dènn’t a tɔ.

Lookilera’n 7:3

«An-in! tá nè a kin-in tuji nang se ba-bò a, se kagege a tɔ. I nginei sár adi jè tɔse nyankorji nat-non ɓerge’t le Nube le jéi pa ɓita.»