Lookilera’n 22:18 - Nouveau Testament en Gulay 2004

¹⁸ Dooge malang ke ooi tàge ke tà Nube’t ke dé ndang kem̂ magtub’t nè nga, man Jean m’ede de ndàt: Ke nè á doo ile tà karé ke rang dann tàge nè ɓaa, Nube à ra se’n nyantosowur ke dé ndang tà’n kem̂ magtub’t nè nga ɓai.

Lookilera’n 22:18 ပူးပေါင်းရင်းမြစ်များ

Matthieu 15:13

Jésu ile de dè’t ede nè: – Kage ke rara ke Bɔ’m ke danrán man’n lé ɓaa, d’ade d’ɔr’n se ngire’n bere ɓarak kile’n kɔke.

Nje Ke Ephese 4:17

Man m’ede sei ndàt se ri Kuwe-ɓee: Maje kade i teli i njiyei tite dooge ke geri Nube lé nga lé ta, tede ei nga njiyei se go tàgir le de ke raikarè.

1 Nje Ke Thessalonique 4:6

Maje kade njètaakem̂-Krist sang ngomande éké dinye ke rang ra’n majelé se ngokon’n éké kon nann’n lé. Ndɔ ke j’ede sei tà nè ndàt kété ɓá, nè jè tel j’ede sei ɓai tite Kuwe-ɓee Nube à dalban nyange nè nga malang.

Lookilera’n 1:3

Doo ke tute magtub nè nga ra’n à nel’n. Njé ke uri mbi de ooi tàge ke in tà Nube’t a, tɔsi kum de dè nyange ke dé ndang tà’n kem̂ Magtub’t nè nga ɓaa, ra de à nel de tɔ. Nyange ke ndɔ ke m’tam tà’n nè nga, ndɔ’n nain ngɔr ta.

Lookilera’n 15:1

Go’t gugu ɓaa, m’an nyantɔje ke rang ke bò ke dum kum kem̂ danran’t. M’an dooge ke danrán ji sejimute uwei nyantosowurge ji sejimute ji de’t ndai. E ngei nyantosowurge ke Nube à ra se dooge le tɔl’n tà wong le’n.

Lookilera’n 15:6

M’an dooge ke danrán ji sejimute uwei nyantosowurge ji sejimute ji de’t, undei loo teei gile kei’t le Nube ke tò se ninn’n nga. Dooge ke danrán nè nga tulei kubu ke nda ke unju nyang-nyang ndai. Taɓai, ei tɔi kàde de se ndar ke dé ra se nar-ɔr njanm-njanm.

Lookilera’n 19:20

Dan se è ke njè ra ra’n ke njèribe-dè-tàge ke tà Nube’t nga, d’uwe de joo mbak. E ke njè ra ra’n ke njèribe-dè-tàge ke tà Nube’t nga ndɔ ke è ra nyankɔbege gai-gai tàkum dan’t nè libe’n kum dooge ke nyankorji le dan tò ra de’t a, ke ɗɔyi nyan ke dé ra dé ndaje’n dan nè nga a tɔ. Dan se njè ra ra’n ke njèribe-dè-tàge ke tà Nube’t nga, d’uwe de joo mbak d’ile de kumgajer dann por nyan ke ker jengleng ke laa tong-tong a, ke on bilm-bilm a tɔ.

Lookilera’n 20:10

Njè tête tà kunde tà dooge’t se njè libe kum de nga, d’uwe’n d’ile’n patak dann por nyan ke ker jengleng, ke on se laa’n bilm-bilm nga, ndɔ ke kété d’ile dan se njè ra ra’n ke njèribe-dè-tàge ke tà Nube’t danné. D’a d’ade nyantosowur à ra de kada a, ndɔɔ a, se ɓal-ɓal sár se non.

Lookilera’n 20:15

Doo ke rara ke dé ndang ri’n kem̂ magtub ndikumgajer’t nè nga lé ɓaa, d’a kile’n patak dann por ke on se laa’n bilm-bilm nè nga tɔ.

Lookilera’n 22:10

Doo ke danrán nè nga tel ede’m ede nè: «Tàge ke tà Nube’t ke dé ndang kem̂ magtub’t nè nga, maje kade i ɓɔyɔ dè lé, tede ndɔ ke kade nyange nè teei nain ngɔr ta.

Lookilera’n 22:16

Man Jésu kuwe á m’ule doo le’m ke danrán kade aw ɔrgo tà nyange nè ade sei njétaakem̂-Kristge malang loo kebe nange’t le si. Man m’ee ngonnkà David a, m’ee mbonron lookar a tɔ.»

Lookilera’n 22:7

Jésu ede nè: «Ooi maje, m’a m’tel ree ngɔr. Doo ke ngonm tà ke tà Nube’t ke dé ndang kem̂ magtub’t nè nga sêw-sêw ɓaa, ra’n à nel’n kuwe!»

Lookilera’n 22:9

Nè è ede’m ede nè: «Ebe rai ra nyan titeke bè! Man m’ee ngonn njèkule madi a, m’ee njè made kule le ngakoin ke njéribe-dè-tàge ke tà Nube’t. Man m’ee njèmade kule le njé ke ngonmi tàge ke dé ndang kem̂ magtub’t nè sêw-sêw. Nube á maje kade i ɗɔi’n gar-gar!»

Lookilera’n 3:14

Doo ke m’an’n nga tam ede nè: «I ndang magtub nè ade doo ke danrán ke njèkan dè njékebe nange le Nube ke kem̂ ɓee-bò ke Laodicée. Doo nè nga dé ɓar’n «Amen», maje kade è titeke bè kuwe. E ke njèkɔrgo tà ke get ke dooge undei kem̂ de dènn’t. E kuwe è ngire gir nyankundege le Nube malang. E tam ede nè: