Lookilera’n 22:16 - Nouveau Testament en Gulay 2004

¹⁶ Man Jésu kuwe á m’ule doo le’m ke danrán kade aw ɔrgo tà nyange nè ade sei njétaakem̂-Kristge malang loo kebe nange’t le si. Man m’ee ngonnkà David a, m’ee mbonron lookar a tɔ.»

Lookilera’n 22:16 ပူးပေါင်းရင်းမြစ်များ

Matthieu 1:1

Magtub ke ɔje dè girkà le Jésu-Krist ngonnkà David, ngonnkà Abraham,

Matthieu 2:2

Ei deji edi nè: – Ké ngar le Juipge ke d’oje’n ngɔr nè nga è loo ke ra’t wa? Tede jè j’an kɔnyon le’n loo tee’t le kade gugu nú á jè ree le ɗɔi’n.

Matthieu 22:42

– Ké tà ri á sei giri ɔje dè Messie nga wa? Ké sei giri kêm si’t edi nè: è ngonnkà nan wa? Dé tel d’ile’n dè’t d’ede nè: – E nga, è ngonnkà David.

Matthieu 22:45

Ke nè á ndɔ ke David ɓar’n Kuwe-ɓee ɓá ɓaa, ké Messie à tel k’ee ngonnkà’n titeke bain taɓai wa?

Tà ke Maje ke Luc ndang 1:78

Tede Nube le jéi nga, kêmkanm taa ra’n pel-pel. E takul kêmkanm le’n á ade lookar le’n in-in’n danrán nú ree ndogó’n dè jéi’t.

Tà ke Maje ke Luc ndang 20:44

Ngar David géa ɓar Messie ke Kuwe-ɓee le’n. A ɓaa ké Kuwe-ɓee le ngar David asekum tel k’ee ngonnkà’n titeke bain taɓai wa?

Nje Ke Rome 15:12

Esaie njèribe-dè-tà ke tà Nube’t géa tam bè tɔ, ede nè: «Ngar karé ke kige à in girkà’t le Jessé le ree. A ree le kon dooge ke ei Juipge lé. Dooge ke ei Juipge lé à undei kêm de dènn’t.»

Nje Ke Rome 9:5

Juipge nga ei girkà le dooge le Nube ke ri de ɓar ngain. Krist ke è Nube ke on ɓee dè nyange’t malang nga géa d’oje’n girkà le de dé nè nga tɔ. Maje kade dè Krist mong káng-káng sár se non! Maje kade è titeke bè kuwe.

2 Pierre 1:19

Tà ke njéribe-dè-tàge ke tà Nube’t tami kété mari ɔji dè Krist nga, è tà kerɔte kuwe. Sei géa, maje kade i tɔsi kum si dè tà’t nè nga tɔ. Tà nè nga tò asenan se por lampe ke ndogó loo ke ndul’t bè. Por lampe nè nga ndogó sár ade mbonron unde’n loo tee’n a, ade loo ar’n dè ɓengre si’t a tɔ.

Lookilera’n 1:1

Nyange ke tooi loo ɓɔyɔn’t ke Nube ribe dè ade Jésu-Krist. Jésu-Krist ribe dè nyange ke tooi loo ɓɔyɔn’t nè nga ade ɓer kulege le’n. Nyange ke Nube ade Jésu-Krist ribe dè ade ɓer kulege le’n nga, gar-gar ei nyange ke à reei ngɔr kuwe. Jésu-Krist ule doo le’n ke danrán karé ade ree tɔje Jean ɓer le’n nyange nè nga.

Lookilera’n 1:11

Ndu doo ke ɓar beng á m’oo nè nga, ede’m ede nè: «Nyan ke i an se kumi ɗarinè nga, i ndang kem̂ magtub’t ule’n ade njékebe nange le gir ji sejimute ke ɓeekon ke Asie: Ephèse, Smyrne, Pergame, Thyatire, Sardes, Philadelphie a, se Laodicée a tɔ.»

Lookilera’n 1:4

Man Jean, m’ndang magtub m’ade njékebe nange le Nube ke gir ji sejimute ke ndii kem̂ ɓeekon ke Asie. Maje kade Nube ade sei kem̂noje se kem̂lom. E nga ndi tutu kété mari sár ɗarinè. E ndi à ree sei non a tɔ. Maje kade ndilge ke ji sejimute ke ndai non kutu-ngar’t le Nube adi sei kem̂noje se kem̂lom.

Lookilera’n 2:11

Nanan ke ka mbi’n tò tutu ɓaa, maje kade ur mbi’n maje oo’n tà ke Ndil ede njékebe nange le Nube. Dooge ke têti rɔ ɓaa, yo ke njèkon’t joo à ra kum de ndoo ndan lé.»

Lookilera’n 2:17

Nanan ke ka mbi’n tò tutu ɓaa, maje kade ur mbi’n maje oo’n tà ke Ndil ede njékebe nange le Nube. Dooge ke têti rɔ ɓaa, m’a m’ade de mur ke tò loo ɓɔyɔn’t ke ri’n nè manne kade on-in. M’a m’ade’n ngonn her ke nda kade ɔr’n tà dè dooge’t. Ri ke kige ke dé ndang tu ngonn her ke nda’t nè nga, doo ke rang karé bè géa ger lé. Nè doo ke inge ngonn her ke nda nè kuwe se kár’n bere á ger.»

Lookilera’n 2:7

Nanan ke ka mbi’n tò tutu ɓaa, maje kade ur mbi’n oo’n tà ke Ndil ede njékebe nange le Nube. Dooge ke têti rɔ ɓaa, m’a made de kann kage ndikumgajer ke tò loo ke maje’t le Nube kade usei.»

Lookilera’n 22:1

Doo ke danrán tɔje’m ba karé ke an-in mann’n ɓaa, a i ndi kumgajer; mann ba nè nga unju njai-njai tite nyan karé ke dé ɓar’n Cristal bè. Ba nè nga in gir kutu-ngar’t le Nube se le Ngonn bate.

Lookilera’n 22:11

Doo ke è njè ra nyan ke se dè naje’n lé ɓaa, maje kade aw kum’n ke kété dè nyanra ke nal najenn’t le’n nga ɓaa, ndɔn’t à an ɓai. Doo ke ndi se ra’n ke mine ɓaa, maje kade aw kum’n ke kété dè nyan ke mine’t le’n nga ɓaa, ndɔn’t à an ɓai. Doo ke è njè ra nyan ke se naje’n nga, maje kade aw kum’n ke kété dè nyanra ke se dè najenn’t le’n nga. Doo ke ndi tede le Nube nga, maje kade aw kum’n ke kété dè ndi tede le Nube’t le’n nga a tɔ.»

Lookilera’n 22:20

Jésu ke njèkɔrgo tà nyange nè nga tam ede nè: «Oiyo, m’a tel ree ngɔr.» Maje kade è titeke bè kuwe, Kuwe-ɓee Jésu, i ree.

Lookilera’n 22:6

Doo ke danrán ede’m ede nè: «Tàge nè nga ei ngarankum tàge ke get ke le taa kum kem̂ de’t kuwe. Kuwe-ɓee Nube ade Ndil-kem̂nda ule tà tà njéribe-dè-tàge le’n. E ule doo le’n ke danrán le kade tɔje ɓer kulege le’n titeke ngɔr ɓaa, nyange nè nga gar-gar à teei kuwe.»

Lookilera’n 3:13

Nanan ke ka mbi’n tò tutu ɓaa, maje kade ur mbi’n maje oo’n tà ke Ndil ede njékebe nange le Nube.»

Lookilera’n 3:22

Nanan ke ka mbi’n tò tutu ɓaa, maje kade ur mbi’n maje oo’n tà ke Ndil ede njékebe nange le Nube.»

Lookilera’n 3:6

Nanan ke ka mbi’n tò tutu ɓaa, maje kade ur mbi’n maje oo’n tà ke Ndil ede njékebe nange le Nube nga.»

Lookilera’n 5:5

Nè ngatɔge karé dann madennge’t ede’m ede nè: «I non lé ta. An! toboi ke girkoje’t le Juda, toboi ke in girkà’t le ngar David nga tête rɔ. E asekum tutu tà nyankorjige ke dé tinye’n tà magtub nè nga le teen kem̂ kan.»