Lookilera’n 22:15 - Nouveau Testament en Gulay 2004

¹⁵ Nè njé ra nyan rasɔlge se njé ra nyan mbelige se njé tò se nan ke kaiya’tge se njé tɔl dooge se njé polé magege a, se njé ndige tà lanm éké tami tà lanm se ndɔ de, ndɔ de a tɔ nga, à nain-in gide ɓee-bò’t nata.

Lookilera’n 22:15 ပူးပေါင်းရင်းမြစ်များ

Matthieu 7:6

Nyan ke tò se ninn’n gai nga adi bisege lé a, i tilei mede-ngarge le si nang non kɔsnyonge’t lé a tɔ, nè bainléa à tubei nja de’t nang le teli ton-in sei dè’t ɓai.

Matthieu 8:12

Nè njé ke d’uwe dè nja Konɓee ke danrán d’ɔje’n dè de kété nga, d’a d’um de dann loo ke ndul ndin-ndin’t. E loo ke a noin se mann non kum de’t a, a ton-in tà de vbat-vbat tutu a tɔ.

Jean 8:46

Ké nan dann si’t asekum tɔje’m majelé ra’m wa? Ke nè á m’tam ngarankum tà ɓaa, ké bain á undei kêm si dèm’t lé wa?

Nyanra Njekawkulege 8:11

Dooge uri mbi de ngaw njêt ke ra Simon’t tede nyan mbelige ke è ra mari bere nga ade ndil de tee an-in.

Nje Ke Philippes 3:2

Undei kum si go bisege’t lé a, undei kum si go njékulege ke majelé lé a, undei kum si go njé sule sei kade ujei tà mɔte sige lé a tɔ.

Nje Ke Colosses 3:6

Eige ke nè á ei nyange ke ndɔri wong le Nube ree’n dè njédum nange’t.

1 Timothee 1:10

Gute-ndu Nube nga tò tede le njé tò se dinyege ke rang, tò tede le dingemge ke njé tò se dingem made dege, tò tede le njé kige ɓerge se njé lanmge se njé kubu ra dege. Nyange ke rang malang ke uwei made nan se nyan-ndó ke majelé nga, ute de mbeng.

Lookilera’n 18:23

Por lampe à ndoin ndên kem̂i i ɓee-bò’t nè nga gugu ndan lé a, doo à koo ndu njé taa dinye kige se njé ngaw kige kem̂i i ɓee-bò’t nè nga gugu ndan lé ta. Oiyo, njé ra gatege ke ndii kem̂i i ɓee-bò’t nè nga géa, ndɔ ke ei baw nyankingege dè nang nè: tede i libe kum girkoje dooge malang se dè ɓee-dè ɓee ade ndemi a tɔ.»

Lookilera’n 21:27

Nyan ke mine ke rara karé bè géa à aw kem̂ ɓee-bò’t nè nga ndan lé. Doo ke njé ra nyan ke yêr éké njè tam tà lanm se ndɔ’n-ndɔ’n nga à ile nja’n kem̂ ɓee-bò’t nè nga ndan lé a tɔ. Nè njé ke dé ndang ri de kem̂ magtub ndikumgajer’t le Ngonn Bate kuwe karé á à ilei nja de kem̂ ɓee-bò’t nè nga.

Lookilera’n 21:8

Nè njé ɓelge, njé kunn mbi dè ta’tge, njé ra nyange ke tò yêr, njé tɔl dooge, njé tò se nan ke kaiya’tge, njé ra nyan mbelige, njé polé magege se njé tà lanmge nga, loo le de à è dann por nyan ke ker jengleng ke on se laa’n bilm-bilm tɔ. Por ke on se laa’n bilm-bilm á è yo ke njèkon’t joo.»