Lookilera’n 22:14 - Nouveau Testament en Gulay 2004

¹⁴ Njé ke togoi kubu le de ke bòi yul-yul nga, ra de à nel de kuwe. Ei asikum kuse kann kage ke doo à ndii’n kumgajer nga a, à asi kingei tà rebe kaw kem̂ ɓee-bò’t nè nga a tɔ.

Lookilera’n 22:14 ပူးပေါင်းရင်းမြစ်များ

Jean 10:7

Jésu tel ede de ede nè: – Kerɔte kuwe, man m’ede sei ndàt, man nga m’ee tàbit kei rebe gar batege.

Jean 10:9

Man nga m’ee tàbit kei rebe. Ke nè á doo ree se rebe ke ram’t ɓaa, d’a d’aje’n. Doo nè nga à aw kei a, à unde loo tee nata a tɔ. Taɓai doo nè nga à inge nyan kul ra’n a tɔ.

Jean 14:15

Ke nè á i tári man ɓaa, an-in dè ndukunnge le’m sêw-sêw.

Jean 14:6

Jésu ile Thomas dè’t ede nè: – Man nga m’ee rebe, man nga m’ee ngarankum tà a, m’a nga m’ee ndikumgajer a tɔ. Doo ke unn rebe ke ram’t lé ɓaa à tee ra Bɔm’t ndan lé.

Jean 4:12

Kà jé Jacob se ngannenge a, se nyankulge le’n kuwe an-in mann nè kété ɓita inyei adi jè nga, ké i bòi i dum dè’n wa?

1 Nje Ke Corinthe 7:19

Kuje tà mɔte è nyan lé, kuje tà mɔte lé géa è nyan lé a tɔ. Nè kile koje dè ndukunnge’t le Nube á è nyan.

1 Nje Ke Corinthe 8:9

Sei ndii dè si pal le ra nyan ke kêm si ndige kuwe. Nè né è bè géa, undei kumkunju dè ra si’t le kade ndi dè pal le si tuge njé ke kundekêm le de ɓisir lé ɓai ile de dann majelé’t lé.

1 Nje Ke Corinthe 9:5

Ké m’aw se tɔgmong le kaw se kon nann’m karé ke neen’m loo kile mber’t titeke njékawkulege ke rang éké ngakon Kuwe-ɓeege éké Céphas rai nga tɔ lé wa?

Nje Ke Galatie 5:6

Kuje tà mɔte éké kuje tà mɔte lé, è nyan ke liriri tede le doo ke um nan’t bɔk se Jésu-Krist. Nè nyan ke è ngarankum nyan nga, è kundekem̂ ke ra kule dè tár nan’t.

1 Jean 3:3

Nanan ke unde kem̂’n tchên dè Krist’t ɓaa, maje kade ade ra’n unju nyang-nyang titeke Krist géa ade ra’n unju’n nyang-nyang bè tɔ.

1 Jean 5:3

Tár Nube nga ɔje dè kan dè ndukunnge le’n sêw-sêw. Ndukunnge le Nube nga doo asekum kan dè de sêw-sêw karè.

Lookilera’n 2:7

Nanan ke ka mbi’n tò tutu ɓaa, maje kade ur mbi’n oo’n tà ke Ndil ede njékebe nange le Nube. Dooge ke têti rɔ ɓaa, m’a made de kann kage ndikumgajer ke tò loo ke maje’t le Nube kade usei.»

Lookilera’n 21:12

Ɓee-bò nè d’ile geng-bɔr ke bò a, ngal a, d’an-in’n dè’n. Geng-bɔr nè nga tà rebennge ei dɔg-gidé-joo. Dooge ke danrán dɔg-gidé-joo ndai tà rebe geng-bɔr’t nè nga karé-karé malang. Dé ndang ri girkà le Israel ke dɔg-gidé-joo tà rebe’t karé-karé malang.

Lookilera’n 21:27

Nyan ke mine ke rara karé bè géa à aw kem̂ ɓee-bò’t nè nga ndan lé. Doo ke njé ra nyan ke yêr éké njè tam tà lanm se ndɔ’n-ndɔ’n nga à ile nja’n kem̂ ɓee-bò’t nè nga ndan lé a tɔ. Nè njé ke dé ndang ri de kem̂ magtub ndikumgajer’t le Ngonn Bate kuwe karé á à ilei nja de kem̂ ɓee-bò’t nè nga.

Lookilera’n 22:2

Mann ba nè ule dann ndá-loo ke kem̂ ɓee-bò’t nè nga. Kage karé ke d’use dé ndii’n kumgajer nda dè kong ba’t ke nú’t a, ke nè’t a tɔ. Kage nè nga ann nja dɔg-gidé-joo kem̂ ɓal karé, nan karé ɓaa ann nja karé tɔ. Mbi kage nè nga è kuge kɔr ratur ra girkoje kosdooge se dè ɓee-dè ɓee.

Lookilera’n 22:7

Jésu ede nè: «Ooi maje, m’a m’tel ree ngɔr. Doo ke ngonm tà ke tà Nube’t ke dé ndang kem̂ magtub’t nè nga sêw-sêw ɓaa, ra’n à nel’n kuwe!»

Lookilera’n 7:14

M’tel m’ile ngatɔge nè nga dè’t m’ede nè: «Kuwe’m, i i ger de mbak.» Ngatɔge nè nga ede’m ede nè: «Dé nè nga d’in dann nyantosowur ke bò’t. Dé togo kubuge le de ke bòi yul se mese Ngonn bate d’ade nda káng-káng.