Lookilera’n 22:11 - Nouveau Testament en Gulay 2004

¹¹ Doo ke è njè ra nyan ke se dè naje’n lé ɓaa, maje kade aw kum’n ke kété dè nyanra ke nal najenn’t le’n nga ɓaa, ndɔn’t à an ɓai. Doo ke ndi se ra’n ke mine ɓaa, maje kade aw kum’n ke kété dè nyan ke mine’t le’n nga ɓaa, ndɔn’t à an ɓai. Doo ke è njè ra nyan ke se naje’n nga, maje kade aw kum’n ke kété dè nyanra ke se dè najenn’t le’n nga. Doo ke ndi tede le Nube nga, maje kade aw kum’n ke kété dè ndi tede le Nube’t le’n nga a tɔ.»

Lookilera’n 22:11 ပူးပေါင်းရင်းမြစ်များ

Matthieu 15:14

Inyei de! tede dé njékumtɔge ke njékɔr non njékumtɔ made dege. Ke nè á njèkumtɔ ɔr non njèkumtɔ made’n ɓaa, ei joo mbak à osoi kêm bolè’t.

Matthieu 21:19

E an kage koté karé ngang rebe’t ngɔr. E tɔ aw tutu, è inge kann’n karé bè lé nè mbi’n á tò karè. Jésu tel tam se kage koté nè ede nè: – I a tel kann gugu ndan lé sár se non. Ke loon’t nè kuwe kage koté nè nga wei tutu njanm.

Matthieu 25:10

Nè loo ke d’a d’aw ke loo ndogonn’t ɓai ɓaa, njè taa dinye kige nga tee pan. Ngamandege ke uwei dè nja ra de nga uri lêbêt awi se njè taa dinye kige nè nga kei nan’t. Ke loon’t nè kuwe d’utu tàbit kei.

Matthieu 5:45

Ke nè á i rai titeke bè ɓaa, a teli k’ei ngann Bɔ si Nube ke ndi danrán kuwe. E ade kàde le’n ube dè njé ra nyan majelége se njé ra nyan majege’t a tɔ. E ade ndi ede dè njé ra nyan se dè najennge se dè njé ra nyan se dè naje’n lége a tɔ.

Matthieu 5:6

Njé ke ngur nyanra ke se dè naje’n ra de pênn-pênn asenan se kunde mann éké ɓo ke ra de nga, ra de à nel de tede kêm de à ndann ɓai!

Jean 8:21

Jésu tel ede Pharisienge ɓai ede nè: – M’a m’ɔte kaw, sei a sangi man pi, nè a weii dann kaiya’t le si. Loo ke m’a m’aw ke tutu nga, sei asikum kawi tutu lé.

Nje Ke Ephese 5:27

E ra titeke bè le kade njékebe nange le Nube ndai tàkumn’t dann ndubra’t se ra’n ke ndolé kein-kein anje kɔr-ɓal éké anje kum kule a tɔ. Krist ndige le kade njékebe nange le Nube tooi se ninn de gai, le kade tà karé uwe dè de lé a tɔ.

Nje Ke Colosses 1:22

Nè ɗarinè i teli umi nan’t bɔk se Nube takul kwei le danra Ngonn’n le kade sei dooge ke i tooi se ninn si tàkumn’t anje kade ra si ɔr ɓál a, nal kade tà karé géa uwe de si a tɔ.

2 Timothee 3:13

Nè njé kem̂ majelége se njé libe kum dooge à awi kum de ke kété-kété dè majelé’t. Njé kem̂ majelége se njé libe kum dooge nè nga à súi dooge le kade ndemi a, ei kuwe géa à ndemi a tɔ.

Jude 1:24

Nube aw se tɔgmong le kan’n dè si kade osoi lé. Nube à ade a i ndai non ndubra’t le’n ke bò se ranel anje tà karé dè si’t.

Lookilera’n 16:21

Kɔtchege ke bò-bò ke ɔyi tite nar-nda bè in-in danrán tilei dè dooge vbang-vbang. Dooge taji Nube dap-dap tede nyantosowur ke kɔtchege rai se de. Nyantosowur ke ra de nè nga, è nyantosowur ke tò ɓel ngain dum madege ke rang malang.

Lookilera’n 22:3

Nyan karé bè ke à ade Nube à gangtà dè dooge ke kem̂ ɓee-bò’t nè nga goto ta. Kutu-ngar le Nube se le Ngonn bate à tò kem̂ ɓee-bò’t nè nga. Ɓer kulege le Nube à ɗɔyi nin.