Lookilera’n 22:10 - Nouveau Testament en Gulay 2004

¹⁰ Doo ke danrán nè nga tel ede’m ede nè: «Tàge ke tà Nube’t ke dé ndang kem̂ magtub’t nè nga, maje kade i ɓɔyɔ dè lé, tede ndɔ ke kade nyange nè teei nain ngɔr ta.

Lookilera’n 22:10 ပူးပေါင်းရင်းမြစ်များ

Matthieu 10:27

Tà ke m’ede sei dann ndɔɔ nga, ilei mber’n dann kada ndái-ndái. Tà ke dé kɔte mbi si’t nga, ilei mber’n adi dooge malang se loo-loo.

Nje Ke Rome 13:11

I rai titeke bè tede sei geri kêm ndɔ ke jè ndii tutu ɗarinè nga mbak. Kàde kade i ndeli dè ɓi’t ase ɓá. Kété ke ndɔ ke j’undei kêm jéi dè Krist’t nga, kaje è se jéi heb ɓai, nè ɗarinè kaje è se jéi ngɔr ta.

Nje Ke Rome 13:12

Nain ngɔr ɓaa, loo à ar kade kàde à tee. Bè ɓaa, ade j’inyei go kule rage ke majelé ke jè rai dann ndɔɔ ɓaa, jè tulei nyankatege le lookar ra jéi’t.

2 Nje Ke Thessalonique 2:3

Adi doo karé libe kum si se nel tàge ke titeke bè nga lé. Gar-gar, kété ɓita kade ndɔ nè tee ɓai nga, dooge à in-in le rɔi se Nube a, doo njè kɔse tà mbeng ke è ngonn le njè tuju à kundei loo teei pa ɓita.

1 Pierre 4:7

Ndɔ le ngei nyange malang è ngɔr ta. I njiyei se kumkunju’n a, i ndii kum dè kɔje tà se Nube’t a tɔ.

Lookilera’n 1:11

Ndu doo ke ɓar beng á m’oo nè nga, ede’m ede nè: «Nyan ke i an se kumi ɗarinè nga, i ndang kem̂ magtub’t ule’n ade njékebe nange le gir ji sejimute ke ɓeekon ke Asie: Ephèse, Smyrne, Pergame, Thyatire, Sardes, Philadelphie a, se Laodicée a tɔ.»

Lookilera’n 1:3

Doo ke tute magtub nè nga ra’n à nel’n. Njé ke uri mbi de ooi tàge ke in tà Nube’t a, tɔsi kum de dè nyange ke dé ndang tà’n kem̂ Magtub’t nè nga ɓaa, ra de à nel de tɔ. Nyange ke ndɔ ke m’tam tà’n nè nga, ndɔ’n nain ngɔr ta.

Lookilera’n 10:4

Loo ke ndi ndang titeke bè ɓaa, m’ayé kunn gir ndang nyan. Nè loon’t nè kuwe, m’oo ndu doo ɓar danrán ede nè: «Ndi ke ndang nja ji sejimute nè nga, ade tà’n tò loo ɓɔyɔn’t jêke^ m i ndang kem̂ magtub’t lé ɓanm.»

Lookilera’n 22:16

Man Jésu kuwe á m’ule doo le’m ke danrán kade aw ɔrgo tà nyange nè ade sei njétaakem̂-Kristge malang loo kebe nange’t le si. Man m’ee ngonnkà David a, m’ee mbonron lookar a tɔ.»

Lookilera’n 22:18

Dooge malang ke ooi tàge ke tà Nube’t ke dé ndang kem̂ magtub’t nè nga, man Jean m’ede de ndàt: Ke nè á doo ile tà karé ke rang dann tàge nè ɓaa, Nube à ra se’n nyantosowur ke dé ndang tà’n kem̂ magtub’t nè nga ɓai.

Lookilera’n 22:20

Jésu ke njèkɔrgo tà nyange nè nga tam ede nè: «Oiyo, m’a tel ree ngɔr.» Maje kade è titeke bè kuwe, Kuwe-ɓee Jésu, i ree.

Lookilera’n 22:7

Jésu ede nè: «Ooi maje, m’a m’tel ree ngɔr. Doo ke ngonm tà ke tà Nube’t ke dé ndang kem̂ magtub’t nè nga sêw-sêw ɓaa, ra’n à nel’n kuwe!»

Lookilera’n 22:9

Nè è ede’m ede nè: «Ebe rai ra nyan titeke bè! Man m’ee ngonn njèkule madi a, m’ee njè made kule le ngakoin ke njéribe-dè-tàge ke tà Nube’t. Man m’ee njèmade kule le njé ke ngonmi tàge ke dé ndang kem̂ magtub’t nè sêw-sêw. Nube á maje kade i ɗɔi’n gar-gar!»

Lookilera’n 5:1

E ke ndi kutu-ngar’t nga, m’an magtub ke dé ndang nyan gidé a, kem̂é a tɔ, jikonn’t. Magtub nè nga, dé tinye tà se nyankorji ji sejimute.