Lookilera’n 21:6 - Nouveau Testament en Gulay 2004

⁶ Taɓai, è tel ede’m ede nè: «Girtà gang ɓá ta. Man nga, m’ee ke desêin a, m’ee ke ngeinn’t a tɔ. Man nga m’ee loo kunde gir nyan a, loo tɔl ngang nyan a tɔ. Doo ke kunde on’n ɓaa, m’a m’ade’n ngur mann ndikumgajer kade an-in karè m à ndogo lé.

Lookilera’n 21:6 ပူးပေါင်းရင်းမြစ်များ

Jean 4:10

Jésu tel ile dinye nè nga dè’t ede nè: – Ke nè á i ger noje ke Nube uwe sei karè nè nga a, i ger doo ke deji ede nè: Ade’m mann m’an-in a tɔ nga ɓaa, né i kuwe a in kété le deje’n mann kain, ayé kadi mann ke an-in kutch-kutch kade an-in i ndii’n kumgajer.

Jean 4:11

Dinye nè nga tel deje Jésu ede nè: – Dingem, ka-dɔ kɔde mann goto jii’t a, bolè mann nga géa heb ngain a tɔ. Ké a inge mann lei ke an-in kutch-kutch nga loo ke ra’t wa?

Jean 4:14

Nè doo ke an-in mann ke m’a m’ade’n nga ɓaa, kunde a tel ra’n gugu ndan lé sár. Mann ke m’a m’ade’n nga à tel ngire mann ndikumgajer ke an-in kutch-kutch kêmn’t.

Nje Ke Rome 3:24

Nube ɔr tà dè dooge’t karè takul kêmnoje le’n ke ule’n Jésu-Krist ade ree ɔr’n de dann majelége’t le de.

Nje Ke Rome 8:32

Ngonn kêm’n géa, Nube ngonm’n rann’t lé, nè è inye’n ade dé tɔl’n tede tà le jéi malang. Nube à ade jèi nyan malang takul Jésu kerɔte kuwe.

1 Nje Ke Corinthe 2:12

Jèi ɓaa, ndil ke j’ingei nga è ndil ke in ra dooge ke dè nang nè lé, nè è Ndil ke in ra Nube’t tede le kade jè geri nyan-nojege ke Nube ade jèi nga.

1 Nje Ke Corinthe 3:12

Ke nè á doo unde kei dè gir kei’t nè nga se nar-ɔr éké nar-nda éké se kuberi herge ke gate de è ngain éké undei se kage, undei se káde nyan éké se mu géa,

1 Nje Ke Corinthe 3:21

Bè ɓaa, maje kade doo karé bè géa unde kàde’n se ri doo-ndul made’n lé. Kerɔte kuwe, dé malang dé le sige.

1 Nje Ke Corinthe 3:5

A ɓaa, ké Apollos nga è nan wa? Ké Paul nga è nan wa? Jè joo mbak jè ngann njékulege le Nube le ra se si le kade undei kêm si dènn’t. Nanan géa dann jé’t ra kule ke ɔje dè’n ke Kuwe-ɓee um jinn’t.

Lookilera’n 1:11

Ndu doo ke ɓar beng á m’oo nè nga, ede’m ede nè: «Nyan ke i an se kumi ɗarinè nga, i ndang kem̂ magtub’t ule’n ade njékebe nange le gir ji sejimute ke ɓeekon ke Asie: Ephèse, Smyrne, Pergame, Thyatire, Sardes, Philadelphie a, se Laodicée a tɔ.»

Lookilera’n 1:17

Loo ke m’an doo nè nga bè ɓaa, m’oso njann’t nang rɔk tite doo ke wei bè. E ile jikon’n dèm’t nem̂ ede’m ede nè: «Ebe rai ɓel. Man nga m’ee ke desêin a, ke ngeinn’t a tɔ.

Lookilera’n 1:8

Kuwe Nube tam ndàt ede nè: «Man nga m’ee ke desêin a, ke ngeinn’t a tɔ. Man m’ndi tutu kété ke mari sár tee ɓila. M’ndi m’aw sei non.»

Lookilera’n 10:6

E mann ra’n se ri ke njèndi kumgajer se non, ke njèkunde danran se nang, se ba-bò kate a, se nyange malang ke tooi tutu a tɔ. Doo ke danrán nè nga tam ndàt ede nè: «Ase nan’t lé ta.

Lookilera’n 16:17

Doo ke danrán ke njèkon madennge’t ji sejimute uwe nyantosowurge ke kem̂ bai wong’t le’n sanrin ke dɔ. Ndu doo in se ke dè kutu-ngar’t ɓar beng gile kei ke tò se ninn’n le Nube ede nè: «Girtà gang ɓá ta.»

Lookilera’n 22:13

Man nga m’ee ke desêin a, ke ngeinn’t a tɔ. Man m’ee loo kunde gir nyan a, loo tɔl ngang nyan a tɔ.

Lookilera’n 22:17

Ndil Nube se dinye ke njè ngaw kige nga tami edi nè: «I ree.» Doo ke oo tà nè ɓaa, maje kade tam ede nè: «I ree.» Doo ke kunde mann on’n ɓaa, maje kade ree taa mann an-in. Doo ke ndige taa mann kan-in ndii’n kumgajer ɓaa, à inge karé m à ndogo lé.

Lookilera’n 3:14

Doo ke m’an’n nga tam ede nè: «I ndang magtub nè ade doo ke danrán ke njèkan dè njékebe nange le Nube ke kem̂ ɓee-bò ke Laodicée. Doo nè nga dé ɓar’n «Amen», maje kade è titeke bè kuwe. E ke njèkɔrgo tà ke get ke dooge undei kem̂ de dènn’t. E kuwe è ngire gir nyankundege le Nube malang. E tam ede nè:

Lookilera’n 7:17

Kerɔte kuwe, Ngonn bate ke nda dann kutu-ngar’t danné bɔp nga à è njèkul de a, à ɔr non de kaw se de tà ngur mann ndikumgajer’t. Nube à tise mann non kum de’t ndát-ndát a tɔ.»