Lookilera’n 21:5 - Nouveau Testament en Gulay 2004

⁵ E ke ndi kɔte kutu-ngar’t nga tam ndàt ede nè: «An! nyange malang nga, m’tel m’ra de gugu kige.» Taɓai, è ede’m ede nè: «I ndang tàge nè nga tede ei ngarankum tàge ke get ke le taa kum kem̂ dè’t kuwe.»

Lookilera’n 21:5 ပူးပေါင်းရင်းမြစ်များ

Tà ke Maje ke Luc ndang 5:38

Nè mann nduu ke sɔl nga, umi kêm sɔlge ke kige’t gar-gar.

2 Nje Ke Corinthe 5:17

Ke nè á doo karé um nan’t bɔk se Krist ɓaa, è tel è doo-kunde ke kige. Ɓuge nyange ke mari tugei gangi ɓá, an! nyange malang teli ei ke kige.

Hebreuge 12:27

Tà ke Nube tam ede nè: «Nja karé ɓai» nga tɔje jèi njai titeke nyankundege à yeyi ɓuk-ɓuk, à gotoi njêl le kinyei loo kadi nyange ke à yeyi ɓuk-ɓuk lé.

Lookilera’n 1:11

Ndu doo ke ɓar beng á m’oo nè nga, ede’m ede nè: «Nyan ke i an se kumi ɗarinè nga, i ndang kem̂ magtub’t ule’n ade njékebe nange le gir ji sejimute ke ɓeekon ke Asie: Ephèse, Smyrne, Pergame, Thyatire, Sardes, Philadelphie a, se Laodicée a tɔ.»

Lookilera’n 1:19

Nyange ke i an se kumi ɓá a, nyange ke reei ɓai a tɔ nga, i ndang kem̂ magtub’t.

Lookilera’n 19:9

Doo ke danrán ede’m ede nè: «I ndang tà nè nga: Njé ke dé ɓar de loo mur dann ɓee’t le Ngonn bate nga, ra de à nel de.» Taɓai, è ede’m ede nè: «Tàge nè nga ei ngarankum tàge le Nube kuwe.»

Lookilera’n 20:11

Go’t gugu, m’an doo karé bè ndi dè kutu-ngar ke nda ke bòi’t. Nang se danran ɔti an-in nan tà kum’n ta.

Lookilera’n 22:19

Ke nè á doo ɔr nyan karé dann tàge ke tà Nube’t ke tò kem̂ magtub’t nè ile ngang karé ɓaa, Nube à ɔge’n kuse kann kage ndikumgajer nè éké à ɔge’n kile nja’n kem̂ ɓee-bò ke tò se ninn’n ke dé ndang tà’n kem̂ magtub’t nè nga.

Lookilera’n 22:6

Doo ke danrán ede’m ede nè: «Tàge nè nga ei ngarankum tàge ke get ke le taa kum kem̂ de’t kuwe. Kuwe-ɓee Nube ade Ndil-kem̂nda ule tà tà njéribe-dè-tàge le’n. E ule doo le’n ke danrán le kade tɔje ɓer kulege le’n titeke ngɔr ɓaa, nyange nè nga gar-gar à teei kuwe.»

Lookilera’n 4:2

Ke loon’t nè kuwe, Ndil lá’m mêtch uwe’m ɓaa, m’an kutu-ngar karé ke d’unde kem̂ danran’t. Doo karé ndi dè kutu-ngar’t nè nga.

Lookilera’n 4:9

E ke njè ndi dè kutu-ngar’t se lo’n-lo’n sár se non nga, dange ke sɔ nè ulei ndubra se riɓar dènn’t a, rai nin oiyo a tɔ.

Lookilera’n 5:1

E ke ndi kutu-ngar’t nga, m’an magtub ke dé ndang nyan gidé a, kem̂é a tɔ, jikonn’t. Magtub nè nga, dé tinye tà se nyankorji ji sejimute.