Lookilera’n 21:4 - Nouveau Testament en Gulay 2004

⁴ Nube à tise mann non kum de’t ndát-ndát. Yo se kumndoo yo se kem̂kon à gotoi njing se non. Non se wuwi à ɓar gugu bè lé njing ta. Nyange ke mari gotoi njêl karè.»

Lookilera’n 21:4 ပူးပေါင်းရင်းမြစ်များ

Matthieu 24:35

Danran se nang nè à gotoi ɓai, nè tàge le’m à teli yai ndan lé sár kade nyange nè malang undei loo teei kété ɓita.

1 Nje Ke Corinthe 15:26

Njèban ke ngeinn’t ke d’a tuju’n kɔke nga, è yo.

1 Nje Ke Corinthe 7:31

Maje kade njé ke ndii ubei maje nyange ke dè nang nè ɗarinè, teli ndii asinan se dooge ke kété ubei maje lé bè. Dè nang nè titeke sei kuwe an-in nga à aw mbɔr ngain lé ta.

2 Nje Ke Corinthe 5:17

Ke nè á doo karé um nan’t bɔk se Krist ɓaa, è tel è doo-kunde ke kige. Ɓuge nyange ke mari tugei gangi ɓá, an! nyange malang teli ei ke kige.

2 Nje Ke Corinthe 6:17

Gir’n ke nè á Kuwe-ɓee tam’n ede nè: «Undei loo i teei dann de’t kɔke i ndii gai, ɔdi ra nyan ke mine lé ɓaa, m’a m’uwe sei ke ram’t.

Hebreuge 12:27

Tà ke Nube tam ede nè: «Nja karé ɓai» nga tɔje jèi njai titeke nyankundege à yeyi ɓuk-ɓuk, à gotoi njêl le kinyei loo kadi nyange ke à yeyi ɓuk-ɓuk lé.

2 Pierre 3:10

Ndɔ tel ree le Kuwe-ɓee nga à è tite ndɔ ree le njèɓog bè. Kem̂ ndɔn’t nè nga, danran à ndubu tong-tong le kɔte goto njêl karè. Nyange malang ke danrán à leein larr-larr. Nang nè se nyange malang ke tooi tutu nga, por à ró de rák-rák a tɔ.

1 Jean 2:17

Nang se ngur nyange le’n malang ke ra dooge’t nga ndii à ndɔti kawi. Nè doo ke ra nyan ke kem̂ Nube ndige ɔr son’n njêt ɓaa à ndi kumgajer sár se non kuwe.

Lookilera’n 20:13

Njé ke koo ke ndɔ ke rai ɓee dann ba-bò kate’t nga, ba-bò kate ree se de ɓuku de nata. Njé ke koo ke ndii se yo ɓee le yo nga géa, yo se ɓee le yo reei se de ɓuki de nata a tɔ. Nanan géa dé gangtà dènn’t se go kule ra’n, ra’n.

Lookilera’n 20:14

Yo se ɓee le yo nga, dé tile de patak-patak dann por ke laa tong-tong’t. Yo ke njèkon’t joo nga, è por ke laa tong-tong.

Lookilera’n 21:1

Taɓai, m’an loo gerer ɓaa, m’an danran ke kige tede danran ke desêin se nang ke desêin gotoi njêl karè. Ba-bò kate géa goto njêl karè a tɔ.

Lookilera’n 22:3

Nyan karé bè ke à ade Nube à gangtà dè dooge ke kem̂ ɓee-bò’t nè nga goto ta. Kutu-ngar le Nube se le Ngonn bate à tò kem̂ ɓee-bò’t nè nga. Ɓer kulege le Nube à ɗɔyi nin.

Lookilera’n 7:17

Kerɔte kuwe, Ngonn bate ke nda dann kutu-ngar’t danné bɔp nga à è njèkul de a, à ɔr non de kaw se de tà ngur mann ndikumgajer’t. Nube à tise mann non kum de’t ndát-ndát a tɔ.»