Lookilera’n 21:3 - Nouveau Testament en Gulay 2004

³ M’oo ndu doo ɓar beng se ke dè kutu-ngar’t ede nè: «An! kei kubu le Nube nga è dann dooge’t! Nube à ra ɓee se dooge a, d’a dé kosdooge le’n a tɔ. E Nube kuwe á nain se de a, à è Nube le de kuwe a tɔ.

Lookilera’n 21:3 ပူးပေါင်းရင်းမြစ်များ

Jean 1:14

Tà nè nga, tel è danra doo. E ra ɓee dann jéi’t j’an-in ndubra le’n tite ndubra le Ngonn dagi ke in ra Bɔ dooge’t. Kêmnoje se ngarankum tà taa ra’n pel-pel.

Jean 14:23

E Jude á deje tà nè m è Judas Iskariot lé. Jésu ile’n dè’t ede nè: – Ke nè á doo karé tár’m ɓaa à an dè tà le’m sêw-sêw a, Bɔ’m à tár’n ngain a tɔ. Jè se Bɔ’m j’à ree rann’t le kur kei le jé kêmn’t a tɔ.

2 Nje Ke Corinthe 6:16

Ké gile kei ke tò se ninn’n le Nube se kei mage polége à umi nan’t titeke bain wa? Jèi jèi gile kei ke tò se ninn’n le Nube ke Njèndi kumgajer. Nube kuwe tam ede nè: «M’a m’ndi dann de’t a, m’a m’ringe dann de’t a tɔ. M’a m’ee Nube le de, dé géa d’a dé kosdooge le’m a tɔ.»

2 Nje Ke Corinthe 6:18

M’a m’ee Bɔ si a, sei à k’eei ngann’m ke dingem se njé ke dinye, Kuwe-ɓee njètɔgmong kuwe á tam bè.»

1 Nje Ke Thessalonique 3:11

Maje kade Bɔ jéi Nube kuwe a, Kuwe-ɓee le jéi Jésu a tɔ, ɔri non jé awi se jé ra si’t.

Hebreuge 11:16

Nè ɓeekon ke maje ngain dum dè madege ke ngur’n ra de pênn-pênn ɗarinè nga, è ɓeekon ke danrán. Gir’n ke nè á ra Nube sɔl’n dè ɓar ke dé ɓar’n Nube le de nga lé. Kerɔte kuwe, è uwe dè nja ɓee-bò karé tede tà le de ɓá.

Hebreuge 8:10

Kuwe-ɓee tel tam ede nè: An! kem̂ ndɔge ke à reei non nga, m’a m’mann ra’m kade kosdooge ke Israel. M’a m’ule gute-ndumge dann tàgirge’t le de a, m’a m’ndang gute-ndumge dè ɓengre de’t a tɔ. Man m’a m’ee Nube le de a, d’a dé kosdooge le’m a tɔ.

Hebreuge 8:2

E Ngonn njèkule le Nube. E ra kule kem̂ gile kei ke tò se ninn’n gai. Gile kei ke tò se ninn’n gai nè nga, è Kuwe-ɓee kuwe á ra m è doo á ra lé.

Lookilera’n 10:4

Loo ke ndi ndang titeke bè ɓaa, m’ayé kunn gir ndang nyan. Nè loon’t nè kuwe, m’oo ndu doo ɓar danrán ede nè: «Ndi ke ndang nja ji sejimute nè nga, ade tà’n tò loo ɓɔyɔn’t jêke^ m i ndang kem̂ magtub’t lé ɓanm.»

Lookilera’n 10:8

Ndu doo ke ɓar danrán ke kété m’oo nga tel ede’m ede nè: «Aw, i taa ngonn magtub ke doo ke danrán karé ke nda se nja’n dɔ dè ba-bò kate’t se dè nang’t nè teen uwe jinn’t nda’n non.»

Lookilera’n 12:10

Go’t gugu ɓai, m’oo ndu doo ɓar danrán beng ede nè: «Kaje se tɔgmong a, se konɓee le Nube le jéi nga, ɗarinè reei ɓá ta. Ɗarinè, tɔgmong è ji Krist’t le Nube nga ta. Njè kile tà dè ngakon jéige’t non Nube’t ndɔɔ a, kada a nga, dé sure’n mbeng d’ile’n nata dè nang nè.

Lookilera’n 21:7

Doo ke tête rɔ ɓaa, m’a m’ade’n nyan nè nga kuwe. M’a m’ee Nube le’n a, à è ngonn’m ke dingem a tɔ.

Lookilera’n 22:3

Nyan karé bè ke à ade Nube à gangtà dè dooge ke kem̂ ɓee-bò’t nè nga goto ta. Kutu-ngar le Nube se le Ngonn bate à tò kem̂ ɓee-bò’t nè nga. Ɓer kulege le Nube à ɗɔyi nin.

Lookilera’n 7:15

Gir’n ke nè á dé nda’n non kutu-ngar’t le Nube, dé ɗɔi’n kada a, ndɔ a, gile kei’t le’n ke tò se ninn’n gai. E ke ndi kutu-ngar’t à ra kei kubu dè de’t.