Lookilera’n 21:27 - Nouveau Testament en Gulay 2004

²⁷ Nyan ke mine ke rara karé bè géa à aw kem̂ ɓee-bò’t nè nga ndan lé. Doo ke njé ra nyan ke yêr éké njè tam tà lanm se ndɔ’n-ndɔ’n nga à ile nja’n kem̂ ɓee-bò’t nè nga ndan lé a tɔ. Nè njé ke dé ndang ri de kem̂ magtub ndikumgajer’t le Ngonn Bate kuwe karé á à ilei nja de kem̂ ɓee-bò’t nè nga.

Lookilera’n 21:27 ပူးပေါင်းရင်းမြစ်များ

Matthieu 13:41

Man ke m’ee Ngonn doo nga m’a m’ule dooge le’m ke danrán kade rein-in njétuge madege jig’t kade osoi dann kaiya’t a, se njékaltà tà ndukunnge’t le Nube malang kum de nata kɔke kêm Konɓee’t le’m.

Marc 7:2

Ei an-in njékuwe-gir-Jésuge ke nange ndii usei nyan se ji de ke mine anje togo se go nyangirkà le Pharisienge.

Tà ke Maje ke Luc ndang 10:20

Nè né è bè géa, i rai ranel tede ri si ke dé ndang kêm Konɓee ke danrán’t, m i rai ranel tede ndilge ke majelé ke ulei dè de adi sei nga lé.

Nje Ke Ephese 5:5

Ooi maje: doo karé bè dann njé tò se nan ke kaiya’t éké doo ke ra’n mine éké njè nede nyan a ingei nyan-ndube kem̂ Konɓee’t le Krist lé a, kem̂ Konɓee’t le Nube ndan lé a tɔ. Nede nyan nga è mage polé.

Nje Ke Philippes 4:3

I njèmade loo kaw le’m ke get nga géa, man m’deji le kade i ra se Evodie se Syntyche tede ei nga ndɔ ke ilei ra de kɔke se’m nan’t loo kile mber Tà ke Maje’t. Clément se njémade kulege le’m ke rang ke ri de tò kem̂ Magtub ndikumgajer’t nga géa Evodie se Syntyche rai se de loo kile mber Tà ke Maje’t tɔ.

1 Timothee 1:10

Gute-ndu Nube nga tò tede le njé tò se dinyege ke rang, tò tede le dingemge ke njé tò se dingem made dege, tò tede le njé kige ɓerge se njé lanmge se njé kubu ra dege. Nyange ke rang malang ke uwei made nan se nyan-ndó ke majelé nga, ute de mbeng.

Hebreuge 12:14

Uwei ra si mong le ndii se kem̂lom se dooge malang. Awi kum si ke kété-kété le k’eei dooge ke tooi se ninn de gai. Ke nè á è bè lé ɓaa, doo karé bè géa à an Kuwe-ɓee se kum’n ndan lé.

2 Pierre 3:13

Nè jè ndii jè nginei danran ke kige se nang ke kige se go ndukunn ke Nube unn ade jèi nga. Danran ke kige se nang ke kige nga, nyanra ke se dè naje’n à on ɓee tutu.

Lookilera’n 13:8

Dooge malang ke ndii dè nang nè nga à ulei dè de nang non dan’t nè ɗɔyi nin. Njé ke ulei dè de nang non dan’t ɗɔyi nin nè nga, ei dooge ke mari loo kunde gir nang’t kuwe, dé ndang ri de kem̂ magtub ndikumgajer le Ngonn bate ke ndɔ ke dé tɔl’n nga lé.

Lookilera’n 20:12

M’an njé ke weii, dooge ke bò se ngann dooge ndai non kutu-ngar’t nè nga. D’uwe tà magtubge dé teen. Magtub karé ke ɔje dè ndikumgajer nga géa, dé teen tà’n tɔ. Go’t gugu, dé gangtà dè njé ke koo’t ɔje’n dè kule ra de, ra de, se go nyange ke dé ndang tà’n kem̂ magtub’t nè nga.

Lookilera’n 20:15

Doo ke rara ke dé ndang ri’n kem̂ magtub ndikumgajer’t nè nga lé ɓaa, d’a kile’n patak dann por ke on se laa’n bilm-bilm nè nga tɔ.

Lookilera’n 21:8

Nè njé ɓelge, njé kunn mbi dè ta’tge, njé ra nyange ke tò yêr, njé tɔl dooge, njé tò se nan ke kaiya’tge, njé ra nyan mbelige, njé polé magege se njé tà lanmge nga, loo le de à è dann por nyan ke ker jengleng ke on se laa’n bilm-bilm tɔ. Por ke on se laa’n bilm-bilm á è yo ke njèkon’t joo.»

Lookilera’n 3:5

Titeke bè á nanan ke tête rɔ ɓaa, d’a tule kubu ke nda káng-káng rann’t. M’a m’tuju ri’n kɔke kem̂ magtub ndikumgajer’t nga lé. Nè m’a m’tam ndàt non Bɔm’t se non dooge le’n ke danrán titeke dooge nè ei lemge kerɔte kuwe.