Lookilera’n 21:23 - Nouveau Testament en Gulay 2004

²³ Ɓee-bò nè nga aw ndoo kàde éké nan ke nyan-ndogó le’n lé. Nè Nube kuwe è nyan-ndogó le’n a, Ngonn bate á è lampe le’n a tɔ.

Lookilera’n 21:23 ပူးပေါင်းရင်းမြစ်များ

Matthieu 16:27

Ndɔ karé ke man ke m’ee Ngonn doo nga, m’a tel ree se dooge le’m ke danran dann ndubra’t le Bɔ’m ɓaa, kêm ndɔn’t nè nga m’a m’uge nanan géa se goo nyan ra’n ra’n.

Marc 8:38

Man Ngonn doo nga m’a m’tel ree dann ndubra’t le Bɔ’m se njékêmndage ke danrán. Nanan ke ra’n sɔl’n dèm’t se dè tà’t le’m non njé ra majelége ke njé mbate Nubege ke ndii dè nang nè ɓaa, man Ngonn doo nga géa ra’m à sɔl’m dènn’t tɔ.

Tà ke Maje ke Luc ndang 2:32

Njèkaje dooge nga, è lookar le kade dooge malang ke dè nang nè dé geri a, à è riɓar le kosdooge ke ei ngannkà Israel a tɔ.

Jean 1:14

Tà nè nga, tel è danra doo. E ra ɓee dann jéi’t j’an-in ndubra le’n tite ndubra le Ngonn dagi ke in ra Bɔ dooge’t. Kêmnoje se ngarankum tà taa ra’n pel-pel.

Jean 1:18

Doo karé bè géa an Nube se kum’n ndan lé ɓai. Nè Ngonn kêm’n ke dagi á ɔr gir’n ke nata ade jè geri.

Jean 1:4

Takul’n è á nyange malang ndii kumgajer. Ndikumgajer nè nga è lookar le dooge.

Jean 1:9

Lookar ke get-get nga ree dè nang nè. Nanan géa è ade loo ar dènn’t.

Jean 17:24

Bɔ’m, njé ke um de jim’t nga, loo ke m’a m’ndi tutu ɓaa, m’ndige kade ndii se’m nan’t tutu tɔ. Titeke bè á d’a d’an’n ndubra ke i ule dèm’t nga se kum de. I tár’m kété mari ɓita unde nang nè ɓai.

Jean 5:23

Titeke bè á dooge malang à ilei koje dè Ngonnenn’t titeke ilei koje dè Bɔn’t nga tɔ. Doo ke rara ke ile koje dè Ngonn’t nga lé ɓaa, è ile koje dè Bɔ’n ke njèkulenn’t nga lé tɔ.

Nyanra Njekawkulege 22:11

Kum’m libe ade m’an loo lé tede nyan ke ndogó ngain nè nga. Njé ke ei se’m nan’t á uwei ji’m ndɔri man awi se’m Damas.

Lookilera’n 14:4

Ei dooge ke rai nyan se dè naje’n a, inyei ra de nyêin dann mage polé le dooge ke dè nang nè lé a tɔ. Loo malang ke Ngonn bate aw tutu nga, d’unn dè nja’n têr-têr. Dé nè nga dé dooge ke Ngonn bate gang dè de dann dooge ke dè nang nè. E gang dè de le kade dé ko nyange ke desêin le Nube a, le’n è a tɔ.

Lookilera’n 18:1

Go nyange’t nè ɓaa, m’an doo karé ke rang in danrán rise nang. E aw se tɔgmong ke bò. Ndubra le’n ndogó ade loo ke dè nang nè bere mbak unju njai-njai.

Lookilera’n 21:11

Ɓee-bò ke tò se ninn’n nè nga ndubra le Nube ndogó dènn’t kotong. Loo ke kem̂ ɓee-bò’t nè ndolé kein-kein tite her ke ri’n nè Jaspe, ke unju nyang-nyang a, gate’n è ngain a tɔ.

Lookilera’n 21:25

Tà rebege le geng-bɔr nè nga doo à utu kada ndan lé, tede ndɔ à tel kil tutu gugu ndan lé.

Lookilera’n 22:5

Ndɔ à tel kil kem̂ ɓee-bò’t nè nga ndan lé ta. Ɓer kulege le Nube à awi ndoo ndogó le lampe éké le kàde nga lé ta. E Kuwe-ɓee Nube kuwe á è lookar le de a, d’a d’on ɓee sár se non.

Lookilera’n 5:6

M’an Ngonn bate nda dɔ dann kutu-ngar’t danné bɔp. Ngonn bate nè nga tò titeke d’uje kɔbe’n bè. Dange sɔ se ngatɔgege an-in dè’n king-king. Ngonn bate nè nga aw se gajennge ji sejimute a, kumnge ji sejimute a tɔ. Kumnge ke ji sejimute nga ei ndilge le Nube ke ji sejimute ke è ule de se loo malang dè nang nè.

Lookilera’n 7:17

Kerɔte kuwe, Ngonn bate ke nda dann kutu-ngar’t danné bɔp nga à è njèkul de a, à ɔr non de kaw se de tà ngur mann ndikumgajer’t. Nube à tise mann non kum de’t ndát-ndát a tɔ.»