Lookilera’n 21:11 - Nouveau Testament en Gulay 2004

¹¹ Ɓee-bò ke tò se ninn’n nè nga ndubra le Nube ndogó dènn’t kotong. Loo ke kem̂ ɓee-bò’t nè ndolé kein-kein tite her ke ri’n nè Jaspe, ke unju nyang-nyang a, gate’n è ngain a tɔ.

Lookilera’n 21:11 ပူးပေါင်းရင်းမြစ်များ

Lookilera’n 15:8

Ndubra se tɔgmong le Nube adi sà por utu dè gile kei ke tò se ninn’n nga lêt. Doo karé bè géa asekum kaw gile kei ke tò se ninn’n le Nube nga lé sár kade nyantosowurge ke ji sejimute le dooge ke danrán ke ji sejimute rai dooge ɔri son’n njêt ɓita.

Lookilera’n 22:1

Doo ke danrán tɔje’m ba karé ke an-in mann’n ɓaa, a i ndi kumgajer; mann ba nè nga unju njai-njai tite nyan karé ke dé ɓar’n Cristal bè. Ba nè nga in gir kutu-ngar’t le Nube se le Ngonn bate.

Lookilera’n 22:5

Ndɔ à tel kil kem̂ ɓee-bò’t nè nga ndan lé ta. Ɓer kulege le Nube à awi ndoo ndogó le lampe éké le kàde nga lé ta. E Kuwe-ɓee Nube kuwe á è lookar le de a, d’a d’on ɓee sár se non.

Lookilera’n 4:3

Doo ke ndi dè kutu-ngar’t nga ra’n ndoin kein-kein asenan se herge ke ɓal ke ri de nè Jaspe se Sardoine. Munde-ba ke ndul turuk-turuk tite her ke ri’n nè Emeraude bè an-in dè kutu-ngar’t nè nga ulei nan’t wàk.

Lookilera’n 4:6

Ba-bò kate karé ke unju njai-njai tite nyan karé ke ri’n nè Cristal bè tò non kutu-ngar’t nè nga tɔ. Nyankundege sɔ ndai dann kutu-ngar’t danné bɔp a, ndai ngangé-ngangé a tɔ. Nyankundege ke sɔ nè nga kum de bule nan ndari-ndari non de’t a, go de’t a tɔ.