Lookilera’n 21:1 - Nouveau Testament en Gulay 2004

¹ Taɓai, m’an loo gerer ɓaa, m’an danran ke kige tede danran ke desêin se nang ke desêin gotoi njêl karè. Ba-bò kate géa goto njêl karè a tɔ.

Lookilera’n 21:1 ပူးပေါင်းရင်းမြစ်များ

Nje Ke Rome 8:21

Nyange malang ke Nube unde de nga, d’a d’ɔr de kêm ɓee ɓer’t le nyanra ke bann-bann le kade orèi nan se ngann Nube dè ndii dè pal ke deri.

2 Pierre 3:10

Ndɔ tel ree le Kuwe-ɓee nga à è tite ndɔ ree le njèɓog bè. Kem̂ ndɔn’t nè nga, danran à ndubu tong-tong le kɔte goto njêl karè. Nyange malang ke danrán à leein larr-larr. Nang nè se nyange malang ke tooi tutu nga, por à ró de rák-rák a tɔ.

2 Pierre 3:13

Nè jè ndii jè nginei danran ke kige se nang ke kige se go ndukunn ke Nube unn ade jèi nga. Danran ke kige se nang ke kige nga, nyanra ke se dè naje’n à on ɓee tutu.

Lookilera’n 13:1

Taɓai m’an dan karé ke rang unde loo tee dann ba-bò kate’t. Dan nè nga ube gajennge dɔg a, dènnge ei ji sejimute a tɔ. E tule jɔkɔ ke ndoin asenan se kɔnyon tu gajennge’t karé-karé malang. Rige ke dé ndang tu dènnge’t karé-karé malang nga ei rige ke ɔje dè tam tà ke majelé se Nube.

Lookilera’n 20:11

Go’t gugu, m’an doo karé bè ndi dè kutu-ngar ke nda ke bòi’t. Nang se danran ɔti an-in nan tà kum’n ta.

Lookilera’n 21:5

E ke ndi kɔte kutu-ngar’t nga tam ndàt ede nè: «An! nyange malang nga, m’tel m’ra de gugu kige.» Taɓai, è ede’m ede nè: «I ndang tàge nè nga tede ei ngarankum tàge ke get ke le taa kum kem̂ dè’t kuwe.»

Lookilera’n 6:14

Danran ɓir ra’n tite kam magtub ke dé ɓir bè. Taɓai mbalge se dè goré looge malang ndɔti inyei loo nda de ke kété karè.