Lookilera’n 20:6 - Nouveau Testament en Gulay 2004

⁶ Njé ke tooi se ninn de ke undei loo teei desêin dann njé ke koo’t nga, ra de à nel de. Yo ke joo à on ɓee dè de’t ndan lé ta. D’a dé njékuje nyan-mesege le Nube a, se le Krist a tɔ. D’a d’on ɓee se Krist nan’t loge aru dɔg.

Lookilera’n 20:6 ပူးပေါင်းရင်းမြစ်များ

Tà ke Maje ke Luc ndang 14:15

Loo ke doo karé dann njé ke ndii tà nyankuse’t nè nga oo tàge nè nga bè ɓaa, ede Jésu ede nè: – Doo ke ndi tà nyankuse’t kêm Konɓee’t le Nube nga, ra’n à nel’n kuwe.

Nje Ke Rome 12:1

Ngakonmge, Nube ra se jéi kêmkanm ke bò. Gir’n ke nè á m’ndeje’n sei le kade unni ra si bere adi Nube ke nyankuje-mese ke tò kumgajer ke ɔje dè Nube a, ke taa kum’n a tɔ. E ke nè á è nyan kunn ke gete ke uwe made nan se tà le Nube.

Nje Ke Rome 8:17

Ke nè á jèi ngann Nube kerɔte ɓaa, j’ingei nyange ke ndɔ ke Nube unn’n ndu’n le kade dooge le’n se Krist nan’t. Bè ɓaa, ke nè á, j’orèi nan se Krist dè nyantosowurge’t le’n ɓaa, ndɔn’t j’à j’orèi nan se’n dè ndubra’t le’n nga tɔ.

2 Timothee 2:12

Ke nè á jè ndai dè nja jéi’t njáng se’n ɓaa, j’à j’on-in ɓee se’n nan’t tɔ. Ke nè á jè naji se ra jéi dènn’t ɓaa, è géa à naje se ra’n dè jéi’t tɔ.

1 Pierre 2:5

Sei géa i tooi asinan se kuberi her ke tò kumgajer. Dé rɔte sei tà nan’t d’ade i teli sei kei le Ndil a, i teli njékuje nyan-mesege ke i tooi se ninn si tede kade unni nyankuje-mesege se goo Ndil Nube adi nin. Nube à taa nyankuje-mese nè nga takul Jésu-Krist.

1 Pierre 2:9

Nè sei ɓaa, sei girkà ke d’ɔr sei ke njékuje nyan-mesege ke gir si è ngar. Sei sei girkoje dooge ke i tooi se ninn si gai. Sei kosdooge le Nube ke kinge’n kuwe deri. E ɓar sei ade undei dann tilkus’t i teei, i reei dann lookar’t tede kade ilei mber nyanrage ke maje dum nga.

Lookilera’n 1:6

Jésu-Krist tel jéi ke dooge ke kem̂ konɓee’t le Nube. E tel jèi ke njékuje nyan-mesege tede ra kule le Bɔ’n Nube. Maje kade riɓar se tɔgmong ei lennge sár-sár se non. Maje kade è titeke bè kuwe.

Lookilera’n 14:13

Go’t gugu ɓaa, m’oo ndu doo ɓar danrán ede nè: «I ndang tà nè: njé ke umi nan’t bɔk se Kuwe-ɓee á weii nga, ɗarinè ndii dann ranel’t ta.» Ndil tam ede nè: «Oiyo, maje kade dé taa kebe dè kule ra ndibe loo kulege’t le de kerɔte kuwe, tede kule nyanra de ke maje nga à utu go de.»

Lookilera’n 2:11

Nanan ke ka mbi’n tò tutu ɓaa, maje kade ur mbi’n maje oo’n tà ke Ndil ede njékebe nange le Nube. Dooge ke têti rɔ ɓaa, yo ke njèkon’t joo à ra kum de ndoo ndan lé.»

Lookilera’n 20:14

Yo se ɓee le yo nga, dé tile de patak-patak dann por ke laa tong-tong’t. Yo ke njèkon’t joo nga, è por ke laa tong-tong.

Lookilera’n 21:8

Nè njé ɓelge, njé kunn mbi dè ta’tge, njé ra nyange ke tò yêr, njé tɔl dooge, njé tò se nan ke kaiya’tge, njé ra nyan mbelige, njé polé magege se njé tà lanmge nga, loo le de à è dann por nyan ke ker jengleng ke on se laa’n bilm-bilm tɔ. Por ke on se laa’n bilm-bilm á è yo ke njèkon’t joo.»

Lookilera’n 22:5

Ndɔ à tel kil kem̂ ɓee-bò’t nè nga ndan lé ta. Ɓer kulege le Nube à awi ndoo ndogó le lampe éké le kàde nga lé ta. E Kuwe-ɓee Nube kuwe á è lookar le de a, d’a d’on ɓee sár se non.

Lookilera’n 22:7

Jésu ede nè: «Ooi maje, m’a m’tel ree ngɔr. Doo ke ngonm tà ke tà Nube’t ke dé ndang kem̂ magtub’t nè nga sêw-sêw ɓaa, ra’n à nel’n kuwe!»

Lookilera’n 3:21

Doo ke tête rɔ ɓaa, m’a m’ade à ndi se’m kutu-ngar’t le’m, titeke man géa m’tête’n rɔ ɓita m’aw m’ndi’n se Bɔ’m dè kutu-ngar’t le’n ɓai.

Lookilera’n 5:10

I tel de ke ngarge a, ke njékuje nyan-mesege le Nube le jé. Dooge nè nga à on-in ɓee dè nang nè.»