Lookilera’n 20:5 - Nouveau Testament en Gulay 2004

⁵ E ke nè á è kunde loo tee dann njé ke koo’t ke desêin. Gute njé ke koo ke nan-in nga, looge aru dɔg nè à dere pa ɓita à undei loo ke le de le teei dann njé ke koo’t ɓai.

Lookilera’n 20:5 ပူးပေါင်းရင်းမြစ်များ

Tà ke Maje ke Luc ndang 14:14

Ke nè á i ra titeke bè ɓaa, rai à neli tede dé nè nga d’asekum le tel ɓari se nyankuse gute made’t lé. Nè Nube kuwe à uge dè jii ndɔ ke njé ra majege à undei loo teei dann njé ke koo’t.

Nje Ke Rome 11:15

Nube tur gide’n ade kos Juipge tede le kum’n nan’t bɔk se gute dooge ke rang ke dè nang nè. Juipge tooi asinan se dooge ke weii ɓá tàkum Nube’t. Kuwe ke ndɔn’t Nube à tel kuwe de ke rann’t nga, è titeke Nube ade d’unde loo dé tee dann njé ke koo’t bè.

Nje Ke Philippes 3:11

Titeke bè á, man kuwe géa m’a m’ase’n kunde’n loo tee’n dann njé ke koo’t.

1 Nje Ke Thessalonique 4:16

Ndukunn à in ra Kuwe-ɓee’t kuwe. Loo ke ndu doo ke bò ke danrán à ɓar beng a, burunju le Nube à ɓar a tɔ. E Kuwe-ɓee kuwe à in danrán se ra’n le tel ree. Ke loon’t nè kuwe, njé ke undei kem̂ de dè Krist’t ke weii nga à undei loo teei pa ɓita.

Lookilera’n 11:11

Ninn de tò dɔ ngɔr se ndɔ sɔ. Go’t gugu ɓaa, Nube ule kebe kem̂ njéribe-dè-tàge ke joo nè nga ade teli tɔsi ndeli in-in ndai se nja de dɔ. Dooge malang ke an-in de nga, ɓel ke bòi unde de ndàt gang de.

Lookilera’n 11:15

Taɓai doo ke danrán ke njèkon madennge’t ji sejimute kɔl burunju. Ke loon’t nè kuwe, ndu dooge ɓar danrán beng-beng edi nè: «Tɔgmong konɓee ke dè nang nè oso ji Kuwe-ɓee Nube’t le jéi se Krist le’n a tɔ. Kuwe-ɓee à on ɓee sár se non.»