Lookilera’n 20:4 - Nouveau Testament en Gulay 2004

⁴ M’an dooge ndii dè kutu-ngar’t. D’inye loo d’ade de le kade gangi tà dè dooge’t; taɓai, m’an dooge ke ndɔ ke dé jeng kɔbe de se kunge dé tɔl de tede kem̂ de ke ndɔ ke undei dè tà’t le Krist a, dè tà’t le Nube a tɔ. Taɓai, m’an dooge ke ndɔ ke ulei dè de nang non dan’t ɗɔyi nin lé éké ke non nyan ke dé ra dé ndaje’n dan nè nga lé a tɔ. Dé nè nga, dé dooge ke ndɔ d’unde nyankorji le dan nat-non de’t éké da ji de’t lé a tɔ. Dé tel dé ndikumgajer a, d’on ɓee nan’t se Krist loge aru dɔg.

Lookilera’n 20:4 ပူးပေါင်းရင်းမြစ်များ

Matthieu 19:28

Jésu tel ede de ede nè: – Kerɔte kuwe, man m’ede sei ndàt, ndɔ ke d’a tel gɔl nyange malang kade tel tò loon’t gugu nga, man ke m’ee Ngonn doo m’a m’al ɗáng ndi dè kutu-ngar ndubra’t le’m ɓaa, sei ke unni dè nja’m têr-têr nga géa a i ndii dè kutu-ngarge’t ke dɔg-gidé-joo le gangtà dè girkà’t le kosdooge ke Israel.

Matthieu 24:10

Gir’n ke nè á, dooge bule à tusi kundekêm le de kinyei a, à unni dè nan a tɔ.

Marc 6:16

Nè loo ke ngar Hérode Antipas oo sertàge nè nga bè ɓaa, è tam kêmn’t ede nè: – E Jean ke njèkule dooge manné njonm ke ndɔ ke m’ade dé tuge kobe’n dé gang nè nga kuwe á unde loo tee dann njé ke koo’t non.

Marc 6:27

Ke loon’t nè kuwe, ngar Hérode Antipas unn ndu’n ade njèrɔ karé ke njè ngonm dangaige ede nè: – Aw i ree se dè Jean ke njèkule dooge manné njonm ade’m. Njérɔ nè nga ɔte aw kêm kei dangai’t, tuge dè Jean se kuye kaskar gang.

Marc 9:11

Njékuwe-gir-Jésuge deji nin edi nè: – Ké bain á njékɔrgir gute-nduge tami dɔ-dɔ edi nè: Gar-gar Elie à tel ree pa ɓita nyange ke rang à teei ɓai wa?

Tà ke Maje ke Luc ndang 1:17

E à njiye kété non Nube’t se tɔgmong le Ndil a, se tɔgmong ke Elie njèribe-dè-tà ke tà Nube’t ra’n kule kété mari. E à um bɔ ngannge nan’t se ngann dege. E à tel njékaltàge kade ei njéra nyan danné sêwge. E à uwe dè nja njé ke nange dann kosdooge ke Israel. E ra titeke bè le kade dé ndi dè nja de’t tchên le kuwe Kuwe-ɓee ke ra de’t a tɔ.

Tà ke Maje ke Luc ndang 14:14

Ke nè á i ra titeke bè ɓaa, rai à neli tede dé nè nga d’asekum le tel ɓari se nyankuse gute made’t lé. Nè Nube kuwe à uge dè jii ndɔ ke njé ra majege à undei loo teei dann njé ke koo’t.

Tà ke Maje ke Luc ndang 22:30

Titeke bè á sei a usei a, a an-in nyan a tɔ dè table’t kêm Konɓee’t le’m. Sei a ndii dè kutu-ngar’t le gangi tà dè girkà kosdooge ke dɔg-gidé-joo ke ei girkoje le Israel.

Jean 14:19

Mbɔr ɓaa dooge ke dè nang nè à teli kan-in man gugu ndan lé ta. Nè sei ɓaa, a an-in man tede m’ndi kumgajer, sei géa a i ndii kumgajer a tɔ.

Nje Ke Rome 11:15

Nube tur gide’n ade kos Juipge tede le kum’n nan’t bɔk se gute dooge ke rang ke dè nang nè. Juipge tooi asinan se dooge ke weii ɓá tàkum Nube’t. Kuwe ke ndɔn’t Nube à tel kuwe de ke rann’t nga, è titeke Nube ade d’unde loo dé tee dann njé ke koo’t bè.

Nje Ke Rome 8:17

Ke nè á jèi ngann Nube kerɔte ɓaa, j’ingei nyange ke ndɔ ke Nube unn’n ndu’n le kade dooge le’n se Krist nan’t. Bè ɓaa, ke nè á, j’orèi nan se Krist dè nyantosowurge’t le’n ɓaa, ndɔn’t j’à j’orèi nan se’n dè ndubra’t le’n nga tɔ.

2 Timothee 2:12

Ke nè á jè ndai dè nja jéi’t njáng se’n ɓaa, j’à j’on-in ɓee se’n nan’t tɔ. Ke nè á jè naji se ra jéi dènn’t ɓaa, è géa à naje se ra’n dè jéi’t tɔ.

Lookilera’n 1:2

Jean nga ɔrgo nyange malang ke è an se kum’n. E ɔrgo tà le Nube a, le Jésu-Krist a tɔ.

Lookilera’n 1:9

Man m’ee ngokon si Jean á m’ndang magtub nè. M’um se Jésu nan’t bɔk tite si sei tɔ. Man nga m’ee made ɓee le si ɔje dè konɓee le Nube. Nyantosowur ke ra sei á oréi tà si njak i ndii nginei ndɔ tel ree le Krist nga, man géa ra’m se si tɔ. Man Jean nga d’uwe’m d’aw se’m d’ile’m dè goré loo ke ri’n nè Patmos tede tà le Nube ke ndɔ ke m’ile mber’n a, tede tà le Jésu ke ndɔ ke m’ɔrgo a tɔ.

Lookilera’n 11:11

Ninn de tò dɔ ngɔr se ndɔ sɔ. Go’t gugu ɓaa, Nube ule kebe kem̂ njéribe-dè-tàge ke joo nè nga ade teli tɔsi ndeli in-in ndai se nja de dɔ. Dooge malang ke an-in de nga, ɓel ke bòi unde de ndàt gang de.

Lookilera’n 11:15

Taɓai doo ke danrán ke njèkon madennge’t ji sejimute kɔl burunju. Ke loon’t nè kuwe, ndu dooge ɓar danrán beng-beng edi nè: «Tɔgmong konɓee ke dè nang nè oso ji Kuwe-ɓee Nube’t le jéi se Krist le’n a tɔ. Kuwe-ɓee à on ɓee sár se non.»

Lookilera’n 11:3

M’a m’ade tɔgmong njékɔrgo tàge le’m ke joo nè nga kade ilei mber se ri Nube ase ndɔge aru dɔg gidé-joo se kɔr-mute-mute. Njékɔrgo tàge le’m ke joo nè à tulei kubu-sile ra de’t.»

Lookilera’n 11:7

Loo ke njékɔrgo tàge le’m ke joo nè nga à ɔri son le kule le de njêt ɓá ɓaa, dan-ton à unde loo tee kem̂ bolè ke son’n goto’t, le kile rɔ dè de’t. Dan-ton nè nga à tête de rɔ a, à tɔl de a tɔ.

Lookilera’n 12:11

Ngakon jéige têti rɔ njè kile tà dè de’t nga takul mese Ngonn bate a, takul tà le Krist ke ɔri go edi dooge a tɔ. Ngakon jéige nè nga ndêti ra de adi yo lé.

Lookilera’n 14:11

Dooge malang ke ulei dè de nang ɗɔyi dan nè nga éké nyan ke dé tɔl dé ndaje’n dan nè, éké nanan ke d’ɔse nyankorji se ri dan nè nga rann’t ɓaa, loo taa kebe le de à goto. Sà nyantosowur ke ra de nga ube ngɔk-ngɔk se ɓal-ɓal ndɔɔ a, kada a tɔ.»

Lookilera’n 15:2

Taɓai, m’an mann ba-bò ke unju nyang-nyang a, por ndɔbe danné batat-batat a tɔ. M’an njé ke ndɔ ke têti rɔ dan, se nyan ke dooge tɔli ndajii nin a, se kɔr nyan ke ɔje dè ri dan nè nga a tɔ. Dooge nè ndai dè ba-bò ke unju nyang-nyang’t nè nga. Ei uwei kundu-jêng ke Nube ade de ji de’t ndai.

Lookilera’n 17:8

Doo ke danrán nga tel ede’m ede nè: «Dan ke i an’n nga tò tutu kété mari, nè ɗarinè goto ta. A unde loo tee kem̂ be ke son’n goto le kaw ke loo tuju’t. Dooge ke ndii dè nang nè, ke dé ndang ri de kem̂ magtub ndikumgajer’t lé mari loo kunde gir nang’t nga, loo ke à an-in dan nè nga bè ɓaa, tà à ige de sêl. Tà à ige de sêl tede dan nè nga tò tutu kété mari, nè go’t gugu goto njêl. Dan nè nga, ndɔn’t à tel kunde loo tee ɓai.

Lookilera’n 2:26

Dooge ke têti rɔ a, ilei koje dèm’t sár ndɔ ke ngeinn’t ɓaa, m’a m’ade de tɔgmong ke ndɔ ke Bɔ’m ade’m. M’a m’ade de tɔgmong kade on-in ɓee.

Lookilera’n 20:6

Njé ke tooi se ninn de ke undei loo teei desêin dann njé ke koo’t nga, ra de à nel de. Yo ke joo à on ɓee dè de’t ndan lé ta. D’a dé njékuje nyan-mesege le Nube a, se le Krist a tɔ. D’a d’on ɓee se Krist nan’t loge aru dɔg.

Lookilera’n 22:5

Ndɔ à tel kil kem̂ ɓee-bò’t nè nga ndan lé ta. Ɓer kulege le Nube à awi ndoo ndogó le lampe éké le kàde nga lé ta. E Kuwe-ɓee Nube kuwe á è lookar le de a, d’a d’on ɓee sár se non.

Lookilera’n 3:21

Doo ke tête rɔ ɓaa, m’a m’ade à ndi se’m kutu-ngar’t le’m, titeke man géa m’tête’n rɔ ɓita m’aw m’ndi’n se Bɔ’m dè kutu-ngar’t le’n ɓai.

Lookilera’n 4:4

Dé tunde kutu-ngarge ke rang kɔr-joo-gidé-sɔ d’an-in’n dè kutu-ngar ke karé nè nga d’ule nan’t wàk. Ngatɔgege kɔr-joo-gidé-sɔ tulei kubuge ke nda káng-káng a, tulei jɔkɔ tête rɔ ke dé ra se nar-ɔr dè de’t ndii dè kutu-ngarge’t nè nga tɔ.

Lookilera’n 6:9

Go’t gugu, Ngonn bate tutu tà nyankorji ke njèkon’t mi. Ke loon’t nè kuwe, m’an ngarankum ra njé ke ndɔ ke dé tuje kɔbe de tede tà le Nube ke kété ɔri go nga tooi gir ɗinger loo nyan-kuje mese’t.

Lookilera’n 7:3

«An-in! tá nè a kin-in tuji nang se ba-bò a, se kagege a tɔ. I nginei sár adi jè tɔse nyankorji nat-non ɓerge’t le Nube le jéi pa ɓita.»