Lookilera’n 20:3 - Nouveau Testament en Gulay 2004

³ Taɓai, è uwe’n ile’n piring kem̂ be ke son’n goto’t, utu tà’n a, ɔse nyankorji le’n tà be nè nga a tɔ. Doo ke danrán ra titeke bè tede le kade dan-kɔbe inge loo libe kum girkoje dooge ke se dè ɓee-ɓee nga gugu ndan lé sár kade loge ke aru dɔg nga ase’n deĵ. Go’t gugu ɓita, gar-gar d’a tutu’n kinye’n dɔ mbɔr ɓai.

Lookilera’n 20:3 ပူးပေါင်းရင်းမြစ်များ

Matthieu 24:24

Njé tête tà kunde tà Krist’t se njé tête tà kunde tà Nube’t à undei loo teei. A rai nyankɔbege se nyanpindege ke tooi ɓel tede le kade bainléa súii njé ke Nube tɔr de kuwe géa tɔ.

Matthieu 27:66

Maw njékuje nyan-mesege se Pharisienge ɔti awi ndubri kuberi her ilei tà be ɓade’t, taɓai, lon-in tà langt-langt ɓita undei njérɔge tà’t kade ngonmi ɓai.

Marc 4:15

Njar ko ke téei tosoi nang ka-rebe’t nga, ei dooge ke ooi Tà ke maje ɓaa ke loon’t nè kuwe Sú ree ɔr Tà ke Maje ke dé dubu dè ɓengre de’t nga wont kɔke.

Tà ke Maje ke Luc ndang 8:31

Ndilge ke majelé nè nga, ndingei ndoo tà Jésu’t le kade unn ndu’n ade n’undei loo n’teei n’awi kêm bolè ke son’n goto’t nga lé.

2 Nje Ke Corinthe 11:3

Titeke ndɔ ke li ra’n gos sú’n kum Eve nga, m’ɓel kade tàgir le si tel tur gide’n ade noje kêmnda ke Krist uwe se si.

2 Pierre 3:8

Kotárge le’m, adi kem̂ si wei nal dè tà’t nè nga lé: Ndɔ ke karé bere nga tò asenan se ɓal aru dɔg a, ɓal aru dɔg nga è tite ndɔ ke karé bere tàkum Nube’t a tɔ.

Lookilera’n 12:9

Dan-kɔbe ke bò ke ri’n nè li ke mari, dé ɓar’n sú, njèkɔse tà se dooge a tɔ nga, dé sure’n mbeng d’ile’n nata dè nang nè. Dan-kɔbe ke bò è njè libe kum dooge dè nang nè bere mbak. E se dooge le’n nga, dé sure de mbeng d’ile de nata dè nang nè.

Lookilera’n 13:14

E libe kum dooge ke dè nang nè se nyankɔbege ke kade tɔli nyan ndajii dan ke ndɔ ke d’ade’n dò ke ase yo’n á tel ndi kumgajer ɓai nè nga.

Lookilera’n 17:2

Ngar-ɓeege ke dè nang nè tooi se’n ke kaiya’t a, dooge ke ndii dè nang nè nga géa, tò se nan ke kaiya’t le’n tɔl de singling tite yibe nduu ke tɔl dooge bè.»

Lookilera’n 17:8

Doo ke danrán nga tel ede’m ede nè: «Dan ke i an’n nga tò tutu kété mari, nè ɗarinè goto ta. A unde loo tee kem̂ be ke son’n goto le kaw ke loo tuju’t. Dooge ke ndii dè nang nè, ke dé ndang ri de kem̂ magtub ndikumgajer’t lé mari loo kunde gir nang’t nga, loo ke à an-in dan nè nga bè ɓaa, tà à ige de sêl. Tà à ige de sêl tede dan nè nga tò tutu kété mari, nè go’t gugu goto njêl. Dan nè nga, ndɔn’t à tel kunde loo tee ɓai.

Lookilera’n 20:1

Go’t gugu, m’an doo karé in danrán rise nang. E uwe lakêlé kɔr tà be ke son’n goto jinn’t. Doo ke danrán nè nga uwe sul ke mong mêr-mêr jinn’t nda’n.