Lookilera’n 20:14 - Nouveau Testament en Gulay 2004

¹⁴ Yo se ɓee le yo nga, dé tile de patak-patak dann por ke laa tong-tong’t. Yo ke njèkon’t joo nga, è por ke laa tong-tong.

Lookilera’n 20:14 ပူးပေါင်းရင်းမြစ်များ

1 Nje Ke Corinthe 15:26

Njèban ke ngeinn’t ke d’a tuju’n kɔke nga, è yo.

1 Nje Ke Corinthe 15:53

Kerɔte kuwe, danra ke à jɔri à ule è ke à jɔri ndan lé nga rann’t. Taɓai danra ke à wei à ule è ke à ndi kumgajer se non rann’t a tɔ.

Lookilera’n 1:18

Man nga m’ee njèndi kumgajer. Man nga ndɔ ke wei ɓá. An! ɗarinè, m’ndi kumgajer sár se non. Man nga m’aw se tɔgmong dè yo’t a, dè ɓee le njé ke koo’t a tɔ.

Lookilera’n 14:10

è géa d’ade nim yibe nduu wong kem̂ bai wong’t le Nube kade an-in. Dooge nè nga d’a d’ade nyan ke ker jengleng à mbutu por kon de kade nyantosowur ra de. Nyantosowur nè nga à ule de ndibe tàkum dooge ke danrán ke tooi se ninn de a, tàkum Ngonn bate’t nga a tɔ.

Lookilera’n 19:20

Dan se è ke njè ra ra’n ke njèribe-dè-tàge ke tà Nube’t nga, d’uwe de joo mbak. E ke njè ra ra’n ke njèribe-dè-tàge ke tà Nube’t nga ndɔ ke è ra nyankɔbege gai-gai tàkum dan’t nè libe’n kum dooge ke nyankorji le dan tò ra de’t a, ke ɗɔyi nyan ke dé ra dé ndaje’n dan nè nga a tɔ. Dan se njè ra ra’n ke njèribe-dè-tàge ke tà Nube’t nga, d’uwe de joo mbak d’ile de kumgajer dann por nyan ke ker jengleng ke laa tong-tong a, ke on bilm-bilm a tɔ.

Lookilera’n 2:11

Nanan ke ka mbi’n tò tutu ɓaa, maje kade ur mbi’n maje oo’n tà ke Ndil ede njékebe nange le Nube. Dooge ke têti rɔ ɓaa, yo ke njèkon’t joo à ra kum de ndoo ndan lé.»

Lookilera’n 20:10

Njè tête tà kunde tà dooge’t se njè libe kum de nga, d’uwe’n d’ile’n patak dann por nyan ke ker jengleng, ke on se laa’n bilm-bilm nga, ndɔ ke kété d’ile dan se njè ra ra’n ke njèribe-dè-tàge ke tà Nube’t danné. D’a d’ade nyantosowur à ra de kada a, ndɔɔ a, se ɓal-ɓal sár se non.

Lookilera’n 20:13

Njé ke koo ke ndɔ ke rai ɓee dann ba-bò kate’t nga, ba-bò kate ree se de ɓuku de nata. Njé ke koo ke ndii se yo ɓee le yo nga géa, yo se ɓee le yo reei se de ɓuki de nata a tɔ. Nanan géa dé gangtà dènn’t se go kule ra’n, ra’n.

Lookilera’n 20:15

Doo ke rara ke dé ndang ri’n kem̂ magtub ndikumgajer’t nè nga lé ɓaa, d’a kile’n patak dann por ke on se laa’n bilm-bilm nè nga tɔ.

Lookilera’n 20:6

Njé ke tooi se ninn de ke undei loo teei desêin dann njé ke koo’t nga, ra de à nel de. Yo ke joo à on ɓee dè de’t ndan lé ta. D’a dé njékuje nyan-mesege le Nube a, se le Krist a tɔ. D’a d’on ɓee se Krist nan’t loge aru dɔg.

Lookilera’n 21:4

Nube à tise mann non kum de’t ndát-ndát. Yo se kumndoo yo se kem̂kon à gotoi njing se non. Non se wuwi à ɓar gugu bè lé njing ta. Nyange ke mari gotoi njêl karè.»

Lookilera’n 21:8

Nè njé ɓelge, njé kunn mbi dè ta’tge, njé ra nyange ke tò yêr, njé tɔl dooge, njé tò se nan ke kaiya’tge, njé ra nyan mbelige, njé polé magege se njé tà lanmge nga, loo le de à è dann por nyan ke ker jengleng ke on se laa’n bilm-bilm tɔ. Por ke on se laa’n bilm-bilm á è yo ke njèkon’t joo.»

Lookilera’n 6:8

An! loo ke m’an loo gerer ɓaa, m’an sinde-mɔse. Doo ke njèkal’n nga ri’n nè yo-kos. Ɓee le njé ke koo ndolè goo’n. Dè kum nang ke tɔ sɔ nga, d’ade yo-kos se ɓee le njé koo gang ɔje dè è ke karé. Yo-kos se se ɓee le njé ke koo à tɔli dooge se kuye kaskar ke bòi bember se ɓo a, se yo-kos a, se dan-tonge ke dè nang nè a tɔ.