Lookilera’n 20:13 - Nouveau Testament en Gulay 2004

¹³ Njé ke koo ke ndɔ ke rai ɓee dann ba-bò kate’t nga, ba-bò kate ree se de ɓuku de nata. Njé ke koo ke ndii se yo ɓee le yo nga géa, yo se ɓee le yo reei se de ɓuki de nata a tɔ. Nanan géa dé gangtà dènn’t se go kule ra’n, ra’n.

Lookilera’n 20:13 ပူးပေါင်းရင်းမြစ်များ

Matthieu 11:23

Sei dooge ke kêm ɓee-bò ke Capernaum, ké sei i giri kêm si’t edi nè Nube à kunn sei kunde sei dɔ ɗáng wa? Ḿ-m̀ è bè lé. Nè Nube à tel kaw se si sár ɓee le njé ke koo. Kerɔte kuwe, nyankɔbege ke Nube ra dann si’t nga, ke nè á ndɔ ke ra titeke bè ade njé ke Sodome an-in ɓaa, bainléa ɓee-bò ke Sodome à tò tutu sár tee ɓila ɓai.

Matthieu 16:27

Ndɔ karé ke man ke m’ee Ngonn doo nga, m’a tel ree se dooge le’m ke danran dann ndubra’t le Bɔ’m ɓaa, kêm ndɔn’t nè nga m’a m’uge nanan géa se goo nyan ra’n ra’n.

1 Nje Ke Corinthe 15:26

Njèban ke ngeinn’t ke d’a tuju’n kɔke nga, è yo.

Lookilera’n 1:18

Man nga m’ee njèndi kumgajer. Man nga ndɔ ke wei ɓá. An! ɗarinè, m’ndi kumgajer sár se non. Man nga m’aw se tɔgmong dè yo’t a, dè ɓee le njé ke koo’t a tɔ.

Lookilera’n 2:23

M’a m’ade yo-kos à tɔl ngannenge kabak. Bè tá njékebe nange le Nube malang à geri titeke man m’ee njè ter tàgir le dooge ke dè ɓengre de’t. Man m’uge nanan géa dann si’t se go kule ra’n.

Lookilera’n 20:12

M’an njé ke weii, dooge ke bò se ngann dooge ndai non kutu-ngar’t nè nga. D’uwe tà magtubge dé teen. Magtub karé ke ɔje dè ndikumgajer nga géa, dé teen tà’n tɔ. Go’t gugu, dé gangtà dè njé ke koo’t ɔje’n dè kule ra de, ra de, se go nyange ke dé ndang tà’n kem̂ magtub’t nè nga.

Lookilera’n 20:14

Yo se ɓee le yo nga, dé tile de patak-patak dann por ke laa tong-tong’t. Yo ke njèkon’t joo nga, è por ke laa tong-tong.

Lookilera’n 21:4

Nube à tise mann non kum de’t ndát-ndát. Yo se kumndoo yo se kem̂kon à gotoi njing se non. Non se wuwi à ɓar gugu bè lé njing ta. Nyange ke mari gotoi njêl karè.»

Lookilera’n 6:8

An! loo ke m’an loo gerer ɓaa, m’an sinde-mɔse. Doo ke njèkal’n nga ri’n nè yo-kos. Ɓee le njé ke koo ndolè goo’n. Dè kum nang ke tɔ sɔ nga, d’ade yo-kos se ɓee le njé koo gang ɔje dè è ke karé. Yo-kos se se ɓee le njé ke koo à tɔli dooge se kuye kaskar ke bòi bember se ɓo a, se yo-kos a, se dan-tonge ke dè nang nè a tɔ.