Lookilera’n 20:10 - Nouveau Testament en Gulay 2004

¹⁰ Njè tête tà kunde tà dooge’t se njè libe kum de nga, d’uwe’n d’ile’n patak dann por nyan ke ker jengleng, ke on se laa’n bilm-bilm nga, ndɔ ke kété d’ile dan se njè ra ra’n ke njèribe-dè-tàge ke tà Nube’t danné. D’a d’ade nyantosowur à ra de kada a, ndɔɔ a, se ɓal-ɓal sár se non.

Lookilera’n 20:10 ပူးပေါင်းရင်းမြစ်များ

Matthieu 25:41

Ngar à kede njè ke ndai dè jigeln’t k’ede nè: «Sei njénonkilge, ɔti tam’t ke rang awi dann por ke à wei ndan lé ke d’uwe dè nja d’ɔje’n dè sú se ngann njékulege le’n.

Matthieu 25:46

Njé ke ndai dè jigel à ɔti kawi loo ke kure nyan ra de à ɔde kum de tutu sár se non. Nè njé ra nyan se dè najennge à ɔti kawi loo ndikumgajer sár se non.

Matthieu 7:15

Undei kumkunju dè ra si’t ɔje dè njé tête tà kunde tà Nube’t. Ei rai ra de tite batege bè reei ra si’t. Nè kêm de ke kei ɓaa, ei heng-ge ke njé tɔ ko dooge.

Marc 9:44

E loo ke kodége ke tooi tutu weii ndan lé a, por ke tutu wei ndan lé a tɔ.]

Lookilera’n 16:13

M’an ndilge ke majelé ke majelé mute undei loo teei taai nan se kanran bange bè. E ke karé tee tà dan-kɔbe’t, è ke karé tee tà dan’t a, è ke karé unde loo tee tà doo ke ra ra’n ke njèribe-dè-tà ke tà Nube’t a tɔ.

Lookilera’n 19:20

Dan se è ke njè ra ra’n ke njèribe-dè-tàge ke tà Nube’t nga, d’uwe de joo mbak. E ke njè ra ra’n ke njèribe-dè-tàge ke tà Nube’t nga ndɔ ke è ra nyankɔbege gai-gai tàkum dan’t nè libe’n kum dooge ke nyankorji le dan tò ra de’t a, ke ɗɔyi nyan ke dé ra dé ndaje’n dan nè nga a tɔ. Dan se njè ra ra’n ke njèribe-dè-tàge ke tà Nube’t nga, d’uwe de joo mbak d’ile de kumgajer dann por nyan ke ker jengleng ke laa tong-tong a, ke on bilm-bilm a tɔ.

Lookilera’n 20:8

Njèkɔse tà se dooge à unde loo tee le libe kum girkoje dooge se dè ɓee-ɓee dè kum nang ke sɔ’t. E ɔse nja Gog se Magog nan’t tede kaw rɔ’n. Dooge le’n ke ɔse nja de nan’t le kaw kile’n rɔ nga, kɔr de bule asenan se nyeenger ke tà ba-bò kate’t.

Lookilera’n 9:17

Dé tɔje’m sindege nè nga d’ade m’an de se go nyanpinde. Njé kal dege otoi der ke ker tite por a, ke ndul tite hel ban-an a, se ke ker jengleng ji de’t a tɔ. Dè sindege nè nga tò tite dè toboige bè. Por se sa a, nyan ker jengleng tite ndon por bè ube tà de’t ngɔk-ngɔk.