Lookilera’n 20:1 - Nouveau Testament en Gulay 2004

¹ Go’t gugu, m’an doo karé in danrán rise nang. E uwe lakêlé kɔr tà be ke son’n goto jinn’t. Doo ke danrán nè nga uwe sul ke mong mêr-mêr jinn’t nda’n.

Lookilera’n 20:1 ပူးပေါင်းရင်းမြစ်များ

Tà ke Maje ke Luc ndang 8:31

Ndilge ke majelé nè nga, ndingei ndoo tà Jésu’t le kade unn ndu’n ade n’undei loo n’teei n’awi kêm bolè ke son’n goto’t nga lé.

2 Pierre 2:4

Dooge ke danrán ke ndɔ ke rai majelé nga, Nube ngonm de rann’t lé. Nè è inye de ade dé tɔ de se sul d’um de kem̂ bolè ke ndul ndin-ndin ngine’n ndɔ gangtà.

Jude 1:6

Adi kem̂ si olé dè dooge ke danrán ke mbati ngonmi riɓar ke d’ule dè de’t a, ke ndɔ ke inyei loo ndi de ke ɔje dè de. Nube ngonm de dann loo ke ndul ndin-ndin’t se sul ji de’t se nja de’t dangai’t sár se non ngine’n ndɔ gangtà ke bò.

Lookilera’n 1:18

Man nga m’ee njèndi kumgajer. Man nga ndɔ ke wei ɓá. An! ɗarinè, m’ndi kumgajer sár se non. Man nga m’aw se tɔgmong dè yo’t a, dè ɓee le njé ke koo’t a tɔ.

Lookilera’n 10:1

Taɓai m’an doo ke danrán karé ke rang ke njètɔg in danrán rise nang. Doo nè nga bum utu dè’n lêt-lêt a, an-in dè’n king-king a tɔ. Tàkum’n ndoin tite kàde bè a, nja’n tò tite por ke suri nan ɗêng-ɗêng bè a tɔ.

Lookilera’n 18:1

Go nyange’t nè ɓaa, m’an doo karé ke rang in danrán rise nang. E aw se tɔgmong ke bò. Ndubra le’n ndogó ade loo ke dè nang nè bere mbak unju njai-njai.

Lookilera’n 20:3

Taɓai, è uwe’n ile’n piring kem̂ be ke son’n goto’t, utu tà’n a, ɔse nyankorji le’n tà be nè nga a tɔ. Doo ke danrán ra titeke bè tede le kade dan-kɔbe inge loo libe kum girkoje dooge ke se dè ɓee-ɓee nga gugu ndan lé sár kade loge ke aru dɔg nga ase’n deĵ. Go’t gugu ɓita, gar-gar d’a tutu’n kinye’n dɔ mbɔr ɓai.