Lookilera’n 2:3 - Nouveau Testament en Gulay 2004

³ M’ger titeke i nda dè njai’t njáng a, oré tài njak dè nyankem̂konge ke ndɔ ke rai tede tà le’m a tɔ. Nè kem̂i tête mann lé.

Lookilera’n 2:3 ပူးပေါင်းရင်းမြစ်များ

Marc 15:21

Simon karé bè ke ɓee le’n è Cyrène. E bɔ Alexandre se Rufus. Loo ke è in kêm ngonn ɓee karé’t bè ree le dere ɓaa, njérɔge undei tɔg dènn’t le kade taa kage-ke-dese le Jésu oto.

Tà ke Maje ke Luc ndang 14:27

Ke nè á njèkuwe-gir’m uwe dè nja ra’n le kwei kàde kage-ke-dese’t titeke man m’ra’n bè lé ɓaa, è asekum kunn dè nja’m têr-têr lé.

Tà ke Maje ke Luc ndang 18:1

Jésu unn gos nyan karé le tɔje’n de rebe kɔje tà se Nube dɔ-dɔ anje kade kêm de tête mann.

Tà ke Maje ke Luc ndang 21:19

Takul korè tà njak le si á d’a kaje’n nganrankum ra si.

Tà ke Maje ke Luc ndang 5:5

Simon tel ile Jésu dè’t ede nè: – Ngar, jè ra kule kɔse kanje ndɔ laa j’ɔr yàl-yàl nal kuwe ngonn kanje karé ke luk-luk. Nè se go tà tami nga ɓaa, m’a tel kule burege manné gugu kan.

Tà ke Maje ke Luc ndang 8:15

Njar ko ke tée toso dè nang ke maje’t nga, ei dooge ke ooi Tà ke Maje se kêmnda káng ɓaa ngonmi dè ɓengre de’t a, ligri dè’t lagr-lagr sár adi kann de tò tutu.

Jean 15:21

Nè dooge à rai se si nyange nè malang tede ri’m man a, tede ger ke ei geri njèkule’m nga lé a tɔ.

Nje Ke Rome 12:12

I rai ranel dè nyan ke sei undei kêm si tchên dè’t nga. Oréi tà si njak dann nyantosowur’t ɔji tà se Nube se ndɔge malang m ebi’t lé.

Nje Ke Rome 16:12

Kon nann jéige Tryphène se Tryphose ke rai kule ɔri yàl-yàl tede le Kuwe-ɓee nga, i rai de lapya adi man. Kon nann’m Perside nga m’tár’n ngain. I rai nin lapya adi man. E géa, è doo ke ra kule ɔr yàl-yàl tede le Kuwe-ɓee tɔ.

Nje Ke Rome 2:7

Njé ke sangi le rai nyan ke maje se ndɔ de-ndɔ de tede le kinge’n ndubra le Nube a, riɓar a, se ndikumgajer se non a tɔ nga, Nube à ade à ndii se’n sár se non.

Nje Ke Rome 8:25

Kundekêm tchên dè nyan ke j’an-in se kum jéi lé ɓai nga, è korè tà njak ngine’n nyan nè se kêmkile.

1 Nje Ke Corinthe 13:7

Doo ke tár nan tò kêmn’t à ile kêm’n dè nyange’t malang a, à unde kêm’n dè nyange’t malang a, à orè tà’n njak dè nyange’t malang a tɔ.

1 Nje Ke Corinthe 16:16

Ngakonmge, ulei dè si adi dooge ke titeke bè se njé ke uwei se de tà kule nga a tɔ.

2 Nje Ke Corinthe 10:15

J’al dè ninn loo ke Nube ɔje ade jè tede pite’n ra jé dè kule ke njé ke rang ulei ra de ndibe tutu nga lé. Nyan karé ke j’unde kêm jé tchên dè’t á tò nè: Ke nè á kundekêm le si ɓisir ke kété-kété ɓaa, kule ke jè ra dann si’t à ile bujam kerɔte kuwe. Nè à ile bujam se go dè ninn loo ke Nube ɔje ade jè nga.

2 Nje Ke Corinthe 11:23

Ke nè á dooge nè nga ei ngann njékulege le Krist ɓaa, man géa m’ee ngonn njèkule le’n m’dum de ɓai. M’tam tà nè asenan se mbe doo bè. M’ule ra’m ndibe loo kule’t m’dum de malang. M’ra dangai ngain m’dum de malang. D’unde’m dé gang ra’m dàp-dàp dum de a, dɔ-dɔ m’ndi tà yo’t nja bule m’dum de a tɔ.

2 Nje Ke Corinthe 4:1

Nube ade jè ra kule nè nga se go kêmkanm le’n. Gir’n ke nè á j’ade kêm jé tête’n mann lé.

2 Nje Ke Corinthe 4:16

Gir’n ke nè á j’ade kêm jé tête’n mann lé. Ke nè á danra jé ke nata ayé jɔri géa, ngarankum ra jé tel in mande se ndɔge malang.

2 Nje Ke Corinthe 5:9

Gir’n ke nè á, loo ke jè ndii dè nang nè ɓai éké loo ke j’à ndɔti ɓee dè nang nè nga, nyan karé ke è ranel le jéi è taa kum Kuwe-ɓee.

2 Nje Ke Corinthe 6:5

Dé tunde jè a, d’ile jè dangai’t a tɔ. Dé sule dooge dè jé’t a, j’ule ra jé ndibe loo kule’t a tɔ. J’ɔge kum jé ɓi a, j’ɔge ra jé dè nyankuse’t se dè kain mann’t a tɔ.

Nje Ke Galatie 6:2

I taai nyankoto ke wɔi dè nan’t. Titeke bè á a i rai gute-ndu le Krist nga tɔli mbas.

Nje Ke Galatie 6:9

Adi kem̂ jéi tête mann dè ra nyan ke maje’t nga lé. Ke nè á j’adi ji jéi sɔl giré lé ɓaa, ndɔn’t j’à j’ujei kann’n ɓai.

Nje Ke Philippes 2:16

Uwei tà ndikumgajer nga gan-gan le kade dè’m in-in’n tchakm ndɔ tel ree le Krist. Titeke bè á ngɔde kan-in le’m se kule ke m’ra m’ɔr yàl-yàl nga à tel k’ee nyan ke kenon-non karè lé.

Nje Ke Philippes 4:3

I njèmade loo kaw le’m ke get nga géa, man m’deji le kade i ra se Evodie se Syntyche tede ei nga ndɔ ke ilei ra de kɔke se’m nan’t loo kile mber Tà ke Maje’t. Clément se njémade kulege le’m ke rang ke ri de tò kem̂ Magtub ndikumgajer’t nga géa Evodie se Syntyche rai se de loo kile mber Tà ke Maje’t tɔ.

Nje Ke Colosses 1:11

Jè deje Nube kade ule dingem kem̂ si’t se go tɔgmong le ndubra le’n. Titeke bè á sei a koréi tà si njak a, a kilei kem̂ si pon dè nyange malang ke ra sei nga.

1 Nje Ke Thessalonique 1:3

Non Bɔ jéi Nube’t nga, kem̂ jé olé dè kule ke sei rai dè kundekem̂’t le si. Kem̂ jé olé dè ra si ke ulei ndibe dè tár nan’t a tɔ. Non Bɔ jéi Nube’t nga, kem̂ jé olé dè korè tà njak le si dè kundekem̂ tchên dè Kuwe-ɓee le jéi Jésu-Krist nga a tɔ.

1 Nje Ke Thessalonique 2:9

Ngakon jége, loo ke ndɔ ke j’ile mber Tà ke Maje le Nube j’ade sei nga, j’ule ra jé ndibe jè ra kule j’ɔr yàl-yàl ndɔ a, kada a tɔ. Jè ra titeke bè tede le tel kɔii’n dè doo karé bè dann si’t lé. Ké kem̂ si olé dè’t ɓila lé sár wa?

1 Nje Ke Thessalonique 5:12

Ngakon jége, jè deje sei kuwe ɓai le kade ilei koje dè njé ke rai kule dann si’t. Tede ei nè nga ulei ra de ndibe ɔri non si, ei ndeji sei le kade umi nan’t bɔk se Kuwe-ɓee a tɔ.

2 Nje Ke Thessalonique 3:13

Sei ngakon jége ɓaa, adi ra si ate sei dè nyanra ke maje’t nga lé.

2 Nje Ke Thessalonique 3:5

Maje kade Kuwe-ɓee ade i tári Nube dè ɓengre si’t. Maje kade i ndai njáng dè kum nan’t bɔk se Krist.

2 Nje Ke Thessalonique 3:8

Doo karé bè géa ndɔ ke ade jè mapa j’use karè lé. Nè j’ule ra jé ndibe, jè ra kule j’ɔr yàl-yàl ndɔ a, kada a tɔ. Jè ra titeke bè tede le kɔi’n dè doo karé dann si’t lé.

1 Timothee 4:10

Ke nè á j’ule ra jé ndibe loo kule’t a, jè ra rɔ maje a ɓaa, è tede kem̂ jé ke j’unde tchên dè Nube’t ke njèndi kumgajer. Nube ke njèndi kumgajer nga è njèkaje dooge malang, nè njé ke undei kem̂ de dènn’t tá è njèkaje de ke get ɓai.

1 Timothee 5:17

Ngatɔgege ke ɔri non njékebe nange le Nube maje nga, è soo’t kade d’ile riɓar dè de’t nja joo. Nè njé ke ulei ra de ndibe dè kule kɔrgir tà’t éké dè kule ndó dooge nyan’t kuwe mbain á ei dooge ke maje kile riɓar dè de’t nja joo.

Hebreuge 10:36

Sei awi ndoo korè tà njak tede le ra’n nyan ke kem̂ Nube ndige kɔr son’n njêt. Titeke bè á a ingei nyan ke ndɔ ke Nube unn’n ndu’n le kade sei nga.

Hebreuge 12:1

Jèi géa, njékɔrgo tàge le jéi ndii ɗêng-ɗêng tɔ. Bè ɓaa, nyan ke rara ke wɔi jèi a, se kaiya ke ule jèi poré ɔge jèi kaw kum jéi ke kété nga adi jè risi de j’undei de nang. J’an-in ngɔde kum jéi ke kété ɔje dè nyan ke tò non jéi’t.

Hebreuge 13:13

Bè ɓaa, ade jè taai nyan rasɔl le’n j’otoi dè jéi’t j’awi jè tilei non’n gide loo ndi’t nata heb.

Hebreuge 6:10

Nube è njè banm doo lé. Kem̂’n à wei nal dè nyan ke sei rai tede tà le’n nga lé. Sei i ndii rai se njétaakem̂-Kristge ke rang kum si ke kété ɓai tede tár ke i tári Nube nga. Kem̂ Nube à wei nal dè ra ke i rai se de nga lé.

Hebreuge 6:12

I teli njérakatege lé ta. I ndaji kum dooge ke orèi tà de nják-nják dè kundekem̂’t le de á ingei nyan-ndube ke Nube unn ndu’n ade de nga.

Hebreuge 6:15

Ndɔ ke Abraham ile kem̂’n pon ngine’n titeke bè ɓita Nube ade’n nyan ke ndɔ unn’n ndu’n le kade nga ɓai.

2 Pierre 1:6

Utei ra si kalang le rɔti kunde kumkunju dè ra’t tà gos nyanger’t. Utei ra si kalang le rɔti korè tà njak tà kunde kumkunju’t dè ra’t a, utei ra si kalang le rɔti kile koje dè Nube’t tà koré tà njak’t a tɔ.

Lookilera’n 1:9

Man m’ee ngokon si Jean á m’ndang magtub nè. M’um se Jésu nan’t bɔk tite si sei tɔ. Man nga m’ee made ɓee le si ɔje dè konɓee le Nube. Nyantosowur ke ra sei á oréi tà si njak i ndii nginei ndɔ tel ree le Krist nga, man géa ra’m se si tɔ. Man Jean nga d’uwe’m d’aw se’m d’ile’m dè goré loo ke ri’n nè Patmos tede tà le Nube ke ndɔ ke m’ile mber’n a, tede tà le Jésu ke ndɔ ke m’ɔrgo a tɔ.

Lookilera’n 3:10

Ndɔ ke m’unn ndu’m m’adi kade oré tài njak dè kundekem̂’t. Ɗarinè i an dè ndukunn le’m nga sêw-sêw; ɓaa, man géa, man m’ee der giri ndɔ nyantosowur’t. Kerɔte kuwe, nyantosowur à ree le nan dooge malang ke ndii dè nang nè.