Lookilera’n 2:25 - Nouveau Testament en Gulay 2004

²⁵ Nè nyan ke karé ke tò ji si’t nga, uwei mong-mong sár adi m’ree’n.

Lookilera’n 2:25 ပူးပေါင်းရင်းမြစ်များ

Jean 14:3

M’a m’aw le gɔl loo ndi si. Loo ke m’aw m’gɔl loo ndi si gir gang ɓá ɓaa, m’a m’tel ree le koto si kàdem’t tede kade loo ke m’a m’ndi tutu ɓaa, sei géa a i ndii se’m nan’t tutu tɔ.

Nyanra Njekawkulege 11:28

E ke karé dann de’t ri’n nè Agabus. Ndil-Kêmnda ɔse’n ade in dɔ tam tà ndàt titeke ɓo-bò ayé koso se loo bere mbak dè nang ndi dooge’t. Ɓo-bò nè nga, ndɔ ke oso kuwe tɔ kêm lo ke Claude on’n ɓee.

Nje Ke Rome 12:9

Maje kade tár nan le si è ngarankum tár nan. Ɔri nyan ke majelé njêt. Nè i ligri dè nyanra ke maje’t lagr-lagr.

1 Nje Ke Corinthe 11:26

Dɔ-dɔ, loo ke a usei mapa nè a, a an-in yibe nduu nè nga a tɔ ɓaa, ilei mber kwei le Kuwe-ɓee sár adi tel ree’n.

1 Nje Ke Corinthe 4:5

Gir’n ke nè á maje kade i gangi tà dè doo’t se ndáng karè kété anje ndɔ tel ree’t le Kuwe-ɓee lé. I nginei sár adi Kuwe-ɓee kuwe tel ree pa ɓita. E è á à ade loo ar dè nyange ke tooi loo ɓoyɔn’t ɗarinè dann tilkus’t nga. Nyange ke dooge ɔji dè ɓengre de’t le rai se go ngein ɓai nga, Kuwe-ɓee à ribe dè ke nata tàkum kosge’t malang. Ndɔ’n nè nga, nanan géa Nube à pite’n ɔje dè nyan ra’n-ra’n.

1 Nje Ke Thessalonique 5:21

I teri nyange malang an-in, i taai è ke maje.

Hebreuge 10:23

Kundekem̂ tchên le jéi ke j’ilei mber’n nga, ade j’uwei gan-gan anje kade kem̂ jéi tête mann. Oiyo, Nube à ra nyan ke è unn ndu’n le ra nga kuwe. Adi j’umi kem̂ jéi dènn’t bɔk-bɔk.

Hebreuge 3:6

Nè Krist ɓaa, è Ngonn ke ase; è á Nube ɔr’n unde’n ke njèkan dè loo kem̂ kei le’n. E ra kule le’n se ngonn koje. Ke nè á jè ndai kem̂ jéi káng dè kundekem̂ tchên ke jè ndii jè pitii ra jéi’t nga ɓaa, j’à jè kei le Nube kuwe.

Hebreuge 4:14

Ade j’uwei kundekem̂ ke j’ilei mber’n nga mong tede j’awi se njèkuje nyan-mese ke bò. Njèkuje nyan-mese ke bò nè nga è Jésu Ngonn le Nube ke unde kem̂ danran ndàt gang aw sár ra Nube’t nú.

2 Pierre 3:10

Ndɔ tel ree le Kuwe-ɓee nga à è tite ndɔ ree le njèɓog bè. Kem̂ ndɔn’t nè nga, danran à ndubu tong-tong le kɔte goto njêl karè. Nyange malang ke danrán à leein larr-larr. Nang nè se nyange malang ke tooi tutu nga, por à ró de rák-rák a tɔ.

Lookilera’n 1:7

An-in! Jésu-Krist nga à ree dann kil’t le ndi; dooge karé-karé malang à an-in nin a, njé tɔse’n tɔlnge géa à an-in nin se kum de a tɔ. Kosdooge malang dè nang nè à non-in kundei kàde de dai-dai tede tà le’n. Oiyo, maje kade è titeke bè kuwe.

Lookilera’n 22:20

Jésu ke njèkɔrgo tà nyange nè nga tam ede nè: «Oiyo, m’a tel ree ngɔr.» Maje kade è titeke bè kuwe, Kuwe-ɓee Jésu, i ree.

Lookilera’n 22:7

Jésu ede nè: «Ooi maje, m’a m’tel ree ngɔr. Doo ke ngonm tà ke tà Nube’t ke dé ndang kem̂ magtub’t nè nga sêw-sêw ɓaa, ra’n à nel’n kuwe!»

Lookilera’n 3:11

Man m’ree kalang. Nyan ke tò jii’t nga, uwe mong-mong tede kade doo karé bè géa taa jɔkɔ tête rɔ lei nga aw’n lé.

Lookilera’n 3:3

Ade kem̂i olé dè tà ke i oo a, ke ndɔ ke i taa se kem̂i a tɔ. I ngonm tà nè nga a, i tel i tur hali rang a tɔ. Ke nè á i tel i ndikum lé ɓaa, m’a m’ree kubei nang bus tite njèɓog m a i ger kàde ke m’a m’tee’n dèi’t nga lé.