Lookilera’n 2:23 - Nouveau Testament en Gulay 2004

²³ M’a m’ade yo-kos à tɔl ngannenge kabak. Bè tá njékebe nange le Nube malang à geri titeke man m’ee njè ter tàgir le dooge ke dè ɓengre de’t. Man m’uge nanan géa dann si’t se go kule ra’n.

Lookilera’n 2:23 ပူးပေါင်းရင်းမြစ်များ

Matthieu 16:27

Ndɔ karé ke man ke m’ee Ngonn doo nga, m’a tel ree se dooge le’m ke danran dann ndubra’t le Bɔ’m ɓaa, kêm ndɔn’t nè nga m’a m’uge nanan géa se goo nyan ra’n ra’n.

Tà ke Maje ke Luc ndang 16:15

Jésu ede de ede nè: – Sei an-in ra si ke njéra nyan danné sêwge tàkum dooge’t nè Nube ger ngarankêm si mbak. Nyan ke è ngarankum nyan tàkum dooge’t nga, Nube an ke nyan ke tò yêr tàkumn’t.

Jean 21:17

Jésu deje Simon njèkon’t mute ede nè: – Simon, ngonn le Jean, ké i ndige’m kerɔte kuwe wa? Kêm Pierre on’n tede deje ke Jésu tel deje’n njèkon’t mute ede nè: – Ké i ndige’m kerɔte kuwe wa? Taɓai Pierre tel ede Jésu ede nè: – Kuwe-ɓee, i ger nyange malang ɓá, i ger titeke m’ndigi kerɔte kuwe. Jésu tel ede Simon Pierre ede nè: – Bè ɓaa, ul ngann batege le’m ade’m sei.

Jean 4:16

Jésu edé ede nè: – Aw i ɓar ngawi ɓita i tel i ree nè ɓai.

Nyanra Njekawkulege 1:24

Taɓai dé malang d’ɔje tà se Nube d’ede nè: – Hei! Kuwe-ɓee, i ger ngarankêm dooge malang, ule jii njung dè doo karé ke i kuwe ɔr’n unde’n se ninn’n dann dooge ke joo nè ade jè.

Nje Ke Rome 14:12

Titeke bè, nanan géa dann jéi’t à ɔrgir nyanra’n è kuwe le kade Nube.

Nje Ke Rome 8:27

Nube è ke njè ter ɓengre dooge nga ger nyan ke Ndil ndige kɔ. Ndil-Kêmnda ndi ra rebe tà le njétaakêm-Kristge se go kêmndige le Nube.

2 Nje Ke Corinthe 5:10

Kerɔte kuwe, ndɔn’t jèi karé-karé malang j’à ndai loo gangtà’t le Krist tede kade nanan géa à inge kann nyan ra maje éké majelé ke è ra loo ke kété ndi’n se dè’n dɔ ɓai nga.

Nje Ke Galatie 6:5

Sei geri mbak, nanan géa à unn nyankoto ke wɔi ke ɔje dè’n-dè’n.

Hebreuge 4:13

Nyankunde le Nube karé bè ke ɓɔyɔ ra’n tàkumn’t goto. Nyan malang tò nata ndái-ndái tàkum è ke ndɔn’t j’à tutei go nyanra jéi kadi nin.

1 Pierre 1:17

Nube ke njè ndête kum doo lé nga á ke njègangtà dè nanan géa se go kule ra’n-ra’n nga, sei ɓari nin Bɔ si. Bè ɓaa, i ɓeli ndil’n loo ke sei i nain-in ke mbage bè dè nang nè ɓai.

Lookilera’n 2:11

Nanan ke ka mbi’n tò tutu ɓaa, maje kade ur mbi’n maje oo’n tà ke Ndil ede njékebe nange le Nube. Dooge ke têti rɔ ɓaa, yo ke njèkon’t joo à ra kum de ndoo ndan lé.»

Lookilera’n 2:7

Nanan ke ka mbi’n tò tutu ɓaa, maje kade ur mbi’n oo’n tà ke Ndil ede njékebe nange le Nube. Dooge ke têti rɔ ɓaa, m’a made de kann kage ndikumgajer ke tò loo ke maje’t le Nube kade usei.»

Lookilera’n 20:12

M’an njé ke weii, dooge ke bò se ngann dooge ndai non kutu-ngar’t nè nga. D’uwe tà magtubge dé teen. Magtub karé ke ɔje dè ndikumgajer nga géa, dé teen tà’n tɔ. Go’t gugu, dé gangtà dè njé ke koo’t ɔje’n dè kule ra de, ra de, se go nyange ke dé ndang tà’n kem̂ magtub’t nè nga.

Lookilera’n 20:13

Njé ke koo ke ndɔ ke rai ɓee dann ba-bò kate’t nga, ba-bò kate ree se de ɓuku de nata. Njé ke koo ke ndii se yo ɓee le yo nga géa, yo se ɓee le yo reei se de ɓuki de nata a tɔ. Nanan géa dé gangtà dènn’t se go kule ra’n, ra’n.

Lookilera’n 22:12

Jésu ede nè: «Oo maje, man m’tel ree ngɔr. M’a m’aw se nyankuge dè ji le’m jim’t tede kuge’n dè ji dooge karé-karé malang se go kule ra de, ra de.

Lookilera’n 6:8

An! loo ke m’an loo gerer ɓaa, m’an sinde-mɔse. Doo ke njèkal’n nga ri’n nè yo-kos. Ɓee le njé ke koo ndolè goo’n. Dè kum nang ke tɔ sɔ nga, d’ade yo-kos se ɓee le njé koo gang ɔje dè è ke karé. Yo-kos se se ɓee le njé ke koo à tɔli dooge se kuye kaskar ke bòi bember se ɓo a, se yo-kos a, se dan-tonge ke dè nang nè a tɔ.