Lookilera’n 2:17 - Nouveau Testament en Gulay 2004

¹⁷ Nanan ke ka mbi’n tò tutu ɓaa, maje kade ur mbi’n maje oo’n tà ke Ndil ede njékebe nange le Nube. Dooge ke têti rɔ ɓaa, m’a m’ade de mur ke tò loo ɓɔyɔn’t ke ri’n nè manne kade on-in. M’a m’ade’n ngonn her ke nda kade ɔr’n tà dè dooge’t. Ri ke kige ke dé ndang tu ngonn her ke nda’t nè nga, doo ke rang karé bè géa ger lé. Nè doo ke inge ngonn her ke nda nè kuwe se kár’n bere á ger.»

Lookilera’n 2:17 ပူးပေါင်းရင်းမြစ်များ

Matthieu 13:11

Jésu tel ile de dè’t ede nè: – Sei ɓaa, d’ade non si ar ade i geri nyange ke tooi loo ɓɔyɔn’t kêm Konɓee ke danrán. Nè dé ɓaa, d’ade non de ar tite sei lé ɓai.

Marc 7:16

Nanan ke ka mbi’n tò tutu le koo’n tà baa, maje kade nel mbi’n oo’n tà le’m.]

Jean 4:32

Nè è ede de ede nè: – Man m’aw se nyankuse’m laa nè sei á i geri lé.

1 Nje Ke Corinthe 2:14

Doo ke karé ke Ndil Nube ndi kêmn’t lé ɓaa asekum taa nyan le Ndil Nube lé. Nyan le Ndil Nube tò asenan se nyan mbe tàkumn’t m è asekum ger gir lé. Oiyo, Ndil le Nube è njè kade doo ter nyange ger gir.

Nje Ke Colosses 3:3

Kerɔte kuwe, sei weii ɓá, ndikumgajer le si nga ɓɔyɔ ra’n sɔk-sɔk ra Nube’t takul kum ke umi bɔk nan’t se Krist.

Lookilera’n 14:3

Dooge ke aru dɔg loo aru se kɔr-sɔ-gidé-sɔ nga ɔsi pa ke kige non kutu-ngar’t tàkum nyankundege ke sɔ se tàkum ngatɔgege. Doo karé bè ke asekum ndó pa ke kige nè nga goto. Nè njé ke aru dɔg loo aru se kɔr-sɔ-gidé-sɔ ke in-in dè nang nè kuwe karé á asi ndói pa ke kige nè geri. Ei dooge ke ndɔ ke Ngonn bate gang dè de dè nang nè.

Lookilera’n 19:16

Doo ke danrán ke al dè sinde-gaglam’t nga, dé ndang ri doo tu kubu’t le’n ke bòi yul a, dè bingenn’t a tɔ, d’ede nè: «Ngar dè ngarge a, Kuwe-ɓee le kuwe-ɓeege a tɔ.»

Lookilera’n 2:11

Nanan ke ka mbi’n tò tutu ɓaa, maje kade ur mbi’n maje oo’n tà ke Ndil ede njékebe nange le Nube. Dooge ke têti rɔ ɓaa, yo ke njèkon’t joo à ra kum de ndoo ndan lé.»

Lookilera’n 2:7

Nanan ke ka mbi’n tò tutu ɓaa, maje kade ur mbi’n oo’n tà ke Ndil ede njékebe nange le Nube. Dooge ke têti rɔ ɓaa, m’a made de kann kage ndikumgajer ke tò loo ke maje’t le Nube kade usei.»

Lookilera’n 3:22

Nanan ke ka mbi’n tò tutu ɓaa, maje kade ur mbi’n maje oo’n tà ke Ndil ede njékebe nange le Nube.»

Lookilera’n 3:6

Nanan ke ka mbi’n tò tutu ɓaa, maje kade ur mbi’n maje oo’n tà ke Ndil ede njékebe nange le Nube nga.»