Lookilera’n 2:16 - Nouveau Testament en Gulay 2004

¹⁶ Bè ɓaa, i tur hali. Ke nè á i tur hali lé ɓaa, m’a m’awi non ɗari-ɗarinè. M’a m’aw le rɔ se dooge nè nga se kuye kaskar ke tàm’t.

Lookilera’n 2:16 ပူးပေါင်းရင်းမြစ်များ

Nje Ke Ephese 6:17

Taɓai, unni kundekem̂ tchên dè kaje’t ke jɔkɔ kunn banga le si a, unni tà le Nube ke kuye kaskar le Ndil ke ade sei uwei ji si’t mong.

2 Nje Ke Thessalonique 2:8

Njèkem̂yêr ke njè kɔse tà mbeng à unde loo tee ɓaa, ke loon’t nè kuwe, kundu tà Kuwe-ɓee Jésu à unde’n tɔl’n soin. Kuwe-ɓee Jésu à gudu’n ngoin-ngoin ndɔ tel ree’t le’n se ra’n ke ndoin kein-kein dann ndubra’t.

Lookilera’n 1:16

Doo nè nga uwe kɔnyonge ji sejimute jikonn’t, kuye kaskar ke ate ngang joo ke tà ate njêt tee tànn’t. Tà kum’n ndoin tite kàde ke ndɔbe ráng-ráng bè.

Lookilera’n 16:9

Loo tunge ke tò ɓel ngain tunge dooge ade taji ri Nube ke njèkule nyantosowurge se go tɔgmong le’n. Nè né è bè géa, dé mbate tel tur hal de tede kule’n ndubra dè Nube’t.

Lookilera’n 19:15

Kuye kaskar ke bòi bember ke tà’n ate njêt unde loo tee tà doo’t nè nga, tede jeng girkoje dooge ke se dè ɓee-ɓee dè nang nè. E è kuwe á ul de a, ɔr non de se kage-tɔse ke nar a tɔ. E à raje de ráj-ráj ndɔ wong bò’t le Nube ke njè tɔgmong, titeke doo raje’n kul nduu kem̂ nyan mboré mann nduu’t bè tɔ.

Lookilera’n 19:21

Gute dooge ke nan-in nga, kuye kaskar unde loo tee tà è ke ndi dè sinde-gaglam’t jeng kɔbe de ɗêng-ɗêng tɔl de. Helge malang usei dan de adi ase de nák-nák.

Lookilera’n 2:12

Doo ke m’an’n nga tam ede nè: «I ndang magtub nè ade doo ke danrán ke njèkan dè njékebe nange le Nube ke kem̂ ɓee-bò ke Pergame. E ke aw se kuye kaskar ke tà ate ngang joo nga, tam ede nè:

Lookilera’n 2:5

Ade kem̂i olé dè loo ke in tutu oso nga. I tel i tur hali, unn kule ke ndɔ ke i ra kété i ra. Ke nè á i tel i tur hali lé ɓaa, m’a m’awi non. Lampe lei ke ra se nar-ɔr nga, m’a m’aw le ndɔte’n kɔke.

Lookilera’n 22:20

Jésu ke njèkɔrgo tà nyange nè nga tam ede nè: «Oiyo, m’a tel ree ngɔr.» Maje kade è titeke bè kuwe, Kuwe-ɓee Jésu, i ree.

Lookilera’n 22:7

Jésu ede nè: «Ooi maje, m’a m’tel ree ngɔr. Doo ke ngonm tà ke tà Nube’t ke dé ndang kem̂ magtub’t nè nga sêw-sêw ɓaa, ra’n à nel’n kuwe!»

Lookilera’n 3:19

Man ɓaa, dooge malang ke m’tár de nga, m’ndáng de a, m’um ndêin dè de’t a tɔ. Maje kade in kalang i tur hali.