Lookilera’n 2:10 - Nouveau Testament en Gulay 2004

¹⁰ I ɓel nyankumndoo ke à rai nga lé. An! njè kem̂ majelé à tile dooge ke nange dann si’t dangai’t tede nan’n sei. Nyantosowur à ra sei ndɔ dɔg. Um kem̂i dèm’t i nda njang sár ndɔ kwei’t ɓaa, m’a m’adi jɔkɔ kunn banga ke ndikumgajer nga tɔ.

Lookilera’n 2:10 ပူးပေါင်းရင်းမြစ်များ

Matthieu 10:22

Dooge malang à ɔri sei njêt tede ri’m man. Nè è ke nda dè njann’t njáng sár ndɔ ke ngeinn’t ɓaa, Nube à aje’n.

Matthieu 10:28

Njé ke à tɔli danra si nè asikum tɔl nganrankum ra si lé nga, i ɓeli de lé. Nè è soo’t kade i ɓeli ndil Nube ke asekum kade dé tɔl danra si se nganrankum ra si nan’t bere mbak kum de dann loo ke tur’t.

Matthieu 24:13

Nè nanan ke nda dè njann’t njáng sár ndɔ ke ngeinn’t ɓaa, d’a d’aje’n.

Marc 13:13

Dooge malang à ɔri sei njêt tede tà le’m. Nè doo ke orè tà’n njak sár wei’n ɓaa, Nube à aje’n.

Marc 8:35

Nanan ke ndige ngonm ra’n sár-sár ɓaa à wei, nè nanan ke ile ra’n kɔke salang tede tà le’m a, tede Tà ke Maje a tɔ ɓaa, à ndi kumgajer kerɔte.

Tà ke Maje ke Luc ndang 21:12

Nè kété ɓita kade nyange nè teei ɓai nga, d’a tuwe sei a, d’a ra kum si ndoo a, d’a d’ule sei ji ngar dè kei kebe nan a, d’ade ɓuku sei dangai’t a, d’ade kali sei kaw se si non ngar-ɓeege’t se non njékonɓeege’t a tɔ. D’a ra se si nyange nè nga titeke bè tede’m man.

Jean 12:25

Nanan ke ndige ra’n ɓaa à ile ra’n kɔke salang ɓai. Nè nanan ke an ra’n ke nyan lé tede le Nube dè nang nè ɓaa à ngonm ra’n ndii’n kumgajer se non.

Jean 13:2

Loo ke Jésu se njékuwe-girnge ndii tà nyankuse’t ɓaa, sú ree dubu tà kunn dè Jésu kêm ɓengre Judas Iskariot ngonn Simon.

Jean 13:27

Loo ke Judas taa mapa nè use làng ɓaa, njèkêmyêr ree ur kêmn’t. Ke loon’t nè kuwe, Jésu ede’n ede nè: – Nyan ke a i ra nga, i ra kalang.

Nyanra Njekawkulege 20:24

Ndikumgajer le’m dè nang nè nga, m’an ke nyan ke ngain le tɔse kum dè’t lé. Nè kɔr son ngɔde le’m se kule ke Kuwe-ɓee Jésu-Krist um jim’t á ke nyan ke uwe kêm’m. Kule ke Kuwe-ɓee um jim’t nga, è kule kile mber Tà ke Maje ke ɔje dè kêmnoje le Nube.

Nyanra Njekawkulege 21:13

Ke loon’t nè kuwe, Paul deje de ede nè: – Ké tede ri á i non-in adi ɓengre’m ayé gang’n dɔs wa? Man m’uwe dè nja ra’m le kade dé tɔɔ’m á go karé lé, nè m’uwe dè nja ra’m le kwei tede ri Kuwe-ɓee Jésu kêm ɓee-bò ke Jérusalem.

1 Nje Ke Corinthe 9:25

Njè kan-in ngɔde ke rara géa ɔge ra’n dè nyange gai-gai. Njé naje nan ngɔde nga rai titeke bè le kingei jɔkɔ kunn banga ke à ndis ɓai. Nè jè ɓaa, j’ɔge ra jé dè nyange gai-gai tede kinge’n jɔkɔ kunn banga ke à ndis lé.

Nje Ke Ephese 2:2

Kété mari sei njiyei se go nyanrage le dooge ke dè nang nè. Sei ndolèi go ngar le ndilge ke majelé ke njèkonɓee dann danrán’t se nang nè. E nè nga è ndil ke majelé ke ndi sule gir ngann njé dum nange ɗarinè.

Nje Ke Ephese 6:12

Ḿ-m̀, rɔ ke jè rɔi nga, jè rɔi se dooge ke dè nang nè lé, nè jè rɔi se tɔgmong-ge le ndilge ke majelé ke danrán, se njékonɓeege, se tɔgmong-ge le njèkonɓee tilkus’t a tɔ.

Jacques 1:12

Doo ke oré tà’n njak dè nyange ke nann’t ɓaa, ra’n à nel’n. Doo ke orè tà’n njak dè nyange ke nan-in nin ɓaa à inge jɔkɔ kunn banga le ndii’n kumgajer. Jɔkɔ kunn banga nga, ndɔ ke Nube unn’n ndu’n le kade njé ke tárii.

1 Pierre 5:4

Titeke bè á loo ke ndɔn’t maw njèkul bate kosge à tel kunde loo tee pan ɓaa, à ingei jɔkɔ kunn banga le riɓar ke à ndis ndan lé.

1 Pierre 5:8

I ndii kum si karè, ɔgi kum si ɓi. Sú ke è njèban le si nga uje rɔ ringe’n tite toboi bè. E sang doo ke le kuwe’n kuse’n.

Lookilera’n 13:14

E libe kum dooge ke dè nang nè se nyankɔbege ke kade tɔli nyan ndajii dan ke ndɔ ke d’ade’n dò ke ase yo’n á tel ndi kumgajer ɓai nè nga.

Lookilera’n 13:2

Dan ke m’an’n nga tanan se kak. Nè nja’n ɓaa tanan se nja dan ke ri’n nè «Ours» a, tà’n tanan se tà toboi a tɔ. Dan-kɔbe ade dan nè nga tɔgmong le’n se kutu-ngar le’n a, se dèmong le’n ke bò a tɔ.

Lookilera’n 13:7

D’inye loo d’ade’n kade rɔ se dooge le Nube ke tooi se ninn de a, kade tête de rɔ a tɔ. D’ade’n tɔgmong kade on kosdooge se girkoje dooge ke dè nang nè ke tà tam de è gai-gai a, dooge ke se dè ɓee-dè ɓee a tɔ.

Lookilera’n 17:14

D’a d’um nan’t bɔk le rɔ se Ngonn bate, nè è à tête de rɔ; tede Ngonn bate nga è Kuwe-ɓee ke on kuwe-ɓeege a, è Ngar ke on ngarge a tɔ. Ngonn bate se njé ke le’n ke è ɓar de, tɔr de a, ke undei kem̂ de dènn’t a tɔ nga, à têti de rɔ.»

Lookilera’n 2:13

Loo ke i ndi tutu nga, m’ger mbak, è kutu-ngar le njèkem̂yêr. Kem̂ ndɔn’t ke ndɔ ke dé tɔl’n Antipas, njèkɔrgo tà le’m ke maje kule dann si’t nga géa, ile ri’m nang lé a, i naje se rai dè kem̂i ke unde dèm’t nga lé a tɔ. Loo ke ndɔ ke dé tɔl Antipas tutu nga, njè kem̂ majelé urkei tutu bajaj.

Lookilera’n 2:9

Nyantosowur ke rai se ndoo ke rai nga, m’ger mbak kuwe. Nè né è bè géa i baw nyankinge. Tà ke majelé ke njé ke ei kuwe edi nè n’ei juipge tami sei nga, m’ger mbak kuwe. Nè dé nè nga, ke get-get ɓaa, dé kei kebe nan le njèkem̂yêr.