Lookilera’n 19:8 - Nouveau Testament en Gulay 2004

⁸ Njènong le Ngonn bate nga d’ade’n kubu ke sɔl lom-lom, ke nda káng-káng a, ke unju nyang-nyang a tɔ, d’ade ule rann’t. Kubu ke nda káng-káng nè nga ei nyanrage ke se dè naje’n le dooge le Nube ke tooi se ninn de.»

Lookilera’n 19:8 ပူးပေါင်းရင်းမြစ်များ

Matthieu 17:2

Ke loon’t nè kuwe ra’n tel waks tàkum de’t. Tàkum’n ndoin kein-kein tite kàde a, kubuge ke rann’t tel nda káng-káng a, unji njai-njai tite lookar bè.

Matthieu 22:12

E tel deje doo nè nga ede nè: «Dingem, ké i ra bain á i ree’n loo’t nè anje kule kubu ra nan rai’t wa?» Dingem nè nga an tà ke le tam lé.

Marc 9:3

Kubuge le’n ke rann’t unni gir ndoléi kein-kein a, ndai káng-káng a tɔ. Doo karé ke dè nang nè ase togo kubu kade nda tite kubuge le Jésu ke rann’t nè goto.

Tà ke Maje ke Luc ndang 24:4

Dé tel dé nda giw ɓaa, an! ke loon’t nè kuwe doo ke danránge joo ke Nube ule de undei loo teei hɔi ra de’t se kubuge ke ndoin kein-kein.

Nyanra Njekawkulege 1:10

Loo ke Jésu in à aw ke danrán nga, njékawkulege an-in goo’n sikm. An! dingemge joo undei loo teei ndai se kubuge ke nda káng-káng ra de’t. Ei deji njékawkulege nga edi nè:

Nje Ke Rome 13:14

Nè i teli i ndaji kum Kuwe-ɓee Jésu-Krist. Inyei ra si adi ngur nyange le danra ndɔr sei aw se si loo nyanra ke majelé’t lé ta.

Nje Ke Rome 3:22

Nube ɔr tà dè dooge’t malang tede kêm de ke undei dè Jésu-Krist’t, m ɔr kum doo karé dann de’t lé.

Lookilera’n 15:4

Kuwe-ɓee! ké nan à nal kile koje éké nal kile riɓar dè ri’t nga wa? Oiyo, i kuwe se kari bere luk-luk á i tò se ninni, girkoje dooge se dè ɓee-dè ɓee malang à reei ndɔ karé kɔsi keje de nang non-in’t ɗɔyi nin tede nyanrage lei ke se dè naje’n tooi nata ndái-ndái tàkum de’t.»

Lookilera’n 15:6

M’an dooge ke danrán ji sejimute uwei nyantosowurge ji sejimute ji de’t, undei loo teei gile kei’t le Nube ke tò se ninn’n nga. Dooge ke danrán nè nga tulei kubu ke nda ke unju nyang-nyang ndai. Taɓai, ei tɔi kàde de se ndar ke dé ra se nar-ɔr njanm-njanm.

Lookilera’n 19:14

Njérɔge ke danrán ali sinde-gaglam ndolèi goo’n. Njérɔge nè nga tulei kubu ke nda káng-káng, ke unju nyang-nyang ra de’t.

Lookilera’n 3:18

M’a m’ra ndoo rai’t, tài tò njak kuwe, i ndogo se’m nar-ɔr ke dé leen poro d’ade yede’n tee ɓaa, a i baw nyankinge. I ndogo se’m kubuge ke nda i tule rai’t utu’n dè rasɔl mburi ke tò suturu. M’ra ndoo rai’t, tài tò njak kuwe, i ndogo se’m kuge i rii’n kumi ɓaa, a i tel kan loo njai-njai.