Lookilera’n 19:7 - Nouveau Testament en Gulay 2004

⁷ Jè rai ranel a, j’ali ra jéi a, j’ɔsi pa j’ilei riɓar dè Nube’t a tɔ. An! ndɔ ra nan taa nan le Ngonn Bate nga ase ɓá! Njènong le’n nga géa uwe dè nja ra’n ɓá a tɔ.

Lookilera’n 19:7 ပူးပေါင်းရင်းမြစ်များ

Matthieu 1:20

Nè loo ke Joseph ndi à gir tà dè nyan’t nè nga bè ɓai ɓaa, an! doo ke danran ke Kuwe-ɓee ule’n tee dènn’t pan ede’n tà se nin ede nè: – Joseph, ngonn David, i ɓel le taa Marie ke neein lé, tede ngonn ke tò kêmn’t nga in ra Ndil-Kêmnda’t.

Matthieu 22:2

– Konɓee ke danrán nga tò asenan se ngar karé bè ke ade dé koré mur tête tà ɓee le ngonn’n ke dingem.

Tà ke Maje ke Luc ndang 12:36

I rai tite dooge ke nginei kuwe de ke à in loo dann ɓee’t le ree. Loo ke è à ree kunde tà kei ɓaa, ke loon’t nè kuwe d’a teen tà kei kade’n.

Jean 3:29

Doo ke dinye njè ngaw kige ɔje dè’n nga, è ngaw’n. Nè made njè taa dinye kige nda kɔtenn’t oo tà le’n. Ndu njè taa dinye kige ke made’n oo nga ade’n made’n ranel ngain. Man géa, m’ɔr son ranel le’m ɓila titeke bè tɔ.

2 Nje Ke Corinthe 11:2

M’tár sei ngain. Tár ke m’tár sei nga, ngire’n in ra Nube’t kuwe. Gir’n ke nè á m’ra’n jang dè si’t. Sei i tooi asinan se ngomande ke nal ger dingem ɓai bè. Krist kuwe karé bere luk-luk á è ngaw ke m’uwe dè’n m’ɔje’n dè si. M’tɔje’n go si kade an sei ke neennge.

Nje Ke Ephese 5:23

tede ngaw dinye è doo dè neen’n titeke Krist ee’n doo dè njékebe nange le Nube. E Krist nga, è njèkaje njékebenange le Nube ke ei danra’n è kuwe.

Nje Ke Ephese 5:32

Nyan ke tò loo ɓɔyɔn’t nga, è nyan ke bò. Nè man m’tam tà nè nga m’ɔje’n dè Krist se njékebe nange le Nube.

Nje Ke Philippes 3:3

Kerɔte kuwe, è jèi á jèi njékuje tà mɔtege ke get tede jè ɗɔyi Nube se go Ndil’n. Jè ti ra jé se ri Jésu-Krist m j’unde kem̂ jé dè danra’t lé.

Lookilera’n 11:13

Ke loon’t nè kuwe, nang yei ɓuk-ɓuk. Debe ɓee-bò ke karé dann ke dɔg’t ɔr oso. Loo ke nang yei ɓuk-ɓuk nga, dooge aru dɔg loo ji sejimute weii kabak. Ɓel unde gute dooge ne nan-in ndàt gang de ade teli ulei ndubra dè Nube’t ke ndi danrán.

Lookilera’n 19:9

Doo ke danrán ede’m ede nè: «I ndang tà nè nga: Njé ke dé ɓar de loo mur dann ɓee’t le Ngonn bate nga, ra de à nel de.» Taɓai, è ede’m ede nè: «Tàge nè nga ei ngarankum tàge le Nube kuwe.»

Lookilera’n 21:2

M’an Jérusalem ke kige, è ɓee-bò ke tò se ninn’n ke in danrán ra Nube’t rise nang. Ɓee-bò nè nga tò asenan se ngomande ke ra ra’n mande tàkum ngawn’t bè.

Lookilera’n 21:9

Dooge ke danrán ji sejimute uwei baige ji sejimute ji de’t ndai. Bai wong nè nga, nyantosowurge ji sejimute rusi kem̂ neĵ-neĵ. E karé dann de’t ree tam se’m ede nè: «I ree laa ade m’tɔji njènong ke è dinye le Ngonn bate ke taa’n ke kige nga.»